තායිලන්ත රජතුමාගේ අගමෙභෙසිය

තායිලන්ත රජතුමාගේ වල්ලභ ස්ත්‍රියගේ දුර්ලභ ඡායාරූප පෙළක් පළ කිරීමත් සමඟ අති විශාල පිරිසක් මාලිගාවේ වෙබ් අඩවියට පිවිසීම හේතුවෙන් වෙබ් අඩවිය බිඳ වැටී ඇතැයි වාර්තා වේ. 34 හැවිදිරි සීන්නීනාත් වොන්වෂිරාපක්දි (Sineenat Wongvajirapakdi) ප්‍රහාරක ගුවන් නියමු ඇඳුමකින් සහ ආයුධ සන්නද්ධ හමුදා ඇඳුමකින් සැරසී සිටින ඡායාරූප වෙබ් අඩවියේ පළ කර තිබිණ.

67 හැවිදිරි තායිලන්තයේ මහා වජිරලොංකොර්න් රජු සුතිදා රැජින සමග විවාහ වී දෙමසකට පසු පසුගිය ජූලි මස සීන්නීනාත් වොන්වෂිරාපක්දිට සිය නිල සහකාරිය තනතුර පිරිනැමීය. සුතිදා රැජින තායිලන්ත රජුගේ සිව්වන බිරිඳය. සිය වසරකට ආසන්න කාලයකින් පසු පළමු වරට රාජකීය නිල සහකාරිය තනතුරට පත් කළ සීන්නීනාත් වොන්වෂිරාපක්දි හමුදාවේ මේජර් ජෙනරාල්වරියකි.

අදාළ ඡායාරූප පළ කර තිබූ වෙබ් අඩවියට අති විශාල පිරිසක් පිවිසීම නිසා එය බිඳ වැටුණු බව රොයිටර් පුවත් සේවය පවසයි. ඡායාරූප සමග ඇයගේ චරිතාපදානය ද වෙබ් අඩවියේ පළ කර තිබිණි. පුහුණු ගුවන් නියමුවරියක්, හෙදියක් සහ ආරක්ෂක නිලධාරිනියක වන සීන්නීනාත් වොන්වෂිරාපක්දිගේ “චරිතාපදානය ලියා තබන ලෙසට” තායිලන්ත රජු නියම කළ බව මාලිගාව නිකුත් කළ නිවේදනයක දැක්වේ.

හිටපු ගුවන් සේවිකාවක සහ රජුගේ ආරක්ෂක අංශයේ උප ප්‍රධානියෙකු ලෙස කටයුතු කළ 41 හැවිදිරි සුතිදා රැජින මහා වජිරලොංකොර්න් රජුගේ දීර්ඝ කාලීන සහකාරිය වන අතර, වසර ගණනාවක සිට ඔවුන් දෙදෙනා ප්‍රසිද්ධියේ දැක ගත හැකි විය. දිගු කලක් තායිලන්තයේ සිහසුන අරා සිටි පූමිපොන් අදුන්යදේජ් රජුගේ අභාවයෙන් අනතුරුව ඔහුගේ පුතු වන මහා වජිරලොංකොර්න් හට 2016 වසරේදී සිහසුන උරුම විය.

සල්මන් ඛාන්ගෙන් ලක්ෂ 165 නිවසක්

මේ දිනවල සමාජ මාධ්‍ය ඔස්සේ බොලිවුඩයෙන් බිහි වූ නවක තරුවක් පිළිබඳව බොහෝ දෙනෙක් කතාබහ කරයි. ඇගේ හඬට වශී වූ බොහෝ දෙනෙකු ඇය පිළිබඳව කතාබහ කිරීමටද සූදානම් වෙයි. ඇය අන් කවරකුවත් නොව බොලිවුඩයෙන් බිහි වූ නවක තරුවක් වන රනු මොන්ඩාල්ය. අප්‍රමාණ වූ කටුක ජීවිතයක් ගත කළ නවක ගීත කෝකිලාව හැඳින්විය හැකි ඇගේ ජීවිතය වෙනස් වන්නේ ඇයත් නොසිතූ ආකාරයෙනි. මොන්ඩාල් ඉන්දියාවේ බෙන්ගාලිහි රනාගට් දුම්රිය වේදිකාවේ ගී ගයමින් සිටි ගායිකාවකි. ඇගේ ජීවිතය වෙනස් වන්නේ ඊට සති දෙකක පසුවයි.

ඇගේ ජීවිතය වෙනස් වීමට මූලික වන්නේ චිත්‍රපට ගායක හිමේෂ් රෙෂමියාගේ ඉදිරිපිට ගී ගැයීමත් සමගිනි. හිමේෂ්, රනු මොන්ඩාල්ගේ හඬ පිළිබඳව ඉතාමත් විමතියට පත් වන්නේ ඇයගේ තේරී මේරි තේරි මේරි කහානි ගීයත් සමගිනි. එම ගීතයත් සමගින් ඇගේ ජීවිතේ තිබූ කටුක බව සහ වැරහැලි අද ඇය ළඟ නොමැත. මෙතැන් පටන් ඇගේ ජීවිත ඉතාමත් අනර්ඝ ජීවිතයක් බවට පත් වී හමාරය. බොලිවුඩ් නළු සල්මන් ඛාන් විසින් රුපියල් ලක්ෂ 165 නිවසක් සහ ඔහුගේ මීලඟ චිත්‍රපටයේ ගීත ගායන අවස්ථාවද ඇයට ලබා දී තිබේ. ඇගේ ජීවිතයේ තිබූ කටුක බව පිළිබඳව අප කෙටියෙන් සඳහන් කරමු.

1960 වසරේදී උපත් ලැබූ ඇය ජීවිතේ කොපමණ කල් දුක් ගැහැට විඳි අයෙකුද බව දැන ගැනීමට එම කාලය ප්‍රමාණවත්ය. අවුරුදු දහ නවයේදී විවාහ දිවියට ඇතුළු වූ ඇය කුඩා කාලයේ සිටම තම දෙමාපියන් නොමැතිව ජීවිතය ආරම්භ කරනු ලබන්නීය. එබැවින් කුඩා කාලයේ සිට ඇය ජීවිතය ගත කරන්නේ සිය නැන්දා සමගය. අතිශය කටුක ජීවිතයක් ගත කරන ඇය, විවාහයෙන් පසුව මුම්බායි නගරයට පැමිණෙන්නේ යහපත් ජීවිතයක් බලාපොරොත්තුවෙන් වුවද ඇයට හිමි වන්නේ ඇය ජීවත් වූ කටුක ජීවිතයයි. තම විවාහ ජීවිතයත් අහිමි වූ ඇය, තම උපන් ගමට පැමිණෙන්නේ විවාහයත් අසාර්ථක වූ ගැහැණියක් ලෙසයි.

තම ජීවිතයේ ඇති වූ දුෂ්කර බව හේතුවෙන් ඇය විශාදය රෝගයට ගොදුරු වී තිබේ. ඇය කුසගින්නේ දින ගණන් ගත කෙරූ දවස් තිබේ. කොපමණ දුක් කන්දරාවක් ඇය විඳ දරා සිටිය නමුත්, ගීත රසවින්දයට බොහෝ සේ ඇලුම් කළාය. තමන් අසනා ගීත රසවිඳීමත් සමගින් එම ගීත ඇය නැවත ගායනා කිරීමත් ඇය විනෝදාංශයක් ලෙස කළාය. ඇගේ ගීත ලෝකයේ වීරයන් බවට පත් වූයේ මොහොමඩ් රාෆි සහ ලතා මංගේශ්කාර් වැනි ප්‍රවීණ ගායන තරු බව ඇගේ අදහසයි. ඇයගේ මුවෙහි නිතර මුමුණන ලැබූ ගීත මොවුන්ගේය.

ඇගේ ජීවත වෙනස් වන්නේ චක්‍රබෝර්ති නම් තරුණයා නිසාවෙනි. රනාගට් දුම්රිය මැදිරියේ රේඩියෝවක මොහොමඩ් රාෆිගේ ගීතයක් වාදනය වන අතරේ තවත් කාන්තාවක් බිම හිඳගෙන එම ගීතය මුමුණනු ඇසිණි. එම මුමුණුම කෙතරම් මිහිරි වූ හෙයින් ඔහු විසින් තම දුරකථනයෙන් එම ගීතය පටිගත කර සමාජ මාධ්‍ය වෙත මුදා හැර තිබේ. ඉතා ස්වල්ප මොහොතක් ඇතුළත ඇය ඉන්දීය සමාජ මාධ්‍ය පරිශීලකයන් අතර ඇය සුප්‍රසිද්ධ චරිතයක් බවට පත් වූවාය. එමෙන්ම ලක්ෂ ගණනින් එම ගීතය සමාජ මාධ්‍ය ඔස්සේද හුවමාරු වී තිබේ. මෙම සිදුවීමෙන් පසුව ඇගේ ජීවිතය වෙනස් විය. ආහාර පාන නොමැතිව දින ගණන් සිටි ඇයට දැන් ආහාර පාන ඉඳුම් හිටුම් ගලාගෙන එයි. ගෞරවයක් නොලැබූ ඇය දැන් බොහෝ දෙනාගේ ආදරය, ගෞරවය හිමිකර ගනියි. දුක්ඛිත ජීවිතයෙන් මිදී ඇයට නව බලාපොරොත්තු සහිත ජීවිතයක් සඳහා වෑයම් කරන බව දැක ගැනීමට හැකිව තිබේ. වසර 50ක් ජීවිතයේ දුක් ගැහැටවලින් මිරිකුණු රනූ මොන්ඩාල්ගේ ජීවිත සශ්‍රීක වීමට කාලය එළැඹ ඇත. මේ වන විට ඉන්දියානු රූපවාහිනි නාලිකාවල සහ ගුවන් විදුලි නාලිකාවල ගීත ගායනයටද ඇයට අවස්ථාව හිමිව තිබේ. දෛවය යනු මිනිසාට උරුම දෙයකි. දෛවය අපව කොතෙකුත් දුරට ගෙන යාවිද යන්න අපට තවමත් සිතිය නොහැකි කාරණාවකි. මේ ඇයගේ දෛවයද?, වාසනාවද? නැතහොත් ඇයගේ ලැබීමද? අප කිසිවක් නොදන්නෙමු

අහසේ සිට බිමට පනින අපේ කෙල්ලෝ

අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය නිලඹර දෙපළු කරමින් ඉහළට ඇදෙද්දී, එහි ගමන් කරමින් සිටි දිල්හානිට බියක් නම් දැනුණේ ම නැත. එහෙත් තත්පරෙන් තත්පරෙන් ගුවන් යානය ඉහළ අහස් කුස සිපගනිද්දී, නුහුරු තිගැස්සමක් ඈ සිතේ පෙරළි කළා ය. නමුදු කළ නොහැක්කක් නොමැති වග සිතට සපථ කර ගත් ඈ, යානාව ගුවන් ගැබේ අඩි දහසේ සීමාව සලකුණු කරද්දී, දෑස් වසාගෙන ම හෙලිකොප්ටරයෙන් බිමට පැන්නා ය. නිමේෂයකින් තමන් සතු පැරෂුටය දිගහැරගත් ඕ, කිරිල්ලියක සේ පාවෙමින් තත්ත්පර කිහිපයකින් උහන ගුවන් හමුදා පිටියෙහි තණ නිල්ල සිපගත්තේ, ශ්‍රී ලාංකේය පැරෂුට් ඉතිහාසයේ තවත් නව පිටුවක් පෙරළමිනි.

විශේෂ කාර්ය බළකායේ කාන්තා උප‍පොලිස් පරීක්ෂක දිල්හානි කාංචනා පෙරේරා නම් වන ඇය, වසර එකසිය පනහක් පැරණි ‍පොලිස් ඉතිහාසයේ පැරෂුටයක් මඟින් බිමට පීනු, මුල්ම සෙබළිය ලෙස ඉකුත් පළමුවැනිදා එලෙස ඉතිහාසගත වූවාය. ‍පොලිස් දෙපාර්තමේන්තුව යටතේ ඇති විශේෂ කාර්ය බළකාය ඇරඹෙන්නේ අසූව දශකයේ මුලදීය. ප්‍රභූ ආරක්ෂාව සඳහා සහ එල්.ටී.ටී.ඊ. ය මැඩලීමට මුලින්ම ඇරඹුන විශේෂ කාර්ය බළකාය අද ‍පොලිස් දෙපාර්තමේන්තුව සතු විශිෂ්ටතම ඒකකයකි. එස්.ටී.එෆ්. හි කාංචනාට පෙර පැරෂුට් මගින් බිමට පීනු කාන්තාවක් නියෝජනය කළේ ශ්‍රී ලංකා ගුවන් හමුදාව ය.

ඒ අනුව ලාංකේය ඉතිහාසයේ කාන්තාවක් පළමු වතාවට පැරෂුටයකින් බිමට පැන්නේ ඉකුත් දෙදහස් අටේදීය. ඇය ගුවන් හමුදාවේ නායක ගුවන් කාන්තා තුෂාරි නයනා දිල්රුක්ෂි හේවාගමගේය. ඉකුත් දෙදහස් අටේ පෙබරවාරි අටවැනිදා, උහන ගුවන් පථයෙන් අහසට නැඟි වයි 12 ගුවන් යානාව අහස දෙබෑ කරමින් අඩි එක්දහස් පන්සියයක් උසට නැඟගත් කල්හි ඇය ඒ වාර්තාව තමන් සතු කරගත්තාය. නයනා දිල්රුක්ෂි ගුවන් හමුදාවේ එවැනි හපන්කමක් කළ ද ‍පොලිසියේ මතෛක් කල් පැරෂුට් පනින්නියක් සිටියේ නැත.

නාවික හමුදාවේ සේවයේ නියුතු සුගත් දිසානායකගේත්, ධම්මිකා කල්දේරාගේත්, සිහිනය සැබෑ කරමින් එක්දහස් නවසිය අනූහතරේ මෙලොව එළිය දුටු දිල්හානි කාංචනා කුඩා කාලයේ සිට සිහින මැව්වේ නර්තන ගුරුවරියක් වන්නට ය. ඇය මුලින් ම අධ්‍යාපනය ලැබූයේ කඩුවෙල මුනිදාස කුමාරතුංග විද්‍යාලයෙනි. ද්විතියික අධ්‍යාපනය සඳහා හෝමාගම මධ්‍ය මහා විද්‍යාලයට එක්වන ඇය, එහි උසස් පෙළ එකල ව්‍යාපෘතිය ඉදිරිපත් කර ඇත්තේ, අපරාධ විද්‍යාව සම්බන්ධයෙනි. උසස් පෙළින් පසු, විශ්ව විද්‍යාල සිහිනය සැබෑ කරගන්නට නොහැකි වූ නිසා, විද්‍යාපීඨය සඳහා ඉල්ලුම් කළාය.

නමුදු ඒ ගැන එතරම් බලා‍පොරොත්තු තබා නොගත් ඇය ‍පොලිස් සේවය සඳහා තිබූ පුරප්පාඩුවකට ඉල්ලුම් කළේ, විද්‍යාපීඨ බඳවා ගැනීම් සඳහා කාලයක් ගත වන බැවිනි. නිලඇඳුමට ආසාවෙන් ඇය විශේෂ කාර්ය බලකා නිලධාරිනියක් වන්නේ ඒ අනුවය. ඒ දෙදහස් පහළොව වසරේ ජූනි දහඅටවැනිදා, විශේෂ කාර්ය බළකායේ 73 මූලික පුහුණු පාඨමාලාවට සම්බන්ධ වෙමිනි. මේ වන විට විද්‍යාපීඨයෙන් ද කැඳවීම් ලැබුණත්, ගුරු සිහිනය අතහැරි ඕ නිලඇඳුමට හා ගිනි අවියට පෙම් බැන්දාය. මූලික පුහුණු පාඨමාලව සාර්ථකව අවසන් කළ ඇය අම්පාර විශේෂ කාර්ය බළකා කඳවුරට අනුයුක්ත වන්නේ ඉකුත් දෙදහස් දහසයේ දී ය.

දෙසිය දෙනෙකුගෙන් පමණ සමන්විත වන විශේෂ කාර්ය බළකා කාන්තා බලඇණියට ඉකුත් අප්‍රේල් මාසය ඉතා සුවිශේෂී විය. ඒ, ඔවුන්ට ද ගුවන් පැරෂුට් පාඨමාලාව සඳහා අයැදුම් කරන්නට අවස්ථාවක් හිමි වීම නිසාය. ඒ අදහස විශේෂ කාර්ය බළකායේ අධ්‍යක්ෂ, පුහුණු, ‍පොලිස් අධිකාරි එස්. ඩබ්ලිව්. ඒ. බි. දවුලුගල ඇතුළු නිලධාරීන්ගේ ය. විශේෂ කාර්ය බළකායේ සේනා විධායක ‍‍‍ජ්‍යෙෂ්ඨ නියෝජ්‍ය ‍පොලිස්පති එම්. ආර්. ලතීෆ්ගෙන් මේ සඳහා ලැබුණේ නොමඳ සහයකි. “අද වෙද්දී ඕනම ක්‍ෂේත්‍රයක සංවර්ධන කාර්යයකදී කාන්තා දායකත්වය සියයට හතළිහක පමණ ප්‍රතිශතයක් ගැන සළකා බැලෙනවා. ඒ නිසා අපේ කාන්තා බළකායත් සියලු කාර්යයන්ට සුදුසු කණ්ඩායමක් බවට පත් කළ යුතු යැයි අපි කල්පනා කළා.” ‍පොලිස් අධිකාරී දවුලුගල පවසන්නේ ය.

ඒ අනුව මූලිකව සෙබළියන් අටදෙනෙක් අම්පාර උහන ගුවන් හමුදා පැරෂුට් පුහුණු පාස‍ලේ මාස එකහමාරක පුහුණුවක් සඳහා තෝරා ගැණිනි. ඉන් සිව් දෙනෙක් මූලික වටයේ සුදුසුකම් සම්පූර්ණ කර තිබූ අතර, පැරෂුටයක් මඟින් බිමට පනින්නට ඉන් දෙදෙනෙකුට අවස්ථාව හිමිවිය. උප‍පොලිස් පරීක්ෂකදිල්හානි කාංචනා ගුවන් පැරෂුට් ඉතිහාසයට එක් වන්නේ ඒ අනුවය. ඇයගේ පිම්මට පසු, ඒ අභියෝගය ජයගත්තේ විශේෂ කාර්ය බළකායේ කාන්තා ‍පොලිස් කොස්තාපල් නිර්මලා සේනානායකය. විශේෂ කාර්ය බළකායේ හැටහත් වෙනි මූලික පාඨමාලාව හදාරමින් ඈ විශේෂ කාර්ය බළකායට එක්වන්නේ ඇතුගල්පුරයෙනි. ඒ, ඉකුත් දෙදහස් දහයේදී ය.

‍පොලිස් සේවයේ ම අවුරුදු දහඅටක සේවා ඉතිහාසයක් ඇති බි. එම්. සේනානායක ඇයගේ පියාය. ඩී. එම්. කුසුමලතා ඇයගේ ආදරණීය මෑණියන් ය. කුරුණෑගල ගෝනිගොඩ මහා විද්‍යාලයෙන් අකුරු කෙරූ ඇය ද උසස් පෙළ අවසන් වීමත් සමඟ විශේෂ කාර්ය බළකා සේවයට එක්වන්නේ එහි නිලඇඳුමට පෙම්බඳිමිනි. “ඔයාට පුළුවන් කියලා හිතෙනවා නම් ඔයා මේ අභියෝගය භාරගන්න” ඈ පැරෂුට් පිම්මකට සූදානම් වන බව දැනගත් ඇගේ පියා ඈට පැවසූයේ එලෙසිනි. ඒ ආශිර්වාදය ශක්තියක් කරගත්තී, ඉකුත් පළමුවැනිදා, එම්. අයි.17 වර්ගයේ ගුවන් යානයෙන් පැරෂුටයක ආධාරයෙන් බිමට පැන්නාය. ඇය පැරෂුට් මඟින් බිමට පීනූ, මුල්ම විශේෂ කාර්ය බළකායේ දෙවැනියාය.

පැරෂුට් පාඨමාලාවකට එක්වන පිරිසකට මුලින් ලැබෙන්නේ ගොඩබිම් පුහුණුවයි. පැරෂුටයකින් ‍පොළවට ළඟාවන මොහොතේ දී ක්‍රියාකළ යුතු පිළිවෙත් ගැන එහිදී අවබෝධය දෙයි. ගොඩබිම් පුහුණුව සඳහා මේ පුහුණුවේදී වැඩි අවධානයක් යොමු කෙරෙන බව දිල්හානි පවසන්නී ය. “සති දෙකහමාරක් පමණ අපි ගොඩබිම් පුහුණුව ලැබුවා. එහිදී, අඩි හතරක් උස බිත්තියකින් බිමට පනින ගමන්, ‍පොළව ආසන්නයේදී අපේ පාද හා ශරීරය හසුරුවාගත යුතු ආකාරය ගැන පුහුණුවක් දෙනවා.”

ඉන්පසුව ලැබෙන්නේ, පැරෂුටයකින් බිමට පනින විටක උද්ගත විය හැකි හදිසි තත්ත්වයන්ට මුහුණ දෙන ආකාරය පිළිබඳ පුහුණුවකි. සුළඟ වේගයෙන් හමන අවස්ථාවකදී පැරෂුටය හසුරුවා ගත යුත්තේ කෙසේද, විදුලි රැහැනකට හෝ ගසකට පැරෂුටය වැටුණහොත් කළ යුත්තේ කුමක් ද, ආදී දේ ගැන එහිදී කරුණු කියාදෙයි. මේ පුහුණුව සාර්ථකව නිම කළ සෙබළියෝ ඉන් අනතුරුව පුහුණු කඳවුරේ ස්ථාපිත කර ඇති අඩි තිස්හතරක් උස කුළුණකින් බිමට පැන්නාහ. “ඒ පුහුණුව දෙන්නෙ උසකින් බිමට පනින්න ඇති බය නැති කරගන්න” දිල්හානි පවසන්නීය. මේ පුහුණුවෙන් අනතුරුව ඉකුත් නොවැම්බර් පළමුවැනිදා අඩි දහසක් ඉහළ අහසේ සිට පැරෂුටයකින් මහ‍පොළවට පීනූ, විශේෂ කාර්ය බළකා සෙබළියෝ ඉන්පසු තවත් පිමි හතරක් පැන්නෝය. මේ පිමි පහෙන් එක් පිම්මක් පැන්නේ රාත්‍රී කාලයේදී ය. ‘අහසේ පාවෙද්දී මොනවාද හිතුණේ’ දිල්හානිගෙන් අපි විමසුවෙමු.

“මං අහස දිනුවා කියලා හිතුණා. මීට කලින් අපේ බලඇණියෙ කවුරුත් නොකරපු දෙයක් මං කළා නේද කියල හිත හිතා තමයි පහළට ආවෙ.” “මුලදී නම් බය හිතුණා. ඒත් අනිත් අයත් කරනවා නම් ඇයි මට බැරි කියලා හිතාගෙන මම බිමට පැන්නෙ. ‍පොළවට ආවට පස්සෙ දැනුණෙ ලොකු ජයග්‍රහණයක් කළා නේද කියලා හිතුණා.” නිර්මලා පවසන්නීය. එලෙස ඓතිහාසික වූ මේ සෙබළියන් දෙදෙනාගේ ඊළඟ බලා‍පොරොත්තුව, අඩි 13900 ඉහළ අහසේ සිට නිදහස් පිම්ම පනින්නට ය. එහි විශේෂත්වය වන්නේ, අඩි 10900 දක්වාම පහළට එන්නේ, පැරෂුටය දිග නොහැර නිදහසේ ගුවනේ පාවෙමින් වීමය. දිල්හානි පවසන්නේ, ඒ සඳහා ලබන ජනවාරියේදී පමණ ආරම්භ වීමට නියමිත ගුවන් හමුදා පැරෂුට් පුහුණු පාඨමාලාවට සම්බන්ධ වීමට ඔවුන් දෙදෙනාට අවස්ථාව හිමිවී ඇති බවය.

“අපේ ඊළඟ අරමුණ තමයි මේ සෙබළියන් දෙදෙනා පැරෂුට් පිමි සංදර්ශන කණ්ඩායම සඳහා පුහුණු කරවීම. අදාළ පුහුණුවීම්වලින් පසුව ලබන 2018 නිදහස් උළෙ‍ලේ සංදර්ශන කණ්ඩායමට මොවුන් දෙදෙනාත් ඇතළත් කරවීමට අපි බලා‍පොරොත්තු වෙනවා.” ‍පොලිස් අධිකාරී දවුලුගල පවසන්නේ ය. ඔහු එසේ පැවසුවාට තවත් වරක් තම දියණිය ඉහළ අහසින් බිමට පනිනවාට දිල්හානිගේ අම්මා නම් ටිකක්වත් කැමති නැත. ඇය ‍පොලිස් සේවයට එක්වනවාට දෙමාපියන්ගේ අකමැත්තක් නොතිබුණ ද විශේෂ කාර්ය බළකායට එක්වීම ගැන නම් මුල සිටම ඔවුහු විරෝධය පෑහ. අවසානයේ දියණියගේ කැමැත්තට ඉඩ දුන්න ද පැරෂුට් පිම්මකට එක්වීම ගැන නම් අම්මා කොහෙත්ම කැමති වූයේ නැත. තාත්තා මෙන් ම තම ආදරවන්තයාද ඊට එතරම් කැමැත්තක් දක්වා නැත. ඒ සියල්ල අතරේ දිල්හානි ඒ සඳහා ඉල්ලුම් කළේ, අම්මාගේ බැණුම් වරුසාවක් මැදිනි.

“මගේ කැමැත්තට ඉඩදීලා නිහඬ වුණාට, මම පැරෂුට් පිමි පහ පැන්න දවස් පහේම අපේ අම්මාට නින්ද ගිහින් තිබුණෙ නැහැ. ඇය පන්සල් ගිහින් බෝධි පූජා පවත්වමින් ඉඳලා. දැන්නම් සතුටුයි. ඒත් ආයෙම ඒ වගේ දෙයක් කරනවාට ඇය කැමතිම නැහැ. මටත් බය නොහිතුණාම නමෛයි. ඒත් අපි දෙන්නම කැමතියි ආයෙම ඊළඟ අභියෝගයත් ජයගන්න.” දිල්හානි පවසන්නීය. (ගයාත්‍රි ගීගනආරච්චි)

කමල් කියපු කතාව

කවුරු අතරත් ආදරය දිනාගත්තු සිනමාවේ සිහින කුමරා ලෙසින් ආකර්ෂණය දිනාගත් චරිතයක් තමයි කමල් අද්දරආරච්චි. කුඩා කාලයේ සිටම අනංගයෙක් බවට පත්වූ මේ සිහින කුමරා ප්‍රේමය, ආදරය නිසාම බොහෝ ගල්, මුල් ප්‍රහාරයන්ට ලක්වූ අවස්ථා බොහෝය. ඒ සියලු බාධක විඳගනිමින් ඔහු ජීවිතයට මුහුණ දුන්නේ ආදරයේ ඇති උත්තරීතර බව පසක් කර දෙමිනි. මේ වනවිට සොඳුරු විවාහ ජීවිතයක් ගතකරන කමල් පුතකුගේ ආදර සෙනෙහස ද ලබමින් සිටී. ඉතිං මේ සිහින කුමරා ආදරයත් තමා ඇතිකර ගත් ප්‍රේම සම්බන්ධතාත් විවාහය ගැනත් සිදුකළ හෙළිදරව්වකි මේ.

ඉස්සෙල්ලම ආදරයක් ඇතිවුණේ කොයි කාලෙද..? ඒ ආදරේ පුංචි කාලෙම ඇතිවුණු දෙයක්. මොන්ටිසෝරියේ උගන්වපු ටීචර්ට මම හරිම ආදරෙයි. එයාට කිට්ටු වෙලා දැවටී දැවටී ඉන්න මම ලොකු ආසාවකින් හිටියේ. පාසල් ගියාට පස්සේ ඒක වෙනස් වුණා. ඉස්සෙල්ලම පාසල් කාලයේදි තමයි මම ගැහැණු ළමයෙක්ට ආදරේ කරන්න පටන් ගත්තේ. ඒ කාලේ මම අනංගයෙක් තමයි. පාසලේදි මම හැම දේකින්ම කැපී පෙනුනා. ඒ නිසාම ගැහැණු ළමයින්ගේ ආකර්ෂණය දිනාගන්න මට පුළුවන් වුණා. ඒ නිසාම ආදර කතා හුඟක් තිබුණා. හැබැයි ඒවා කාලයත් එක්කම නැතිවෙලා ගියා. ලස්සන හිතට දැනුනු කෙනෙක් දැක්කම යාළුවෙන්න තමයි හැදුවේ. ගොඩක් ප්‍රේම සම්බන්ධතා තිබ්බා වගේම කෙල්ලෝ බූට් තිබ්බ තැනුත් නැතුවම නෙවේ.. මමත් එහෙමම කළා.

හරි.. ඒ ආදර කතා ඇතුලේ විශේෂ කෙනෙක් නැද්ද.? හිටියා.. මම ඒ අතරින් කෙනෙක් ගැන හිතේ ලොකු ආදරයක් තිබ්බා. එයාට අපේ රටේ ඉන්න කැමැත්තක් තිබ්බේ නෑ. එයා ආසා කළේ වෙන රටකට යන්න. එතනදි එයා වෙනත් කෙනෙක් එක්ක සම්බන්ධයක් ඇතිකරගත්තා. ඒ නිසා ඒ ආදරෙත් නැතිවුුණා. රංගන ශිල්පියෙක් වුණාට පස්සේ නිළියන් ඔයාගේ ආදරය ඉල්ලගෙන එන්න ඇති නේද? ඔයාත් නිළියන්ට ආදරය කළා ද? රංගන ශිල්පියෙක් වුණාම චරිතත් එක්ක අපේ ආකර්ෂණය ඇතිවෙනවා. “ඉර පායා” ටෙලි නාට්‍යය කරද්දී සමිතා එරන්දතී එක්ක හොඳ හැඟීමක් ඇතිවුණා. මාත් ඇයට සමීප වුණා. එයාටත් එවැනි හැඟීමක් ඇති වෙන්න ඇති.

මොනවා වුණත් අපි සීමාවක් තියාගෙන ප්‍රේම කළේ. ඒක හරියට දුර ඉඳන් කරන ආදරයක් වගේ. සංගීතා වීරරත්නටත් ඒ ආකර්ෂණය මා තුළ තිබුණා. අපි දෙදෙනාටම ඒ ප්‍රේමණීය ආකර්ෂණය තිබුණා. නමුත් අපි ඒවා දුරදිග ගෙනගියේ නැහැ. හැඟීම්, දැනීම් තිබුණු පලියට අපි ලිංගික ආසාවන් ඉෂ්ට කරගන්න ගියේ නෑ. අපි බුද්ධිමත්ව කටයුතු කළා.. කිසිකෙනෙක්ට චෝදලා එල්ල කරන්න බැහැ අපි රූගත කරන අවස්ථාවලදී, පසුතලවලදී අනවශ්‍ය විදිහට හැසිරුණා කියලා. හදවතින් තමයි අපි ආදරේ කළේ. අදටත් අපේ බැඳීම තිබෙනවා. ඒ බැඳීම නිසා තමයි අපි අතර හොඳ සුහදතාවක් අදටත් තිබෙන්නේ. ඒක බොහොම සුන්දර මානුෂීය දෙයක්. ශාරීරික වින්දනයක් නොවෙයි. ඒ වගේ දෙයක් ලබන්නවත් නොවෙයි.

එතකොට ඔබ දිල්හානිට ආදරේ කළ කතාව..? හම්… ඔව්.. ඒ කාලේ දිල්හානි ගැන මගේ හිතේ ලොකු කැමැත්තක් තිබුණා. ඇය සමඟ යාලුවෙන්නත් හිතුනා. ඒක පුදුම බැදීමක්. හැබැයි ඒ හැඟීම් හැංගි හොරා අපි කළේ නෑ. ප්‍රියංකරත් මගේ හොඳ යාළුවෙක්. අපි බුද්ධිමත්ව තමයි ඒ සබඳතාවය ගෙන ගියේ. මේ වෙද්දිත් ඒ ලෙංගතුකම් අපේ හිතේ තිියෙනවා. අපි විවෘතව ඇසුරු කළේ. හිත අයාලේ යන්න දුන්නේ නෑ. ඒක නළුවෙක්ට තිබිය යුතු වැදගත් ලක්ෂණයක්. කමල්ට හැමෝගෙම ආකර්ෂණය තිබුණු නිසා යාළුවන් යෝජනා අරන් ආවා නේද කෙල්ලෝ සෙට් කරලා දෙන්න කියලා.. හම්.. ඔව්… ඒ නිසා මගේ යාළුවෝ මට කියනවා “අර කෙල්ල මට සෙට් කරලා දීපං” කියලා.

රමණි බර්තෝලමියුස් චරිතය ඔබේ ජීවිතයේ වැදගත්ම කෙනෙක්.. කොහොමද රමණිට ආදරයක් ඇති වුණේ? රමණි එක්ක ඇතිවූ ආදරය විශේෂයි. ඒ කාලයේ රඟපාන්න සෙට් එකට රමණි එන්න ඉස්සෙල්ලා, එතන ටීවී එකේ අය මම මොනවද කරන්නේ කියලා බලාගෙන හිටියා. මට රමණි දැක්කම ඇතිවුණේ ලොකු තිගැස්මක්. මම එයාට කැමතිවුණේ ඇයගේ අහිංසක, නිවුණු පෙනුමට. රාගික පෙනුමක් තිබෙන අයට වඩා මගේ හිත ආකර්ෂණය වුණේ අහිංසක, නිවුණු පෙනුමක් ඇති අයටයි. හැමවෙලේම අඟපසඟ පෙන්වන අයට වඩා මගේ ආකර්ෂණය තිබුණේ එවැනි අයටයි.

රාගික අය මගෙන් බලාපොරොත්තු වුණේ ශාරීරික වින්දනයක් පමණයි. ඒ තුල මට ඕන ආදරේ තිබුණේ නෑ. රමණි ගැන මට ආදරයක් ඇතිවුණා. මම රූගත කරන කාලේදී තමයි ඇයට ආදරය ප්‍රකාශ කළේ. ඒක ආත්මීය බැඳීමක් කියලයි මට සිතුණේ. ඒත් රමණිගේ මරණයෙන් පස්සේ ඔබ චෝදනාවට ලක්වුණා නේද..? ඒ වෙන්වීම දැනුනේ කොහොමද..? මම එයාට අසීමිත ආදරයක් කළා. ඒ නිසා ඒ වෙන්වීම ගොඩක් තදින් දැනුනා. එයා ගත්ත ඉතාමත් ක්ෂණික, අනුවණ ක්‍රියාවක් නිසා සියල්ල සිදුවුණා. ඇය මට දැක්වූ අසීමිත ආදරය හරහා සිද්ධ වූ දෙයක් විදිහටයි මා එය දකින්නේ.

මට ඒක වළක්වන්න ඒ මොහොතේදී බැරිවුණා. අවසරයක්වත් මට තිබුණේ නෑ. මම දුක්වෙනවා ඒ මොහොත ගැන. හරිම අවාසනාවන්ත මරණයක් ඇයට උදාවුණේ. ඒ මරණයේ චූදිතය බවට පත්වෙන්නත් මට සිද්ධ වුණා. මට හැමෝම වගේ චෝචනා කළා. එයින් පස්සේ ඔබගේ ආදර හිස්තැන පුරවන්න හරියට කට්ටිය එන්න ඇති නේද? අනිවාර්යෙන්ම ඔව්.. හැබැයි මට එතනින් පස්සේ ආදරයක් ඇතිවුණේ නැහැ. හැමෝම වගේ බැලුවේ වෙනත් ආස්වාදයක් පමණයි. එහිදී මා අතිනුත් එවැනි දේවල් සිද්ධ වෙන්න ඇති. මොකද අපි පෘථග්ජන අයනේ. දෙන්නගේම කැමැත්ත මතයි ඒ දේවල් සිද්ධ වුණේ. හැබැයි මම පිරිමි ගණිකාවක් නොවෙයි. මම එතනට වැටෙන්නේ නෑ.

දැන් ඔබගේ බිරිඳ අනුරානිට කොහොමද ආදරයක් ඇතිවුණේ? ඇය බිරිඳ කරගන්න ඔබ සිතුවේ ඇයි? අනුරානිව මට හමුවන්නේ අවුරුදු 12 කට විතර ඉස්සර. අනුරානිව මට දැකපු පළමු දවසේ ඇතිවුණේ රමණිව දැක්කම ඇතිවුණා වගේ හැඟීමක්. ඇයගේ මුහුණ දැක්කාම, එයාව කසාද බඳින්න ඕනෑ කියන අදහස මට ඇතිවුණා. හැබැයි ඒ කාලයේ විවාහ වෙන මානසිකත්වයක නොවෙයි මම හිටියේ. අපි දෙන්නට අපල කාලයක් තිබුණා. හැබැයි අපි දෙන්නා පෙම්වතුන් විදිහට ආශ්‍රය කළා. ඒ අපල කාලය ගෙවනතුරු අනුරානිත් කැමති වුණේ නෑ විවාහ වෙන්න. පස්සේ තමයි අපි දෙන්නා විවාහ වුණේ. අද අපිට පුතෙක් ඉන්නවා. පුදුම සතුටකින් විවාහ දිවිය ගෙනියන්නේ.

කමල් බලාපොරොත්තු වුණු ආදරය අනුරානිගෙන් ලැබුණද..? ඔව්.. එයා මට ගැලපෙන බිරිඳක්. ඇය ඉතා හොඳ යහපත් බිරිඳක්. බොහෝ දෙනා තුළ නැති ගුණ යහපත්කම ඇය ළඟ තිබෙනවා. ඇය දුප්පත්, ​පොහොසත් භේදයක් නැතිව මනුස්සයන්ට ආදරය කරනවා. සමහර වෙලාවට මගේ අත දිග හැරෙන්නේ නැති වෙලාවට එයා ඒ කටයුතු කරනවා. එහෙම වෙලාවට මට හිතෙනවා, ඇයි මගේ අත දිගුකරන්න බැරිවුණේ කියලා. ඇය ඉතාම ආදර්ශවත් බිරිඳක්.

අද ඔබ ප්‍රේමය, ආදරය දකින්නේ කොයි ආකාරයට ද? ආදරය කියන එකේ තිබෙන්නේ වචන හරඹයක් තමයි. හැඟීම් එක්ක කතා කරනකොට පුද්ගලයන් දෙන්නෙක් අතරේ ඉතාමත් හොඳ බැඳීමක් තමයි ආදරය, ප්‍රේමය තුළ තිබෙන්නේ. අද එය කාම රාගය එක්ක බැඳුණු දෙයක් බවට පත්කරගෙන ඉන්නේ. ආදරය තුළදී බොහොම ඉවසීමෙන් කටයුතු කරන්න අපට සිද්ධ වෙනවා. අද මම මුහුකුරා ගිය කෙනෙක් විදිහට ආදරය දකින විදිහ වෙනස්. මේ සිතුවිලි එදා මට තිබුණ නම් අනවශ්‍ය දේවල් එක්ක පැටලෙන එකක් නෑ.

අවුරුදු 300ක් ජීවත් විය හැකි

වස විසෙන් පිරි ආහාර අනුභවය නිසාම වර්තමානයේ අවුරුදු පනහක්වත් ජීවත් වීම සැක සහිතය. නමුත් අතීතයේ දී නිරෝගී ශරිර සෞඛ්‍යය හේතුකොට ගෙන වසර සියය ඉක්ම වූ ආයුෂ වින්දෝ බොහෝය. එසේම හිමාල වනයේ මෙන්ම චිනයේ වනාත්තරගතව අවුරුදු සීයට ද බොහෝ එහා ගිය ආයුෂ විඳින සෘෂිවරුන් වෙසෙන බව ද කියති. භාවනාවෙන් සහ දේශීය ඖෂධ භාවිතයෙන් ඔවුන් ඒසේ දීර්ඝායුෂ විඳිමින් සිටින බව පැවසේ.

වර්තමානයේ ජනතාව ගෙවන දිවි පෙවෙතේ හැටිය වසර සීයක් නිරෝගීව ජීවත් විය හැකි නම් එය ද විස්ම කර්මයකි. එසේ නම් යමෙකුට අවුරුදු තුන්සීයක් ජීවත් විය හැකි යම් ඖෂධයක් නිෂ්පාදනය වුව හොත් කෙසේ වෙයිද? කුමන ආකාරයේ ඉල්ලුමක් ඒ සඳහා ලැබෙයි ද? එසේ අවුරුදු තුන්සියක් ජීවත් විය හැකි අපුරු විස්මිත දේශීය ඖෂධයක් පිළිබඳව විස්තර සොයා යාමට අපට හැකි විය. මහනුවර රාජධානී සමයේ විසු බව කියන ශ්‍රී රත්නසේකර නමැති රාජකීය වෛද්‍යවරයකු විසින් ලියන ලද අත්වෙද පොතක මිනිසෙකුට අවුරුදු තුන් සියයක් ජීවත් විය හැකි බව කියන අරුම පුදුම බෙහෙතක් ගැන සඳහන් වෙයි. මේ විස්මිත බෙහෙත පිළිබඳව සඳහන්ව තිබෙන්නේ ද ශ්‍රී ලංකාවේ ඉපැරැණි දේශීය වෛද්‍ය ග්‍රන්ථියක් ලෙස සැලකෙන සිතියම් සහිත දේශීය වෛද්‍ය ශබ්ද කෝෂය නමැති ග්‍රන්ථයේය. රත්නපුර මාරුක ශාස්ත්‍රෝ​දය පරිවේණාධිපතිව වැඩ විසු අපවත් වී වදාළ රාජකීය පණ්ඩිත කිරිඇල්ලේ ඥානවිමල හිමියෝ මේ වෙද පොතේ කතුවරයා වේ. මෙම ග්‍රන්ථය ප්‍රථමයෙන් එළි දක්වා තිබෙන්නේ 1959 වසරේදීය. ඥානවිමල හිමි මෙරට විසු අති දක්ෂ ආයුර්වේද වෛද්‍යවරයකු ලෙස සැලකේ.

එම වකවානුව වන විට සිංහල බසින් සකසන ලද දේශීය ​වෙද අත්පොත් හිඟ අවස්ථාවක කිරි ඇල්ලේ ඥානවිමල හිමියන් විසින් රචිත මෙම වෙද අත්පොත දේශීය වෙදකමේ උන්නතිය වෙනුවෙන් සිදු කළ සුවිශාල මෙහෙවරක් ලෙස ද සැලකේ. සංස්කෘත හින්දි වංග හා ඉංග්‍රීසි භාෂා වලින් ඉන්දියානු ඖෂ්ධ වර්ග පිළිබඳව ලියැවුණු ශබ්ද කෝෂ රාශියක් තිබුණ ද එකල මෙරටට ආවේනික ඖෂධ පිළිබඳව සිංහලෙන් ආයුර්වේද වෛද්‍ය ශබ්ද කෝෂයක් සකස් කිරීම ලෙහෙසි පහසු කාර්යයක් නොවන්නට ඇත. එම වකවානුවේ පැවැති ප්‍රායෝගික ගැටලු තුළ පොතක් මුද්‍රණය කිරීම එතරම් පහසු කටයුත්තක් නොවන්නට ඇත. සංස්කෘත පාලි හා සිංහල භාෂා වලින් ලියන ලද ලංකාවේ පැරැණි වෙද පොත් හැට එකක් එක ල තිබුණ ද ඒවායින් මුද්‍රණය වී ඇත්තේ ඉතා ස්වල්පයක් බව සඳහන් වේ. එයින් ද පොත් හතක්ම ලියා පළ කර ඇත්තෝ ඥානවිමල හිමියන් විසින් වීම ද විශේෂත්වයකි.

ඥානවිමල හිමියන් විසින් ලියන ලද මෙම වෙද පොත පිළිබඳවත් එහි සටහන් කර ඇති අවුරුදු තුන් සියයක් ජීවත් විය හැකි විස්මිත බෙහෙත පිළිබඳවත් තොරතුරු මා හට පැවසුවේ කුරුණෑගල දිස්ත්‍රික්කයේ පාරම්පරික ආයුර්වේද වෛද්‍යවරයෙකු වන කුරුණෑගල මැහිඇල්ලේ පදිංචි ආර්.ඩී.සී. රන්තිලක මහතාය. සර්වාංග වෙදකමට සහ කැඩුම් බිඳුම් වෙදකමට එකසේ දක්ෂ රන්තිලක වෙද පරම්පරාවට අයත් රන්තිලක වෙද මහතා (69) රාජ්‍ය ගෞරව සම්මානලාභී වෛද්‍යවරයෙකි. ඥානවිමල හිමියන් ලියු මෙම වෙද පොත ඒ මහතාට ලැබී තිබුණේ ඔහුගේ පියාණන් වු හව්කෙන්දා රත්තිලක වෙද මහතාගෙන්ය. හව්කෙන්දා මහතා හෙළ වෙදකම ජ්‍යොතිෂ්‍ය ශාන්ති කර්ම හා යන්ත්‍ර මන්ත්‍ර ගුරුකම් පිළිබඳව ඉමහත් ප්‍රසිද්ධියක් දැරූ අයෙකි. පියාගෙන් උරුමයක් ලෙස ලැබුණු පාරම්පරික වෙද අත් පොත් පුස්කොළ පොත් විශාල ප්‍රමාණයක් අතරේ තිබු ඥානවිමල හිමි ලියු දේශීය වෛද්‍ය ශබ්ද කෝෂය නම් වූ මේ ඉපැරණි ග්‍රන්ථයට සුවිශේෂී වටිනාමක් ලැබෙන්නේ මුද්‍රණයෙන් එළි දක්වා තිබුණේ මෙහි පොත් සුළු ප්‍රමාණයක් නිසා බව ද පැවසේ. පිටු 530 කින් සමන්විත මෙම ග්‍රන්ථයේ 288 සහ 289 පිටුවල අවුරුදු තුන්සියයක් ජීවත් විය හැකි විස්මිත බෙහෙත් සෑදීම පිළිබඳව මෙසේ සඳහන් කර තිබේ.

විශාල ලෙස වැඩුණු පත්කෑල ගසක මුල සිට බඹයක් (අඩි හයක්) උඩින් උඩ කොටස පෙත්ත මට්ටමට කපා හැර ඉතිරි වන ඒ මුල් කොටස මුදුනෙහි ලොකු වංගෙඩියක ඇතුළු කුහරය පමණ වූ විශාල සිඳුරක් පහතට සාරා ඒ සිදුරු ඇතුළට ඇට අස්කළ අමු නෙල්ලි පලම් හැට හතරක් සහ ඒ වර්ගයේ ලී කෑල්ලකින්ම ඇබයක් ගසා බිම සිට එ් ලී කොටස වැසී යන පරිදි අඩි හයක් උසට ගොම වැරටී (වියැළුණු ගොම) ගොඩ ගසා ඒ ගොම වැරටිවලට ගිනි තබා, ගොම වැරටි සම්පූර්ණයෙන්ම දැවී ගියාට පසු උතුරා නැගගෙන විත් එකට පිලිස්සී තිබෙන ඒ ජලාශ සාරය සහිත නෙල්ලි කල්කය ගෙන ගිතෙල් අඹරා නොපිරිහුණු ශක්තිය ඇති (පනස් විය නොඉක්ම වූ) ස්ත්‍රියක් හෝ පුරුෂයෙක් ගෙන ඉස් සෝදා නහවා පිරිසිදු කොට පිරුවට අන්දවා මැසි මඳුරුවන්ගෙන් උවදුර නොවන පරිදි ආරක්ෂා සහිතව විශේෂ ඇතුළු කාමරයක කත මේ නෙල්ලි කල්කයක් උණු කළ එළ කිරිත් පමණක්ම දිනකට තුන් වේල බැගින් දිනපතා මසක් ආහාර වශයෙන් දිය යුතුය. මෙසේ මේ රසායනය එළ කිරි සමග දින පසළොස් අනුභව කරන විට ඔහුගේ හෝ ඇයගේ හිස කෙස් නියපොතු දත් හා සමත් ගැලවී යයි. මීළඟට අනික් දින පසළොස අනුභව කරන විට මේ සියල්ලම නැවත හොඳින් වැඩී තරුණ භාවයට පත් වෙයි. මෙසේ තිරිහන් වූ පසු අවුරුදු තුන්සියයක්ම ජීවත් විය හැකියි. ඉන් පසු වෙන විශේෂ පාවිච්චියක් හෝ ප්‍රතිකාරයක් නැත. යනුවෙන් ශ්‍රී රත්නසේකර රාජකීය වෛද්‍යවරයා ලියු බවද අත් පොතෙහි සඳහන් වේ.’’ යනුවෙන් ද පණ්ඩිත කිරි ඇල්ලේ ඥානවිමල හිමියෝ තම පොතෙහි සඳහන් කර තිබේ.

ඉන් පසුව උන් වහන්සේ මෙසේද සඳහන් කර ඇත. පත්කෑල විශේෂ වාජිකරණ ඖෂධයකි. අගින් කපා දැමූ ගසේ මුල් කොටස ගොමු රොඩු ගින්නෙන් රත් වන විට මුල් සහිත සම්පූර්ණ මුල කොටසේම ඇති සාරය උතුරා මුදුනෙහි වූ සිඳුරෙහි තිබෙන නෙල්ලි පලම් හැට හතරේ සමග එකට මිශ්‍ර වෙයි. නෙල්ලිද සෞඛ්‍ය ධාතු වර්ධනය වන ඖෂධයකි. මෙසේ ඇති වන මිශ්‍රණයෙහි ජීවන බලය වැඩි දියුණු කිරීමේ යම් කිසි ශක්තියක් බලයක් ඇතිවාට කිසිම සැකයක් නැත.

මෙය අප ඇසු දුටු කාලයක පරීක්ෂණයකට භාජනය කර නැති බව ද, මෙම වාජිකරණ ඖෂධය අත්හදා බැලීම් නවීන විද්‍යාවේ හා මානව සමාජයේ දියුණුවට හිතැති අයට බාර වූවක් බවද ඥානවිමල හිමියෝ කියා සිටිති. මෙම ඖෂධය නිපදවීම සඳහා යොදා ගනු ලබන පත්කෑල නැතිනම් විලාශ නමැති ශාකයේ උද්භිද විද්‍යාත්මක නාමය Butea Frondosa වේ. මෙම පත්කෑල (රත්කෑල) සහ කැට කෑල (ගැට කෑල) යනුවෙන් වර්ග දෙකකි. මෙයින් ගැට සහිත සුඳු කඳක් ඇති වඩා නිල් පාට නොවු කොස් කොළ ප්‍රමාණ හැඩ හුරුකමින් යුත් කො​ළ ඇති අඩි පනහක් පමණ උසට වැවෙන වර්ගය කැට කෑල නම් වේ. මේ වර්ගයේ සෙතු ඇල්ම උළුක්කුව ඉදිමුම ඇතුළු කැඩුම් බිඳුම් වෙදකමට සහ තවත් වෙදකම්වලට ද ගන්නා බව ඥානවිමල හිමියන් සඳහන් කර ඇත.

එසේම පත් කෑල (රත්කෑල) රත් පාටට හුරු කඳන් ඇති අඩි හැත්තෑපහක් පමණ උසට වැඩෙන විශාල ගසකි. මේ ගසේ කොළ කැට කෑල කොළ වලට වඩා විශාලය. තද නිල් පැහැයකින් යුක්තය. එක වරම ගස පිරි යන සේ අතු අග පිපී තිබෙන රත් පාට මල් සමූහය දින දෙකක් තුළ පර වී වැටී ගොස් ගස් යට රතු පළස් අැතුරුවාත් සේ පෙනෙයි. දුරට පෙනෙන මේ රතු මල් මස් කැඳැලි යයි සිතා රැවටී සිවල්ලු දුව එති. යි යනු ජනප්‍රවාදයක් බවද ඥානවිමල හිමියෝ වැඩි දුරටත් කියා සිටිති. මෙම ග්‍රන්ථයේ දේශීය ආයුර්වේද ශාක 160 ක සම්පූර්ණ හැඳින්වීමක් සිතුවම් සමග පළ කර තිබේ. මීට අමතරව තවත් ඖෂධ ශාක සහ ඖෂධ දහස් ගණනක් පිළිබඳ විස්තර ද මෙහි ඇතුළත් කර තිබේ. මීට අමතරව විවිධ ප්‍රතිකාර සඳහා ​යොදා ගත හැකි විශේෂ දේශීය අත් බෙහෙත් කීපයක් ද ලියා ඇත. මෙම ශබ්ද කෝෂය සකස් කළ ආකාරය ද ඥානවිමල හිමියන් සඳහන් කර තිබෙන්නේ මෙසේය.

පළමුවෙන්ම ඉන්දියාවේ හා ලංකාවේ මුද්‍රිත පොත් කියවා බලා මේ රටේ වෙදකමට අවශ්‍ය වචන එකතු කෙ​ළෙමි. දෙවනියට මේතාක් මුද්‍රණය වී නැති වෙද පොත් වට්ටෝරු වෙද පොත් බෙහෙත් වට්ටෝරු හා බෙහෙත් වදුළ පොත් ද එකතු කර කියවා බලා දුරවබෝධ වචන එකතු කළෙමි. ඉන් පසුව චිත්‍ර ශිල්පියකු හා ආධාරකාරි කීප දෙනෙකු ද කැටුව ලංකාවේ ​නොයෙක් පළාත්වල ඇවිද බෙහෙත් වර්ග ගැන සාකච්ඡා කිරීමත්, මත භේද සහිත වූද දුර්ලභ වූ ද රහස් බෙහෙත් වශයෙන් පවතින්නාවූ ද ඖෂධ වර්ගවල ලක්ෂනාදිය සහිත චිත්‍ර පිටපත් කරවීමත් කළෙමි. මෙහි ඇතුළත් වන චිත්‍ර අකුරෙන් අබින්, සුං, වච්චනාට, ඉන්දියානු ගොඩ කඳුරු යන හත වර්ගය හැර ඉතිරි සියල්ලම ඒ ඒ වෘක්ෂලතාදිය ඉදිරි​යෙහි තබා අඳින ලද නියම සටහන්ය.

​මේ සියල්ල සූදානම් කර අතට ගෙන වැඩ ආරම්භ කොට පොත ලීවීමත් මුද්‍රණයත් එකවරම නිම කළෙමි. දේශීය වෛද්‍ය ශබ්ධ කෝෂයක් ලිවීම එපමණ පහසු නැති කීවේ ඉහත සඳහන් දුෂ්කරකම නිසාමය. වෙදකමක, භාෂාවක ශාස්ත්‍රයක හෝ යම් කිසි කර්මාන්තයක කටයුතු සඳහා ව්‍යාප්තව පවත්නා වචන සංඛ්‍යාව ද ඒවයේ දියුණු හෝ පරිහානිය මැන ගැනීමේ එක් ක්‍රමයකි. දේශීය වෙදකමට අයත් වචන මහත් රාශියක් තිබේ. මේ ගැන ලියැවී තිබෙන ද්‍රව්‍යාවලිය නමැති පොතට දඹදෙණි කාලයෙන් පසු කුමක් වී දැයි දැන ගන්නට නැත. පැරණි පොත ප​තෙහි තිබෙන වචන ප්‍රමාණවත් පරිදි එකතු කර අදහස් දැක් වූ වෙන පොතක් ද නැත. එනිසාම කලක සිට පැවති මේ අඩු පාඩුව පිරිමසාලීමේ අදහස මා තුළ ඇති වූයේ මීට සිවු වසරකට පෙරය.

අපේ වෙද පරම්පරාව අවුරුදු දෙදහස් හයසීකටත් වඩා පැරැණි පරම්පරාවක්. රන්තිලක වෙද පරම්පරාවක්. රන්තිලක වෙද පරම්පරාව ජය ශ්‍රී මහා බෝධීන් වහන්සේ මෙරටට වැඩම කිරීමත් එක්කම තමයි අපේ කුල පරම්පරාව ඉන්දියාවේ ඉඳලා ලංකාවට ආගමනය වුණෙ. බෝධිය රැක ගැනීමට පැමිණි පැරැණි කුල පරම්පරාවලින් එකක් විදිහටත් අපේ පරම්පරාව සැලකෙනවා. මගේ පියාණන් ද මේ රහස් බෙහෙත නිෂ්පාදනය කිරීමට උත්සාහ කරලා තිබුණත් අසීරු වැඩක් වුණා. ඒකට ප්‍රධානම හේතුව තමයි මේ සඳහා අත්හදා ගැනීමට සුදුසු පුද්ගලයෙකු සොයා ගැනීම අසීරු වීම. මාත් වරක් උත්සාහ කළා. මටත් සිද්ධ වුණේ ඒ දෙයමයි. මේකේ තියෙන විස්තර අනුව බැලුවාම මේ සඳහා ඉදිරිපත් වෙන්න මිනිස්සු අකැමැතියි. යනුවෙන් ද වෛද්‍ය රන්තිලක මහතා ප්‍රකාශ කළේය

කෙසෙල් ලෙලි මගින් සුවකරදෙන රෝග

කෙසෙල් ආහාරයට ගැනීම මගින් අපට අත්වන සෞඛ්‍යය වාසි පිළිබඳව ඔබ දැනුවත් වුවත් කෙසෙල් ලෙලි මගින් අපට අත්වන සෞඛ්‍යය වාසි පිළිබඳව ඔබ කිසිවෙක් දැනුවත් නැතිව ඇති. අපි සියල්ලම වාගේ කෙසෙල් ගෙඩියක් ආහාරයට ගැනීමෙන් පසුව සිදු කරන්නේ එහි ලෙල්ල ඉවත දැමීමයි. නමුත් ඉන්දියාව වැනි රටවල ජීවත් වන මිනිසුන් කෙසෙල් ලෙල්ලත් ආහාරයට ගෙන විවිධ සෞඛ්‍යය වාසි ශරීරයට අත්කරගනු ලබනවා. අපි දැන් බලමු කෙසෙල් ලෙල්ලෙන් අපට සිදුකරගත හැකි දෑ පිළිබඳව.

01. දත් සුදු පැහැ කරගැනීම කෙසෙල්ලෙල්ලකින් ඔබේ දත් සති දෙකක කාලයක් අතුල්ලන්න. ඔබේ දත් ඉක්මණින්ම සුදු පැහැ වනවා ඔබට දැකගන්නට ලැබේවි. 02. ඉන්නන් ඉවත්කර ගැනීම ඔබේ ශරීරයේ තැනින් තැන ඉන්නන් සිටිනවා නම් එයටත් කෙසෙල් ලෙල්ලක් භාවිතයෙන් විසඳුම් සෙවීමට පුළුවන්. කෙසෙල් ලෙල්ලක් ඉන්නන් ඇති ස්ථානයේ අතුල්ලන්න. එමගින් ඔබට ඉන්නන් ඉවත් කර යලි ඉන්නන් ඇතිවීමත් වළකාලීම සිදු කර ගන්නට පුළුවන්.

03. කුරුලෑ සුවකර සමේ රැලි වැටීම වළක්වා ගැනීමට කුරුලෑ සඳහා කෙසෙල් ලෙල්ලක් භාවිතා කිරීම ඉතා හොඳ ස්වභාවික පිළියමක් වනවා. මෙයට හේතුව වන්නේ කෙසෙල් ලෙල්ලේ අන්තර්ගත වන ප්‍රතිඔක්සිකාරක බලය සහ සම අකලට වයසට යෑම නතර කිරීමේ හැකියාවයි. ඒ වගේම, කෙසෙල් ලෙල්ල මගින් සම වියළීම නතරකර සමට අවශ්‍ය වන පෝෂණය සපයා දෙනු ලබනවා. ඔබේ සමේ මෙවන් ගැටළු ඇති ස්ථාන වල කෙසෙල් ලෙල්ලක් අතුල්ලා විනාඩි තිහක පමණ කාලයක් සිටින්න.

04. සෝරෛයසිස් නමැති චර්ම රෝගයත් “Psoriasis” කෙසෙල් ලෙලි භාවිතයෙන් සුව කර ගන්නට පුළුවන්. 05. කෙසෙල් ලෙලි නිර්වේදනික කාරකයක් “Analgesic Agent” වනවා. ඔබේ සමේ වේදනාවක් ඇති ස්ථාන වල කෙසෙල් ලෙල්ලක් අතුල්ලන්න. එමගින් සාර්ථකව වේදනාව සමනය කරගන්නට පුළුවන්. 06. කෙසෙල් ලෙලි භාවිතෙයෙන් බර අඩු කර ගන්නට පුළුවන්. සෑම දිනකම දිවා ආහාරය ගත් පසුව කෙසෙල් ගෙඩි දෙකක් ආහාරයට ගන්න. කෙසෙල් ලෙල්ලේ දාරය ඉවත් කර කෙසෙල් ලෙල්ලත් ආහාරයට ගන්න. ඒ වගේම, රාත්‍රී ආහාරය අඩුවෙන් ලබා ගන්න. මේ ආහාර වට්ටෝරුව මාසයක කාලයක් අනුගමනය කරන්න. මේ කාලය අතර තුල ඔබේ බර රාත්තල් පහක් හෝ ඊට වඩාවැඩි ප්‍රමාණයකින් අඩු වේවි.

සබන් භාවිතා කරන ඔබ දැන්ම දැනුවත් වෙන්න

පසුගිය දශකය පුරාවට විෂබීජ වලට ඇති බය නිසාම විෂබීජ නාශක සබන් භාවිතා කරන්න පුරුදු වුනා. නමුත් අවාසනාවකට වගේ මේ සබන් වල අන්තර්ගත වන රසායනික වර්ග ගැන හොයල බලන්න සාමාන්‍ය පාරිභෝගිකයන්ට එතරම් උනන්දුවක් තිබ්බෙම නැති තරම්. ඒ හේතුව නිසා මෙම සබන් නිෂ්පාදනය කරන සමාගම් වලට විවිධ රසායනික වර්ග කලවම් කරලා සබන් හදන්න ඉඩ ප්‍රස්තාව ලැබුනා. ඇතැම් අවස්ථාවල ඔවුන් භාවිත කරන රසායනික වර්ග වල අතුරු පල ගැනවත් අවබෝධයක් තිබ්බේ නෑ. Triclosan (ට්‍රික්ලොසෑන්) යනු විෂබීජ නාශක වල අඩංගු සක්‍රිය අමුද්‍රව්‍යයයි. මෙමගින් හෝමෝන වෙනස්කම්, සහ ප්‍රතිශක්තිකරණ පද්ධතියේ වෙනස්කම් මෙන්ම වඳ බව (sterility) ඇති කිරිමටත් හේතු වනවා.

Triclosan රෝහල් සඳහා මුලින්ම හඳුන්වා දෙනු ලැබුනේ 1970 දශකයෙයි. ඒ වන විට FDA (U S Food and Drug Administration) සංගමය පිහිටවා නොතිබුන බැවින් බොහෝ විට මෙවැනි දෑ දැඩි පරීක්ෂණයකට ලක් කෙරුනේ නැති තරම්. Triclosan භාවිතයේ ඍනාත්මක පැතිකඩ පිලිබඳ සැලකිල්ලට ගැනුනේ එය භාවිත කරන පිරිස්වල අවදානය හේතුවෙන්. නමුත් අපි නොදන්නා රසායනික වර්ග අඩංගු බොහෝ දෑ අපි භාවිතයට පුරුදු වී සිටින නිසා ඒවා අපේ සමේ නිතරම ගැටෙන නිසා ඇති වන දීර්ග කාලින අතුරු පල ගැන කිසිඳු සමීක්ෂණයක් හෝ කර නොමැති බැවින් යම් කිසි ව්‍යාකුල තත්වයකට මුහුණ දීමට ප්‍රවනතාවය සැලකිල්ලට ගන්න විට අපි පරීක්ෂණයකට භාජනය වුනු කොටසක් බවට පත් වී හමාරය.

මෙම විෂබීජ නාශක දැන්වීම් වල ඔබට බොහෝ විට විෂබීජ වලින් 99% ක් ඒවත් කරනවා යනුවෙන් අසන්නට ලැබෙයි. නමුත් මෙහි නොපෙනෙන පැතිකඩ වන්නේ මේ හේතුව නිසා ඉතිරි වන 1%ක පමණ බැක්ටීරියා ප්‍රමාණය මෙම විෂබීජ නාශක වලට ප්‍රතිරෝධයක් දක්වන බවයි. අවසානයේ අපේ ශරීරයේ ඉතිරි වන්නේ මෙම සුපිරි බැක්ටීරියා වර්ග පමණයි. එම බැක්ටීරියා මගින් ඇති වන රෝග තත්ත්ව වලට ප්‍රතිකාර කිරීමට දැනට පවතින ඖෂධ වල නොහැකි වන්නට පුළුවන්.

අපි හැමෝම මේ විෂබීජ නාශක සබන් වලින් අත් හෝදන්න පුරුදු වෙලා ඉන්නේ සාමාන්‍ය සබන් වලින් විෂබීජ ඉවත් වෙන්නේ න කියල හිතන හින්දනේ. හැබැයි පර්යේෂකයන් පවසන අන්දමට තත්පර 20ක් මද රස්න ජලයේ සාමාන්‍ය සබන් වලින් අත් සේදුවාම විෂබීජ නාශක සබන් වලින් ලබන ප්‍රතිපලයට සමාන ප්‍රතිපලයක් ලඟා කරගන්නත් පුළුවන්.

ඒක හින්දා ඕනෑම රසායනික වර්ග අඩංගු දෙයක් භාවිත කරන්න කලින් ඒක ගැන දැනුවත් වෙන එක කොයි කාගේත් නුවනට හුරුයි. මේවා නිෂ්පාදනය කරන සමාගම් වල වගකීම වෙන්නෙත් තමන්ගේ නිෂ්පාදන වල යොදාගන්න දේවල් පිළිබඳව මීට වඩා අවදානයක් යොමු කරලා අහිංසක පාරිභෝගිකයන්ගේ සෞඛ්‍ය ගැනත් සැලකිලිමත් වෙන එක.

ඔබත් වෙරලූ ආහාරයට ගන්නවාද

මිල අධික වූණාට පලතුරුවල ගුණයේ වැඩිවීමක් නැහැ. වෙරළු ගැමි ජනතාව අතර ඉතා ප‍්‍රචලිත පලතුරකි. මෙම ශාකය පැරණි සෑම නිවසකම දෑකිය හැකිය. අද කාන්තාවන් මෙම පලතුරට එතරම් සැලකිල්ලක් නොදෑක්වූවත් පැරණි කාන්තාවෝ සහ ළමයි වෙරළු අච්චාරුවට ප‍්‍රිය කළහ. විශේෂයෙන්ම ගර්භනී සමයේදී මූල් මාස කිහිපයේ ඇතිවන කෑම අරුචිය නිසා වෙරළු අච්චාරු කෑමට ප‍්‍රිය කරයි.

සැබවින්ම වෙරළු විටමින් සී වැඩිපූර අන්තර්ගත පලතුරක් මෙන්ම වෙරළු උෂ්ණ ගුණයද සහිත පලතුරකි. වෙරළු අම්ල ගුණය නිසා අමූවෙන් ආහාරයට ගැනීමෙන් උගුර අමාරු ඇතිවිය හැකි අතර අමූවෙන් අච්චාරු ලෙස ආහාරයට ගැනීමෙන් පිත, රුධිරය අපිරිසිදු වීම වගේම ශරීරයේ බිබිලි ඇතිවන්නටද පූළුවන. ආමාශ‍්‍රදාහය (ග‍්‍රැස්ට‍්‍රයිටිස්) ඇති පූද්ගලයින්ට වෙරළු ආහාරයට ගැනීම සූදුසූ නොවන බව මතකයේ තබාගත යූතුය. එහෙත් අමූ වෙරළු වලට කුසගින්න වර්ධනය කිරීමේ හැකියාව තිබෙන බව දන්නවාද? තව කරුණක් කිව යූතු වේ. එය නම් අපට නොමිලයේ සපයාගත හැකි වෙරළු ගෙඩිය අද සූපිරි වෙළෙඳ සල්වල පැකටි වශයෙන් හා ඇසූරුම් කළ බෝතල් වශයෙන් වෙරළු අච්චාරු ලෙසින් අලෙවියට තිබීමයි. එම අසූරන ලද බෝතල්වලට කල්තබා ගැනීමට යම් රසායනික ද‍්‍රව්‍ය අඩංගු කර තිබෙන්නට පූළුවන.

මේ නිසා ඔබ මෙම පලතුර ආහාරයට ගන්නේ නම් ස්වාභාවික අන්දමින් ගැනීම සූදුසූය. හොඳින් පැසී ඉදුණූ වෙරළු වලට ශරීරයේ සෙම් ගතියද අඩූකිරීමේ හැකියාව තිබෙන බව ආයූර්වේදයේ සඳහන් වේ. ඔබට මූදල් වැය නොකර ලස්සන වන්නට හැකි බව දන්නවාද? වෙරළු කොළ හොඳ රූපලාවන්‍ය ඖෂධයකි. වෙරළු කොළ පංච කල්‍යාණියෙන් එක් අංගයක් වන කේශ කල්‍යාණියට ඉතාමත් හිතකරය.

වෙරළු කොළ තම්බා එම ජලයෙන් හිස සේදීමත් කොළ කොටා එම යූෂ හිසේ ගැල්වීමෙන් පිරිසිදු හා සිනිඳු දීප්තිමත් කෙස් කළඹක් ලබා ගැනීමටත් හේතුවේ. එමෙන්ම ඔබට නිතර වද දෙන හිස්හොරි වලටද මාහගු ඔසූවකි. අප වෙරළු ගෙඩිය නොසලකා හරින අතර වැඩි මිලක් දී මිදි කෑමට පූරුදු වී සිටී. මිදිවල තිබෙන ගුණය වෙරළු ගෙඩිය තුළත් තිබෙන බව අමතක කරන්න එපා. මෙම පලතුර ඕනෑම පූද්ගලයකුට සූදුසූය.

ඉන්දියාවේ නූතන ගීත කෝකිලාවිය

රනූ මොන්ඩාල්.. බොලිවුඩයට අලුතින්ම එකතුවූ කෝකිලාවිය ඇයයි. දුක්ගැහැට පිරුණු ජීවිතය අවුරුදු ගණනක් ගෙවා දැමූ පසු හිටි හැටියේම ඇගේ ජීවිතය වෙනස් වන්නේ සමාජ මාධ්‍ය තුළ ඇගේ නම වැඩි වැඩියෙන් කථා බහට ලක් වීමට පටන් ගත් පසුය. ඉන්දියාවේ බෙන්ගාල් හී රනාගට් දුම්රිය වේදිකාවේ ඇය ගීයක් ගයමින් සිටියාය. ඊට සති ඒ මංගේෂ්කාර් ඉන්දියාවේ ගීත කෝකිලාවියගේ ගීයකි.. ඊට සති දෙකකට පසු ඇගේ ජීවිතය සම්පූර්ණයෙන්ම වෙනස් වූවාය. ඇය ඊයේ සුපුරි ඉන්දීය චිත්‍රපට ගායක හිමේෂ් රෙෂමියා සමග හිත් අදහා ගත නොහැකි තරමේ මියුරු චිත්‍රපට ගීයක් ගැයුවාය. හිමේෂ් ඇයව හඳුන්වා තිබුණේ දිව්‍යමය හඩක් ඇත්තියක් ලෙසය. එදා සිටි රනූ මොන්ඩාල් අද හාත්පසින්ම වෙනස් වී ඇත.. එදා තිබූ වැරහැලි වෙනුවට අද ඇය ඉතා අලංකාරව හැඩ වැඩ වී සිටින්නීය. ඇගේ ජීවිතය හාත්පසින්ම වෙනස් වන්නට පටන්ගෙන ඇත.

වයස අවුරුදු 19 දී විවාහ ජීවිතයට ඇතුල් වන ඇයට කුඩා කාලයේම සිය පියාද මවද අහිමි වන්නේය. එතෙක් පටන් ඉන්දියාවේ ක්‍රිෂ්ණා නගර් හී සිය නැන්දණිය සමග විවාහ වන තුරු ඇය සිය ජීවිතය ගත කලාය . ඇය පවසන්නේ එය අතිෂය දුක්බර ජීවිතයක් වූ බවයි. විවාහ වී සිය සැමියාද සමග මුම්බායි නගරයට යන්නේ යහපත් ජීවිතයක් වුවත් . ඇයට බොහෝ විට උරුම වී ඇත්තේ මහ මග දුක්බර ජීවිතයකි. ඇයට පෙරළා තමන් උපන්ගමට පැමිණේන්ට සිදු වන්නේ සිය සැමියාද නොමැතිවයි. ඒ මීට විසි වසරකට පෙරයි. ජීවිතයේ විදින්නට වූ දුක් ගැහැට නිසාම විෂාධය රෝගයෙන් පෙළුන ඇය මෙතෙක් ගෙවා දමන්නේ අතිෂය දුක්බර ජීවිතයකි. කුසට අහරක් නොමැතිව ජීවිතයේ බොහෝ දවස් ගත කර ඇති බව ඈ පවසන්නීය.

දුක් කම්කටොලූ මැද වුවත් තමන් කැමතී ගීත රසවින්දනයට ඈ බොහෝ ඇලුම් කලාය. ගීත ඇසීමත් නැවත ඒවා ගායනා කිරීමත් කුඩා කල සිට ඇගේ විනෝදාංශය විය. මොහොමඩ් රාෆි ලතා මංගෙෂ්කාර් ඇගේ ලෝකයේ වීරයන්ව වූ අතර මහ මග ඇවිදිද්දීත් ඇගේ මුවේ ඔවුන්ගේ ගීයක් රැදුනාය. අතීන්ද්‍රා චක්‍රබෝර්ති නම් 26 හැවිරිදි තරුණයා ඇගේ ජීවිතය වෙනස් කළ පුද්ගලයාය. ඔහුට රනාගට් දුම්රිය මැදිරියේ අවහන්හලක රේඩියෝවක මොහොමඩ් රාෆි ගායකයාගේ ගීයක් වාදනය වන අතරේ තවත් කාන්තාවක් එහි බිම හිදගෙන එම ගීය සිහින් හඩින් මුහුණනු ඇසිණි. ඇගේ හඩ කෙතරම් මිහිරි වූවාදැයි කියතොත් රනූ මොන්ඩාල් ගේ ගීයක් ඔහු විසින් දුරකථනයෙන් පටිගත කළාය. ඊට දින දෙකකට පසු ඔහු එම ගීය සමාජමාධ්‍ය වෙත මුදා හරිනු ලැබුවේය.

මොහොතක් ගත වන්නට ඈ ඉන්දීය සමාජ මාධ්‍ය පරිශීලකයන් අතර සුප්‍රසිද්ධම චරිතය බවට පත් වෙමින් පැවතිනි. වාර ලක්ෂ ගණනක් ඇගේ ගීතය සහිත වීඩියෝව සමාජ මාධ්‍ය තුළ හුවමාරු වී තිබිණි. මේ සිදු වීමත් සමග රනූ මොන්ඩාලගේ ජීවිතය ඇයටද සිතා ගත නොහැකි අයුරින් වෙන්ස් වූ යේ.. ඇයට අවශ්‍ය ආහාර පාන ඉඳුම් හිටුම් පමණක් නොව ඇගේ ජීවිතයට මෙතෙක් නොලැබුණ සශ්‍රිකත්වය ඇය හඹා එන්නට පටන්ගෙන ඇත. ඇය මෙතෙක් සිටි ස්වරූපය සැණින් වෙනස් විය. ඇයට විවිධ පුද්ගලයන්ගේ ගරුත්වය හිමි වන්නට පටන් ගෙන ඇති අතර රනු මොන්ඩාල් මේ වන විට ඉන්දියාවේ බොහෝ රෑපවාහානි සහ ගුවන් විදුලි නාලිකාවල ගීත ගායනයට සහභාගී වීමේ අවස්ථා උදාකර ගෙන ඇත.

මීට දින ගණනකට පෙර පැවති ඇගේ දුක්බර මුහුණේ අද ඇත්තේ බලාපොරොත්තු සහගත සිනහවක් පමණි. ඇගේ හඩ සැබවින්ම කන් කළුය එපමණක් නොව සංගීතය හැදෑරූ අයෙක් තරමටම ඇගේ ශුතිය ඉතා තියුණුය. වසර 50ක් ජීවිතයේ දුක් ගැහැට වලින් මිරිකුණු රනූ මොන්ඩාල් ගේ හෙට ජීවිතය අතිශයින්ම සශ්‍රික එකක් වනු ඇත.

බ්ලු මැකෝව් පැරට්ලා

“Rio” කියපුවම හැමෝටම මතක් වෙන්නෙ #Rio, #Rio2 ඇනිමේෂන් film දෙක කුඩා ලමුන් හා තරුණ පරම්පරාව අතරද සිත්ගත් මෙම කතාව ගොඩනගන්න පාදක වෙන්නෙත් Rio පලමු කතාව අනුව බ්‍රසීලයේ රියෝ වල ලොකයෙන් වඳවී යන විශේෂයේ අවසන් කිරිල්ලිය හා කුරුල්ලා වෙනුවෙන් ඒ සම්බන්ධයෙන් පර්යේෂණ කරන විද්‍යාඥයකු මේ සතුන් දෙදෙනා සංරක්ෂණයට කරන අරගලය ආසාවෙන් බලන්න පුලුවන් ෆිල්ම් එකක්. Rio-2 දෙවන කතාව තිබෙන්නෙ මෙම කිරිල්ලිය හා කුරුල්ලා එකතු වී පැටවුන් තිදෙනෙකු සිටියත්, පෙර කතාවේ සිටි විද්‍යාඥය විසින් ඇමසන් වනාන්තරය තුල පවතින කුරුල්ලන්ගෙ නිජබිම් සොයා සංරක්ෂණය කිරීම සම්බන්ධයෙන්.

දැන් එන්නම් හරි කතාවට දැනට අවුරුදු හතකට කලින් මේ ඔක්කොම එන්නෙ මේ කුරුළු විශේෂය Spix’s Macaw (Cyanopsitta spixii) නමින්ද හඳුන්වන අතර සංරක්ෂණය කිරීම උදෙසා වුවත් ෆිල්ම් එකට හාත්පසින්ම වෙනස් දෙයක් තමයි ඇත්ත ජීවිතේ මෙම අවසන් ගිරව් විශේෂයට සිදුවන්නෙ එනම් එම විශේෂයේ අවසන් පිරිමි කුරුල්ලා උතුරු ඇමරිකාවේ මින්නෙසොටා කියන නගරයේ සිට දකුණු ඇමරිකාවේ බ්‍රසීලයේ රියෝ නුවරට රැගෙන එන්නෙ දැඩි අවදානමට පත් විශේෂයක් ලෙස IUCN redlist එකෙන් ප්‍රකාශයට පත් කර ඇති අතර අද වන විට සදහටම මිහිමතින් වඳවී ගොස් ඇත. එහෙත් අභිජනන වැඩසටහන වල ඇතැයි පැවසුවත් එය 100%ක්ම තහවුරු කර නැත.

1980 ටෝනි ජුනිෆර් විසින් “Spix’s Macaw” ලෙස රචිත මෙම දුර්ලභ කුරුලු විශේෂය සංරක්ෂණය හා රැකගැනීමේ අවශ්‍යතාව පැහැදිලි කලත් එවකට ජනතාව අතර එය හුදෙක් විහිලුවක් බඳු විය. අවසානයේ ඉන් වසර 40කට පසු මෙම විශේෂය වඳවී යාමට ප්‍රධාන හේතුලෙස දක්වන්නෙ deforestation එනම් කැලෑ විනාශ වීම තුලින් මෙම සතුන්ගෙ නිජබිම් ලෙස සැලකෙන ඇමසන් වනයේ එම ප්‍රදේශ මිනිසුන් විසින් විනාශ කිරීම හා ඇතිවූ කාලගුණික හා දේශගුණික විපර්යාස වලට හැඩගැසීමට නොහැකි වීම තුලින් ස්වභාවික පරිසරය තුල විලෝපික සතුන් වැඩි වීමයි. ස්වාභාවික පරිසරය තුල ජීවීන් නෂ්ඨ වීම ස්වාභාවික ක්‍රියාවලියක් නමුත් මිනිසාගේ මැදිහත් වීම තුලින් නෂ්ඨ වීම අවාසනාවකට කරුණකි… පරා