රනිල්ට සමකල හැකි කිසිවෙකු පාර්ලිමේන්තුවේ නෑ..- SJB මන්ත‍්‍රී නලින් බණ්ඩාර

එක්සත් ජාතික පක්ෂයේ නායක රනිල් වික්‍රමසිංහ මහතාට සමකළ හැකි කිසිවකු පාර්ලිමේන්තුවේ නැති බව සමගි ජන බලවේගය පාර්ලිමේන්තු මන්ත්‍රී නලින් බණ්ඩාර මහතා සඳහන් කරයි.

වික‍්‍රමසිංහ මහතාගේ අත්දැකීම පළපුරුද්ද සහ භාවිතය සමඟ පාර්ලිමේන්තුවේ කිසිවෙකුට සමකල නොහැකි යැයිද ඔහු පවසයි.

පාර්ලිමේන්තු ප්‍රජාතන්ත්‍රවාදී නොමැකෙන සලකුණක් වූ වික්‍රමසිංහ මහතා පාර්ලිමේන්තුවේ නොසිටීම ගැන කණගාටුවන බවද ඔහු කියා සිටියේය.

එක්සත් ජාතික පක්ෂයට හිමිවී ඇති ජාතික ලැයිස්තු මන්ත්‍රී ධුරයට සුදුසුම පුද්ගලයා වික්‍රමසිංහ මහතා බව ද ඉදිරි වසර පහේදී ඔහුගේ භාවිතය තිබෙන්නේ නම් එය විශාල වාසියක් බවත් මන්ත්‍රීවරයා තවදුරටත් පැවසීය.

ඔහු මෙම අදහස් පළ කළේ සමගි ජන බලවේග මූලස්ථානය වීරයෝ මාධ්‍ය හමුවක් අමතමිනි.