ඔබේ උපන් ලපය

උපන්ලපයක් ඇඟේ නැති කෙනෙක් නැති තරමයි. අහලා තිබෙනවාද ඔබ උපන්ලපයක් පිළිකාවක් වෙන්න පුළුවන් කියලා. ඇත්තටම මොකක්ද මේ කතාවේ ඇත්ත නැත්ත? උපන් ලපයක් කියන්නේ හමේ ඇති වන වර්ණවත් කැළලක්. මේක කළු පාටම වෙන්න ඕනි කියලා නියමයක් නැහැ. එක එක්කෙනාගේ හමේ පාට අනුව වගේම උපන් ලපයේ ප්‍රමාණය අනුවත් පැහැය වෙනස් වෙන්නට පුළුවන්.

අපි උපන් ලප කියලා හඳුන්වන ඔක්කොම කැළැල් එකම වර්ගයකට අයිති නැහැ. වෛද්‍ය විද්‍යාත්මකව ඒවා විවිධ තත්ත්ව වල වර්ග කරලා තිබෙනවා. ගොඩක් උපන් ලප උපතින්ම ඇති වන ඒවා. එත් උපතින් පස්සේ වුනත් මතු වීමේ ඉඩක් තිබෙනවා. එය සාමාන්‍යයි. සමේ මතුපිටින් මතුවන ඒවා වගේම සම තුලින්ම පැන නගින උපන්ලප තිබෙනවා. ඔබ දැක තිබෙනවාද රතු පැහැයට හුරු කුඩා ලප. මේවා වෛද්‍ය විද්‍යාවේ හඳුන්වන්නේ ස්ට්‍රෝබෙරි නේවස් (strawberry naevus) කියලයි. මේවා නම් කිසිම ආකාරයක පිළිකා අවධානමක් නැති ලප විශේෂයක් ලෙසයි සොයාගෙන තිබෙන්නේ.

නමුත් සමහර උපන් ලප Melanoma කියන දරුණුම ආකාරයේ සමේ පිළිකා තත්වය දක්වා වර්ධනය වීමේ අවධානමක් සහිතයි. දුඹුරු හෝ කළු පාටින් යුක්ත වන උපන් ලප වල ප්‍රමාණය අනුව පිළිකා අවධානම වෙනස් වනවා. ප්‍රමාණය සෙන්ටි මීටර් 1.5 ට වඩා අඩු නම් ඉතා අඩු පිළිකා අවදානමකුත් සෙන්ටි මීටර් 2 ට වැඩි නම් ඉතා වැඩි පිළිකා අවදානමකුත් තිබෙනවා. උපන් ලපයක් පිළිකාවක් වෙනවා නම් ඒ ගැන අපිට දැන ගන්නට පුලුවන්ද? ඔව්. උපන් ලපයේ ඇති වන සමහර වෙනස්කම් නිරීක්ෂණය කරලා අපිට එය කලින් හඳුනා ගන්නට පුළුවන්.

උපන් ලපයේ ප්‍රමාණය එන්න එන්න වැඩි වනවා නම්. වර්ණය වෙනස් වනවා නම්. උපන් ලපය කැසීමක් හෝ වේදනාවක් දැනෙන්නට පටන් ගත්තොත්. උපන් ලපයෙන් ලේ ගැලීමක් සිදු වෙනවා නම්. එය මත යම් ආකාරයක තුවාලයක් ඇති වෙලා නම්. අතට දැනෙන ආකාරය වෙනස් වෙලා නම්. උදාහරණයක් කිව්වොත් එන්න එන්න රළු වෙනවා නම්.

දොඩම් ඇට වල තියෙන ගුණ

දොඩම් කියන්නේ අපි හැමෝම කැමති පළතුරක්. ඒ වගේම අපේ ශරීරයට විටමින් ඇතුළු පෝෂ්‍ය පදාර්ථ ගෙන දෙන දෙයක්. අපි හැමෝම පුරුදු වෙලා ඉන්නේ දොඩම් ගෙඩියේ ලෙල්ල ඉවත් කර රේණු සහිත කොටස් අහාරයට ගැනීමට. නමුත් දොඩම් ලෙල්ලේ සහ දොඩම් ඇට වල සුවිශේෂී පෝෂණ ගුණයක් අන්තර්ගතයි. දැන් මේ ඔබට කියන්නට සැරසෙන්නේ දොඩම් ඇට වල තිබෙන විශේෂ ගුණ ගැන.

දොඩම් කියන්නේ ප්‍රභල ප්‍රතිඔක්සිකාරකයක් දොඩම් ඵලය මෙන්ම එහි ඇට සතුවත් මිනිස් ශරීරයේ සජලනය ආරක්ෂා කරදී ශරීරය නැවුම්ව සහ සෞඛ්‍යය සම්පන්නව තැබීමට හැකි ප්‍රභල ප්‍රතිඔක්සිකාරක ගුණයක් අන්තර්ගත වනවා. උදෑසන දොඩම් ඇට ආහාරයට ගැනීම මගින් ශරීරයේ ප්‍රතිඔක්සිකාරක බලය වර්ධනය කර ශරීරයේ ශක්ති මට්ටම වැඩි කර ගන්නට පුළුවන්.

ආහාර සුවඳවත් කිරීමට දායක වෙනවා දොඩම් ඇට මගින් ලබා ගන්නා සගන්ධ තෙල් ආහාර සඳහා එක්කර ගැනීම මගින් නැවුම් රසයක් සහ සුගන්ධයක් ආහාර වලට ලබා ගන්නට පුළුවන්. කේක් සඳහා භාවිතා කරන අයිසින් සඳහා දොඩම් ඇට මගින් ලබා ගන්නා තෙල් බහුලවම භාවිතා කරන අතර වෙනත් ආහාර වර්ග බොහෝමයක් සඳහා දොඩම් ඇට මගින් ලබා ගන්නා තෙල් භාවිතා කරනු ලබනවා. මීට අමතරව ස්නානය කිරීම සඳහාත් නිවෙස් පිරිසිදු කිරීමේ කටයුතු සඳහාත් මෙම තෙල් වර්ගය භාවතා කර අමතර සුගන්ධයක් එක්කර ගන්නට පුළුවන්.

දොඩම් ඇට හොඳ ශක්ති ජනකයක් දොඩම් ඇට ආහාරයට ගැනීම මගින් ශරීරයේ ශක්ති වර්ධනය වනවා. දොඩම් ඇට තුල අන්තර්ගත වන “palmitic”, “oleic” සහ “linoleic” අම්ලයන් විසින් මිනිස් ශරීරයේ සෛල තුල ශක්තිය වැඩි කාලයක් ගබඩා කර තැබීමට සහාය වනවා.

හිසකෙස් සඳහා ද සත්කාරයක් දොඩම් ඇට තුල අන්තර්ගත වන විටමින් C, ෆෝලික් අම්ලය සහ “bio-flavonoids” මගින් හිස්කබල වෙත සිදු වන රුධිර සංසරණය වේගවත් වී හිසකෙස් සෞඛ්‍යය සම්පන්න කිරීම සිදු වනවා.

පවිත්‍රකාරක ද්‍රව්‍යක් ලෙසත් ක්‍රියා කරනවා දොඩම් ඇට මගින් ලබා ගන්න තෙල් පවිත්‍රකාරක කටයුතු සඳහාත් භාවිතා කරන්නට පුළුවන්. නැවුම් සුවඳක් නිකුත් කරන දොඩම් ඇට තෙල් ඔබේ නිවසේ පවිත්‍රකාරක කටයුතු සඳහා භාවිතා කර නිවස තුල වාතාශ්‍රය නැවුම් කර ගන්නට පුළුවන්

මේ පැත්තට නිදාගන්න කෙනෙක් නම් දැන්ම බලන්න

එන්.බී.ඒ කණ්ඩායමේ හිටපු අධ්‍යක්ෂක වරයෙක් වන වෛද්‍ය ජෝන් හිලාඩ් මහතා විසින් සෞඛ්‍යය වැඩිදියුණු කරගන්නා ආකාර පිළිබඳව පැවසෙන ලිපි 200කටත් වඩා වැඩි ප්‍රමාණයක් ප්‍රකාශයට පත්කර තිඛෙනවා.

මෙම ලිපියෙන් අද ඔහු උත්සහ කරන්නේ රාත්‍රියේදී නිදන ඉරියව්ව ඔබේ සෞඛ්‍යයට බලපාන ආකාරය පිළිබඳව විස්තර කිරීමටයි. ඔහු පවසන පරිදි දකුණු ඇලයට හැරී නිදාගැනීම කිසිලෙසකින්වත් සිදුනොකළ යුතුයි.

වම් ඇලයට හැරී නිදාගැනීම තමයි වඩාත්ම නිවැරදි සහ සෞඛ්‍යය සම්පන්නම ඉරියව්ව බවට පත්වන්නේ. මොකද වම් ඇලයට හැරී නිදාසිටින විට ආහාර ජීරණ පද්ධතියට බලපෑමක් සිදුනොවෙන නිසා ආහාර ජීරණය හොඳින් සිදුවෙනවා.

නමුත් දකුණු ඇලයට හැරී නිදාගැනීමේදී අමාශයේ දැවිල්ල සහ අම්ල පිත්තවාහය වැනි සෞඛ්‍යය තත්වයන් ඇතිවෙන නිසා ඔබේ සෞඛ්‍යය අනතුරට පත්වෙන්නට පුළුවන්. මුළු රාත්‍රිය පුරාවටම උදර යුෂ සෙමින් අන්නස්‍රෝතයට ඇතුළු වෙන නිසා තමයි එවැනි තත්වයන් ඇතිවන්නේ.

දකුණු ඇලයට නිදාගැනීමේදී ප්‍රතිශක්තීකරණ පද්ධතියේ වැදගත්ම අංගයක් වන වසාවාහි පද්ධතියටද අහිතකර බලපෑමක් ඇතිවෙනවා කිව්වොත් ඔබ පුදුමයට පත්වේවි. නමුත් වම් ඇලයට නිදාගන්නා විට ග්ලුකෝස් සහ ප්‍රෝටීන් වැනි පෝෂක ද්‍රව්‍ය වසාවාහී පද්ධතියට වඩාත් හොඳින් ඇතුළු වෙනවා. එම නිසා ඔබේ හදවතට සහ බඩදිවට යහපත් බලපෑමක් ඇතිවෙනවා. ඔබ දකුණු ඇලයට හැරී නිදාගැනීමට පුරුදුව සිටින කෙනෙක් නම්, වහාම එම අයහපත් පුරුද්ද නිවැරදි කරගන්නට කටයුතු කරනවානම්.

ගැහැණු ළමුන් මේ දේවල් ගැන දැනුවත් වෙන්න

දිනකට කිරි කෝප්පයක් පානය කරන පුද්ගලයින් හා සසඳා බලන විට, දිනකට කිරි කෝප්ප තුනකට වඩා පානය කරන පුද්ගලයින්ට පියයුරු පිළිකාවන් ඇතිවීමට තුන්ගුනයකට වඩා වැඩි අවදානමක් ඇති බව නොර්වේ විද්‍යාඥයින් පිරිසක් විසින් මෑතකදී සිදුකරනු ලැබූ නවතම අධ්‍යයනයකින් හෙළිවී තිබෙනවා. පසුගිය අවුරුදු කිහිපය තුල පියයුරු පිළිකා අවදානම වැඩිවිය. විද්‍යාඥයින් නම් පවසන්නේ කිරි පරිභෝජනය ඒ සඳහා වගකිවයුතු බවයි.

අලූත්ම සංඛ්‍යාලේඛනවලට අනුව, වැඩිම පියයුරු පිළිකා රෝගීන් සංඛ්‍යාවක් හමුවන්නේ පින්ලන්තයෙන්, ස්වීඩනයෙන් බ්‍රිතාන්‍යයෙන්, කැනඩාවෙන් සහ ඇමරිකාව වැනි රටවල්වලිනි. කිරි නිෂ්පාදනයෙන් සහ පරිභෝජනයෙන් ඉහලින්ම සිටින්නේ එම රටවල් බව ඔබ දන්නවාද ? ඒවගේම කිරි පරිභෝජනය අවම රටවල්වල පියයුරු පිළිකා අවදානම අවම මට්ටමක පවතින බවයි වෛද්‍ය විශේෂඥයින් පවසන්නේ.

අපි පරිභෝජනය කරන කිරිවල පිළිකාවන් ඇතිවීම සඳහා උදව් වෙන හෝමෝනයන් සහ නොයෙකුත් සංයෝගයන් අන්තර්ගතව තිබෙනවා කිව්වොත් ඔබ විශ්වාස කරනවාද? ඔබ නොදැන සිටියාට සකස්කරන ලද විටමින් ඩී අතිරේකද කිරිවලට සහ අනෙකුත් කිරි නිෂ්පාදනවලට එකතු කරනවා. එහි ඇති අහිතකර බව වැඩිදුරටත් සනාත කරමින්, අනෙකුත් පුද්ගලයින් හා සසඳා බලන විට පියයුරු පිළිකාවන් වැළඳී ඇති පුද්ගලයින් සංයෝගාත්මක විටමින් ඩී දෙගුණයකටත් වඩා වැඩියෙන් අනුභව කරන බව හෙළිවී තිබෙනවා.

අධික කිරි පරිභෝජනයට අමතරව, දුක්පත් ආහාර වේල් පරිභෝජනය කිරීම, එළවලූ සහ මාළු අඩුවෙන් අනුභව කිරීම, අධික සීනි පරිභෝජනය, ඌරු මස් වැඩිපුර අනුභව කිරීම සහ තද තනපටි පැළඳීම වැනි හේතූන් නිසාද පියයුරු පිළිකා අවදානම වැඩිවෙන්නට පුළුවන් බව හොඳින් මතක තබාගන්න.

ඔබත් මෙහෙම කණ සුද්ද කරනවාද

පුළුන් සහිත කූරු මගින් කන් පිරිසිදු කරගැනීම සෞඛ්‍යය සම්පන්න නොවේ. කනෙහි මාර්ගය ඔස්සේ කිසිවක් ඇතුල් කිරීම සුදුසු නොවේ. මෙමගින් ඔබගේ කන් බෙරයට විශාල ලෙස හානියක් සිදු කල හැකිය. මේවා ආධාරයෙන් කන් පිරිසිදු කරගන්නා විට කන් කලාදුරු අනවශ්‍ය ලෙස කන තුලට තෙරපී කන් ඇසීම අඩාල වනු ඇත.

කන් කලාදුරු ඉවත් කිරීමට අවශ්‍ය නොවේ කනේ නිසි සෞඛ්‍යය පවත්වා ගැනීම සදහා කන් කලාදුරු සැලකිය යුතු ප‍්‍රමාණයක් කන තුල තිබිය යුතුවේ. කන් කලාදුරු තුල ප‍්‍රතිබැක්ටීරියා ගුණයක් අන්තර්ගත වන අතර අනවශ්‍ය ලෙස ඔබ ඒවා ඉවත් කිරීම සෞඛ්‍යයට අහිතකර වේ.ඔබ කන් පිරිසිදු කරනා ආකාරය පිලිබදව දැනුවත් වීමට පෙර එය සිදුකල යුත්තේ කිනම් අවස්ථාවේද යන්න දැනුවත් වී සිටිය යුතුය.

කන් කලාදුරු අප විසින් එය කන තුල තිබියදීම පිරිසිදු කර ගැනීමට අවශ්‍ය නොවේ. කන් කලාදුරු කනෙන් ඉවතට පැමිණ ස්වාභාවික ලෙසම පිරිසිදු වේ. නමුත් සමහර පුද්ගලයන්ගේ එසේ නොවේ ඔවුන්ගේ කනතුල කන් කලාදුරු කැටි ගැසෙනු ලබයි. එවන් අවස්ථාවන් හිදී ඔබ විසින් ඉතා ප‍්‍රවේශමෙන් කන් පිරිසිදු කර ගත යුතු වේ. මෙවන් ආකාරයට ඔබේ කන තුල කන් කලාදුරු කැටි ගැසීම මගින් වේදනාවක් දැනෙනවානම් වෛද්‍යය උපදෙස් ලබාගන්න.

කන තුල පවිත්ර කරගැනීම සදහා භාවිතා කල හැකි සරල ස්වාභාවික පිළියමක් ලූණු ජලය මගින් ප‍්‍රතිකාර සිදු කිරීම මේ සදහා ඉතාමත් ඵලදායි වේ. මේ සදහා ජලය සපයා ගැනීමේදී ශරීර උෂ්ණත්වයට සමාන උෂ්ණත්වයකින් යුත් ජලය භාවිතා කරන්න. මෙම ස්වාභාවික සත්කාරය සිදු කර ගැනීමේ පියවරයන් 1. උණු ජලය කෝප්ප භාගයකට ලූණු මේස හැන්දක් එක්කරගන්න. 2. පුළුන් බෝලයක් එහි ගිල්වන්න. 3. කන ඇලකර කන තුලට ජල බිංදු කිහිපයක් එක්කර එම ආකාරයෙන්ම විනාඩි 3 – 5 අතර කාලයක් රැදී සිටින්න. 4. ඉන් පසු ජලය ඉවත්ව යාම සදහා කන අනෙත්පස හරවන්න 5. ඉන් පසුව කනෙන් එලියට ආ කන් කලාදුරු පිරිසිදු රෙදි කැබැල්ලකින් පිසදා ගන්න.
ඔබට මෙම ස්වාභාවික සත්කාරය මගින් සුවයක් නොලබුනේනම් ඔබ තවමත් කන තුල රැුදී ඇති කන් කලාදුරු මගින් වේදනා විදිනවානම් උගුර, කන හා නාසය පිලිබද විශේෂඥ වෛද්‍යය වරයෙකුව මුණ ගැසෙන්න

 

රට මිරිස් කෑවොත් සිදුවන දේ

නූතන ලෝකයේ ලෙඩ රෝගයක් නොසෑදුනු පුද්ගලයෙක්ව සොයා ගැනීම ඉතාමත් අපහසු ක‍්‍රියාවකි. මෙම රට මිරිස් භාවිතා කර හිසේ කැක්කුම, නින්ද නොයාම, අධි රුධිර පීඩනය හා රුධිර පීඩනය අඩු වීම වැනි රෝග සදහා සහනයක් ලබා ගත හැකි වේ.
ඔබට හිසේ කැක්කුම සුව කර ගැනීම සදහා රට මිරිස් භාවිතා කල හැකි වේ. හිසේ කැක්කුම නින්ද මදිකම, ඇල්කොහොල් පානය කිරීම, ශරීරය වියලීම, මන්දගාමී රුධිර සංසරණය වැනි දෑ මගින් ඇති වේ.

ඔබට මෙම තත්වය මග හැර ගැනීම සදහා සැර 40000 UH වඩා අඩු වන රට මිරිස් පරිභෝජනය කිරීමට හැකි වේ. මේ සදහා තේ හැදි 3 සිට මේස හැදි 6 දක්කවා මාත‍්‍රාවක් දිනපතා පරිභෝජනය කරන්න. තවද ඔබට රට මිරිස් භාවිතා කර ලේ වහනය වීමද නතර කරගැනීමට හැකි වේ. ඔබ මේ සදහා සිදු කලයුත්තේ අඹරා ගත් රට මිරිස් ලේ වහනය වන තුවාලය මත ආලේප කිරීමයි. මෙමගින් ඔබගේ ලේ වහනය ඉතා සුළු මොහොතකින් නතර වනු ඇත. නමුත් ඔබට මෙහිදී දැවිල්ල විද දරා ගත නොහැකිනම් රට මිරිස් ආශ්වාස කිරීමෙන්ද මෙම අරමුණ සපුරා ගත හැකි වේවි.

මෙම සත්කාරය සිදුකල පළමු අවස්ථාවේදීම ඔබට සුවයක් දැනෙනු ඇත. ඔබ මේ සදහා සිදු කල යුත්තේ උණු ජලය අඩංගු භාජනයකට රට මිරිස් තේ හැන්දක් දමා හොදින් හුමාලය ඇල්ලීමයි. ඔබට මෙහිදී කිවිසුම් ගියත් මෙය ඔබට ඉතාමත් ඵලදායි වනු ඇත.රට මිරිස් තුල අන්තර්ගත වන “CAPSAICIN” යන සංයෝගය මගින් පුරස්ථි ග‍්‍රන්ථි තුල ඇතිවන පිළිකා ෙසෙල නැසීමට හැකි බව ඔප්පු වී ඇත.

තවද මෙම “CAPSAICIN” යන සංයෝගය මගින් පෙනහළු පිළිකා ෙසෙල නැසීමට සහ ලියුකේමියා රෝගය සුව කිරීමටද හැකියාවක් ඇත. ඔබටත් මෙවන් ආකාරයේ සෞඛ්‍යමය ගැටළු තිබේනම් ඔබ කල යුත්තේ රට මිරිස් අනුභව කිරීමයි. එමගින් ඉතා කෙටි කලක් තුල ඔබට ප‍්‍රතිඵල අත්කරදී ඔබව මවිතයට පත් කරාවි

කාටිලේජ වර්ධනය කරන ඖෂධ වට්ටෝරුව

දණහිස් වේදනා ඇති වීමට විවිධ හේතු සාධක බලපෑ හැකියි. සාමාන්‍යයෙන් වයස් ගත වීමත් සමග දණහිස් වේදනා ඇති වෙනවා. තවද අධික ශරීර බර, ආබාධ තත්වයන්, අධික ලෙස ව්‍යායාම් වල නිරත වීම වැනි කරුණු නිසාත් දණහිස් වේදනා ඇති වන්නට පුළුවන්. මෙහිදී වැදගත්ම කාරණාව වන්නේ නිසි මොහොතේදී දණහිස් ආබාධ හදුනාගෙන ප්‍රතිකාර සදහා යොමු වීමයි. එසේ නොවුහොත් සිදු වන්නේ සුව කිරීමට අපහසු වන ආකාරයකින් දණහිස් වේදනා උඩු දිවිමයි.

අද විශ්ම ලෝකයෙන් අප ඔබ වෙත ගෙන එන්නේ දණහිස් වේදනා සුවපත් කර ගැනීම සදහා ඉතාම ප්‍රතිපලදායක ස්වාභාවික ඖෂධ වට්ටෝරුවක් පිළිබදවයි. මෙමගින් හානි වී ඇති දණහිස ආශ්‍රිත කාටිලේජ හා කන්ඩරා නැවත ප්‍රතිනිර්මාණය කිරීම සිදු වෙනවා. ඒ විතරක් නෙවෙයි මෙහි ප්‍රතිපල ඔබට දින කිහිපයක් ඇතුලතම අත් විද ගන්නටත් හැකියාව තිබෙනවා.

මේ බෙහෙත සැකසීම සදහා අපි භාවිතා කරන්නේ ඇට වර්ගයක්. ඔබේ දණහිස් වේදනාව අනතුරක් නිසා ඇති ආබාධමය තත්වයක් නොවේ නම් මෙම ඇට වර්ගය මගින් දණහිස් වේදනාව නිට්ටාවටම සුව කර ගැනීමට හැකියාව තිබෙනවා. මේ සදහා අප යොදා ගන්නා ඇට වර්ගය වන්නේ තල ඇටයි. තල ඇට යනු කැල්සියම් බහුල ස්වාභාවික ආහාරයක්. පොතු හැර වියලා ගත් තල ඇට ග්‍රෑම් 100ක කැල්සියම් මිලි ග්‍රෑම් 1200 ක හා මැග්නීසියම් මිලි ග්‍රෑම් 500 ක පෝෂණීය අගයක් අඩංගුයි. ඔබ තල ඇට නිතිපතා ඔබේ ආහාර වේලට එක් කර ගත්තොත් ඔස්ටියෝපොරෝසිස් වැනි රෝග ඔබට කිසිදා වැළදෙන්නේ නෑ.

දණහිස් වේදනා සුවපත් කරන බෙහෙත් වට්ටෝරුව සදහා අවශ්‍ය ද්‍රව්‍ය – තල ඇට මේස හැඳි 4 වට්ටක්කා ඇට ග්‍රෑම් 40 රසයෙන් තොර ජෙලටින් මේස හැඳි 2 වියලි මිදී මේස හැඳි 3 හණ ඇට මේස හැඳි 8 මී පැණි ග්‍රෑම් 200

හොදින් සෝදා පොතු හර ගත් තල ඇට සමගින් අනෙකුත් සියලුම අමුද්‍රව්‍ය අවශ්‍ය ප්‍රමාණයෙන් සපයා ගෙන බ්ලෙන්ඩරයක් ආධාරයෙන් හොදින් අඹරා ගන්න. දැන් මුඩිය හොදින් වැසිය හැකි හිස් ජෑම් බෝතලයක් ගෙන මිශ්‍රනය ගබඩා කර තබන්න. දිනකට දෙවරක් (උදය හා දහවල ආහාරයට පෙර ) මෙම මිශ්‍රණයෙන් මේස හැන්දක ප්‍රමාණය බැගින් පාරිබෝජනය කල යුතුයි.

මෙහි අඩංගු විශ්මිත ඖෂධිය පෝෂණ ගුණය නිසා දින කිහිපයක් ඇතුලත ඔබේ හානි වී ඇති දණහිස් කාටිලේජ හා කන්ඩරා නැවත ප්‍රති නිර්මාණය වීම ආරම්භ වෙනවා. ඉතාම කෙටි කලකින් ඔබට වේදනාවෙන් තොර නිරෝගී ජිවිතයක් පෙර සේම අත් විද ගන්නට ලැබේවි

දැන්ම මේ ශාඛ වර්ග ඔබේ නිවසෙත් හිටවන්න

ඉගුරු දුරු ඈ යුතු මල්ගොමු හා වවා වතු….කාව්‍යශේඛරය රචනා කරන ලද තොටගමුවේ ශ්‍රී රාහුල හිමියන් කාන්තාවකගේ භූමිකාව ගැන එදා සඳහන් කළේ ඒ විදිහටයි. ඒත් අද අපේ ගෙවත්තෙන් මල් ගොමු නොදැනීම ඈත් වෙලා. මේ අතර පසුගිය දිනක අන්තර්ජාලයේ සදහන්ව තිබන අන්දමින් මදුරුවන් විකර්ශනය කරන මේ මල් වර්ග ඔබේ ගෙවත්තේ වගා කර ගත්තොත් අද අපිට බැට දෙන ඩෙංගු මදුරුවාගෙන් නිදහස් වෙන්න පුලුවනි. අද මදුරුවාගෙන් තිබෙන උවදුර දෙපිට කැපෙන ආයුධයකට සමානයි. මදුරු විකර්ශන විදිහට භාවිතා වෙන බොහෝ දේ තවත් පැත්තකින් ශ්වසන ආබාධ ඇති කරනවා. ඒ නිසාම මේ දෙපැත්ත තුලනය කර ගැනීම බොහොම අසීරු කටයුත්තක්. ඒ වුනත් ස්වබාවික මදුරු විකර්ශනයන් විදිහට එබේ ගෙවත්තේ වගා කර ගත හැකි මෙම ශාඛ මගින් මදුරුවන්ගෙන් තොර කලාපයක් බවට ඔබේ නිවස සහ අවට පරිසරය නිර්මානය කර ගැනීම එතරම් අපහසු කටයුත්තක් නොවෙයි.

ලැවැන්ඩර් – මෙය ඉතා සුවඳ මල් වර්ගයක්. මල්පෝච්චියක වුනත් වගා කර ගත හැකි ලැවැන්ඩර් මල් පැලයක් දොර ජනේල අසලින් තබා ගැනීමටත් බාධාවක් නැහැ. ඊට හේතු කීපයක් තිබෙනවා.පැලය කුඩා නිසා ඉඩ ඉතිරියි. මෙයින් වහනය වෙන සුවඳ දරා ගැනීම පහසු වගේම ආසාත්මිකතාවයන් ඇති කරන්නේ නැහැ ඇතැම් මදුරු නාශක දියර වෙනුවෙන් මෙයින් නිස්සාරනය කරගත් රසායනයන් යොදා ගැනේ. රෝස්මරී – නිවසේ ඇතුලත වගේම ගෙවත්තේ වගා කර ගත් හැකියි. මෙහි පත්‍රිකා පුලුස්සන විට මදුරුවන් විකර්ශනය වෙන බව දැන් හඳුනාගෙන තිබෙනවා.

මදුරුතලා – ඉස්සරකාලයේ මදුරුවන් පලවා හැරීමට යොදා ගත් මදුරුතලා ශාඛ දැන් දකින්නවත් ලැබෙන්නේ නැහැ. කිසිම චෝදනාවක් නැති මෙම ස්වභාවික ශාඛ නිසා අතීතයේදී අද වගේ මදුරු වසංගතවලින් සමාජය පීඩාවට පත් වුනේ නැහැ. මෙය ඉංග්‍රිසියෙන් හදුන්වන්නේ ” හෝලි බැසිල් ” එහෙම නැත්නම් ” සේක්‍රඩ් බැසිල් ” යන නමිනුයි. ඒ තරමටම පූජණීයත්වයක් මේ ශාඛයට ලැබුනා. මෙම ශාඛ පත්‍ර ඉස්සර හැන්දෑවට හැම ගෙදරකම තැන තැන විසුරුවා තැබුවා. එයින් නික්මෙන සුවඳට මදුරුවන් ගෙට ආවේ නැහැ. ආයුර්වේදයේදී කෘමි දෂ්ටනයන්ට ප්‍රතිකා රවෙනුවෙන් මදුරුතලා යොදා ගන්නවා.

බැසිල් – බටහිර රටවල ආහාර රස කාරකයක් ලෙස යොදා ගන්නා මෙම ශාඛයත් මදුරුවන්ගේ විකර්ශනය ඇති කරන පැලෑටියක්. පත්‍රිකා තැලීමක්වත් අවශ්‍ය නැති තරමටම මදුරුවන්ගේ පලවා හැරීම ඉතාම පහසුවෙන් කළ හැකි ශාඛයක්.

සුදුලූණු – ඉස්සර කාලයේ සුදුලූණු පොතු හැම නිවසකම වාගේ ආරක්ෂිතව තබා ගත්තේ සර්පයෙක් ගෙට ඇදුන වේලාවට මේ පොතු පුලස්සන්න. එවිට සර්පයා නිවසේ නොසිට පිටතට ඇදී යන බව අත්දැකීමෙන්ම ඔවුන් දැන සිටියා. සුදුළූණු වගා කරන විට එම ප්‍රදේශ ආශ්‍රිතව මදුරු ගහනය අඩු බව බටහිර පර්යේෂකයන් විසින් දැන් හඳුනාගෙන තිබෙනවා.

කුප්පමේණිය – අපි දන්නේ බළලුන්ගේ ශාඛයක් විදිහට වුනත් මදුරුවන්ගේ පලවා හැරීමට හැකියාව ඇති ශාඛයක්. මෙහි අන්තර්ගත ” නෙපෙටැලක්ටොන් ” නැමැති ස්වභාවික රසායනය මදුරුවන් පලවා හැරීමේ හැකියාවෙන් යුක්ත බව දැන් පිලිගෙන තිබෙනවා. බටහිර රටවල මදුරු දෂ්ටන තුවාලවලට මෙම ශාඛ පත්‍ර තලා ආලේප කරනවා. ජෙරනියම් – ලෙමන් සුවඳ වහනය වෙන ගෙරනියම් මදුරුවන් ගේ විකර්ශනය ඇති කරන පැලෑටියක්. පැඟිරි ශාඛයට සමාන මෙහෙයක් මදුරුවන් මුල් කර ගෙන මෙම ශාඛයෙන් සිදු වෙනවා.

මින්චි – කුඩා ඉඩක වගා කළ හැකි මින්චි ආහාර රසකාරකයක් විදිහට අපට හොදින් හුරු පුරුදුයි.අද අපි මින්චි ගැන කතා කරන්නේ මදුරු විකර්ශන හැකියාවෙන් යුක්ත ශාඛයක් හෙවත් පුංචි පැලෑටියකින් සිදු වෙන ලොකු මෙහෙයක් වැනි වටිනාකමකිනුයි. මෙයින් නිස්සාරනය කර ගන්නා තෙල් සිරුරේ ආලේප කළ විට මදුරුවන් දෂ්ට කිරීම වැලකෙනවා. මින්චි කොල ටිකක් පොඩි කළ විට වාතයට එක් වෙන සුගන්ධය නිසා මදුරුවන්ගෙන් තොර කලාප නිර්මානය කර ගැනීමට පුලුවන්. වැනිලා – හොඳින් වියලාගත් වැනිලා පත්‍රයක් නිවසේ එල්ලා තබන්න. එවිට මදුරුවන්ට මෙම නිවස තහංචියි. කරාබුනැටි හා දෙහි – දෙහි බෑයක් කපා එම පලුවක කරාබු නැටි ඔබා තබන්න.

පෙනිරෝයල් – මින්චි කුලයට අයත් පෙනිරෝයල් මල්පෝච්චියක වුනත් සිටුවා ගත හැකියි. ඔබට අවශ්‍ය නම් නාන කාමරයක වුනත් තබා ගැනීමට බාධාවක් නැහැ. මෙයින් වහනය වන සුවඳට මදුරුවන් මියැදෙන බව දැන් තහවුරුව තිබෙනවා.

දාස්පෙතියා – ඉස්සර කාලයේ හැම‍ගෙවත්කම දාස්පෙතියා ගොන්නක් තිබුනා. ඉතාම පහසුවෙන් වැවෙන , බෝවෙන වගේම එතරම් සාත්තු සප්පායම් අවශ්‍ය වුනේ නැහැ. ඒ අතරම දාස්පෙතියා මගින් මදුරුවන්ට තිබුන විකර්ශනය ඉතාම වැදගත්. මෙම ශාඛයේ අන්තර්ගත ” පයිරෙක්‍රම් ” මදුරුවන්ට විකර්ශනය ඇති කරනවා. මදුරුවන් වගේම වෙනත් කෘමින් විකර්ශනයට දාස්පෙතියා යොදා ගත හැකියි.

සේර – පැලයේ ගොබ වතුර එක් රැස් කරන නිසා ඩෙංගු මදුරු තවාන් ඇති කරනවාය යන චෝදනාව නිසා බොහෝ දෙනා සේර ගස් සහමුලින්ම කපා දැම්මා. මෙහි ” සිබ්‍රනෙල්ලා ” සංයෝග අන්තර්ගත නිසා මදුරුවන්ට විකර්ශනයක්. ස්වභාවික ආහාර රසකාරකයක් විදිහටත් භාවිතා කළ හැකියි. සේර ගොබයේ වතුර නොරඳන විදිහට නඩත්තු කිරීමට පුලුවන්.

උදරය ඉදිරියට නෙරා ඇවිත්ද

උදරය ඉදිරියට නෙරා යෑම බොහෝ දෙනෙකු පවතින ගැටලුකාරී තත්වයක් බව පැහැදිළි කරුණකි. මෙම තත්වය මග හැරීම සඳහා අනිවාර්‍යයෙන්ම ව්‍යායාම කිරීම අත්‍යවශ්‍ය කරුණක්. ව්‍යායාම වලට අමතරව මේ සදහා අනුගමනය කළ යුතු තවත් පුරුදු කිහිපයක් ගැන මෙම ලිපියෙන් අවධානය යොමු කරනවා.

1. දෙහි යුෂ වීදුරුවකින් දවස ආරම්භ කරන්න – ඉදිරියට නෙරා ආ උදරය අඩු කර ගැනීමට අනුගමනය කළ යුතු වැදගත්ම පියවරක් ලෙස මෙය හැදින්විය හැකිය. උණුවතුර වීදුරුවකට දෙහි යුෂ ස්වල්පයක් මිරිකාගෙන එයට ලුණු ටිකක් එක් කරගෙන පානය කළ යුතු අතර මෙය දිනපතා සිදු කිරීම මගින් ශරීරයේ පරිවෘත්තිය ක්‍රියාවන් වේගවත් වී අමතර මේදය දහනය වී ඉදිරියට නෙරා ආ උදරය ක්ෂය වී යනවා.

2. සුදු බත් ආහාරයෙන් වැලකෙන්න – සුදු සහල් වලින් තැනූ බත් වෙනුවට රතු සහල් වලින් තැනූ බත් හෝ ධාන්‍ය වර්ග ආහාරයට එකතු කර ගැනීම වඩාත් යෝග්‍ය වෙනවා.

3. සීනි සහිත ආහාරයන් පාලනය කරන්න – සීනි අධික ආහර සහ පැණි රස බීම මෙන්මඅධික තෙල් සහිත ආහාරයන් ලබා ගැනීමද අවම කළ යුතු වෙනවා. එයට හේතු වන්නේ එම ආහර මගින් උදරය වැනි ප්‍රදේශ තුළ අමතර මේදය ගබඩා කිරීම සිදු කරන නිසා ය.

4. හැකි පමණ ජලය පානය කරන්න – මෙලෙස හැකි පමණ ප්‍රමාණවත් තරම් ජලය පානය කළ විට අමතර මේදය පාලනය වීම මෙන්ම ශරීරයේ නිපදවෙන විශ ශරීරයෙන් බැහැර වී පරිවෘත්තිය වේගය ඉහළ යාමට ද හේතු වෙනවා.

5. අමු සුදු ළූණු අනුභවය කරන්න – පළමු පියවරෙන් සදහන් කළ දෙහි යුෂ පානය කිරීමට පෙරඅමු සුදු ළූණු ස්වල්පයක් හැපීමට හැකි නම් මෙම ක්‍රියාවලිය දෙගුණ කිරීමට එය හේතු වෙනවා. මෙමගින් ශරීරයේ රුධිර සංසරණය මෘදු සහ වඩාත් කාර්‍යක්ෂම වෙනවා.

6. මස් මාංශ අනුභවය හැකි පමණ අඩු කිරීම – අනවශ්‍ය මේදය දහනය කිරීමට නම් මස් මාංශ අනුභවය සැලකිය යුතු ලෙස අවම කළ යුතු ය. 7. දිනපතා එළවලු සහ පළතුරු අනුභවය කරන්න – මෙමගින් ශරීරය ප්‍රතිඔක්සිකාරක, කණිජ සහ විටමින් වලින් පරිපූර්ණ කෙරෙනවා.

8. කුළුබඩු යෙදූ සැර ආහර අනුභව කරන්න – කුරුදු, ඉගුරු සහ ගම්මිරිස් වැනි කුළුබඩු එකතු කළ ආහර අනුභවය මගින් රුධිරයේ ඉන්සියුලීන් මට්ටම වැඩි කර සීනි මට්ටම අඩු කිරීමට හේතු වෙනවා. ඔබට මෙම රෝග ලක්ෂණ තිඛෙනවාද? එහෙනම් පරිස්සම් වෙන්න.

ගැස්ට්‍රයිටීස් සුව කරන වැල්මී සහ අළු කෙසෙල්

අද කාලේ කවුරුත් ගෙවන කාර්යබහුල ජීවන රටාවත් එක්ක බොහෝ දෙනෙකුට හැදෙන රෝගයක් තමයි ගැස්ට්‍රයිටීස්. අපේ උදරයේ සහ සමහර විට පපුව, උගුර ආදී ප්‍රදේශවල දැවිල්ලකුත් එක්ක ඇති වෙන මේ රෝගයට හේතුව තමයි අපේ ආමාශයේ ආම්ලිකතාව ඉහළ යන එක. මේ ආම්ලිකතාව ස්වාභාවිකවම ඇති වෙලා තියෙන්නේ අපි ගන්නා ආහාර ජීර්ණය කිරීම සඳහායි. සාමාන්‍යයෙන් ආහාර ජීර්ණයත් එක්ක ආම්ලිකතාව අඩු වී ගිහින් නැවත ආහාර ගැනීමේදී එය ජීර්ණය කිරීම වෙනුවෙන් අලුතෙන් අම්ල ශ්‍රාවය වීම චක්‍රයක් වගේ සිදු වෙනවා. මේ ක්‍රියාවලියේ සංකූලතා මතු වෙලා අදාළ ආම්ලිකතාව නිසා ආමාශයට හානි සිදු වීම තමයි ගැස්ට්‍රයිටීස් උත්සන්න වෙන්න හේතු වෙන්නේ.

ගැස්ට්‍රයිටීස් නිසා ආමාශ බිත්තියේ තුවාල හට ගන්නවා. කාලයකට සැරයක් විවිධ හේතු නිසා ආමාශයේ ආම්ලිකතාව ඉහළ යාම නිසා සාමාන්‍යයෙන් කියන විදිහට බඩ පුරවා දැමීම කියන තත්වය ඇති වෙන්න පුළුවන්. කොහොම නමුත් කල් පවතින, නිතර ඇති වන ආම්ලිකතාව තමයි ගැස්ට්‍රයිටීස් විදිහට හඳුන්වන්නේ. තරමක් දුරට ජානමය සාධක නිසාත් කෙනෙකුට ගැස්ට්‍රයිටීස් ඇති වෙන්න ඉඩකඩක් තිබුණත් බොහෝ විට එයට හේතු වෙන්නේ අපේ ආහාර රටාවේ තියෙන අඩුපාඩු තමයි. ප්‍රධාන වශයෙන්ම නිසි වෙලාවට ආහාර නොගැනීම, කෙටි ආහාරවලින් ප්‍රධාන ආහාර වේල්වල අවශ්‍යතාව පුරවා ගැනීම සහ විශේෂයෙන්ම උදේ ආහාර වේල නොගැනීම ගැස්ට්‍රයිටීස්වලට ප්‍රධාන හේතුවක් වෙනවා. ඉතින් අද මේ ලිපියෙන් කතා කෙරෙන්නේ ඒ විදිහට හැදෙන ගැස්ට්‍රයිටීස් තත්ත්වය සුව කර ගන්න අපිට බොහොම පහසුවෙන් සොයා ගන්න පුළුවන් ශාක දෙකක් ගැනයි. ඒ තමයි වැල්මී සහ අළු කෙසෙල්.

මොනවද මේ වැල්මී? වැල්මී කියන නම අපි බොහෝ දෙනෙක් අහලා තියෙනවා වුණාට ඒ ගැන වැඩි දැනුමක් ඔබට නොතිබෙන්න පුළුවන්. වැල්මී කියන්නේ ගසක්ද වැලක්ද කියන එක තවමත් විවාදයට ලක් වෙන කරුණක්. සාමාන්‍යයෙන් පඳුරු ශාකයක් විදිහට හැඳින්වෙන වැල්මීවල විද්‍යාත්මක නාමය වෙන්නේ Glucyrrhiza glabra Linn. අඩි 4-5 ක් උසට වැවෙන වැල්මී ශාකය මැදපෙරදිග සහ ග්‍රීසිය ඇතුළු දකුණු යුරෝපීය රටවලට ආවේණිකයි. පසුකාලීනව ඉන්දියාවේ සහ පකිස්තානයේත් වැල්මී වගා කෙරුණත් සාමාන්‍යයෙන් තවමත් උසස්ම වැල්මී විදිහට සැලකෙන්නේ යුරෝපයේ හෝ මැදපෙරදිග සිට ආනයනය කෙරෙන වැල්මී වර්ගයි. ශ්‍රී ලංකාවේ වැල්මී වැවෙන්නේම නැති තරම්.

ආයුර්වේද වෙළඳසැලකින් වැල්මී ගන්න ගියොත් ලැබෙන්නේ අපේ කුඩා ඇඟිල්ල තරමේ දිගැටි මුල් වගේ ජාතියක්. පාටින් දුඹුරු පැහැයට හුරු වැල්මී විකිණීමේදී බොහෝ දුරට පිටත පොත්ත ඉවත් කරනවා. මේ මුලක් හපලා බැලුවොත් දැනෙන්නේ මිහිරි පැණි රසක්. මේ නිසා විවිධ ක්‍රමවලට සකසපු වැල්මී යුරෝපයේ බොහෝ ග්‍රාමීය ප්‍රදේශවල රසකැවිල්ලක් විදිහටත් පාවිච්චි වෙනවා. මිහිරි රසය වගේම කටේ දුර්ගන්ධය ඉවත් කරන්නත් වැල්මී හේතු වෙනවා.

කොහොම නමුත් වැල්මීවල වැදගත්ම ගුණය වෙන්නේ උදරය ආශ්‍රිත බොහෝ ආබාධ සුව කරන්න තියෙන හැකියාවයි. ගැස්ට්‍රයිටීස්, ආමාශයේ තුවාල, විෂබීජ ආසාදන, මළ බද්ධය වගේ ගැටළුවලට වැල්මී ඉතාම ගුණදායකයි. එළකිරි සමග වැල්මී මිශ්‍ර කරලා දිනපතා උදේට බීමට ගැනීමෙන් පහසුවෙන්ම ගැස්ට්‍රයිටීස් සමනය කරගන්න හැකියාව තියෙනවා. උදරයේ ආම්ලිකතාව සමනය කරන ආයුර්වේද වට්ටෝරු අති විශාල ප්‍රමාණයක වැල්මී අන්තර්ගත වෙන්නේ එහි පවතින අපූරු ගුණය නිසාමයි.

කවුරුත් දන්නා අළු කෙසෙල්. අළු කෙසෙල් ගැන නම් නොදන්නා කෙනෙක් ඉන්න අමාරුයි. සිරුරට සිසිල ගෙනෙන, ගුණදායක එළවලුවක් විදිහට අළු කෙසෙල් හඳුන්වන්න පුළුවන්. සාමාන්‍යයෙන් මිලෙන් අඩුම එළවළුවක් වගේම ආහාරමය තන්තු ප්‍රතිශතය ඉහළම ආහාරයක් විදිහටත් අළු කෙසෙල් සැලකෙනවා. සාමාන්‍යයෙන් පළතුරක් විදිහට ආහාරයට ගන්නා වෙනත් කෙසෙල් වර්ගවලට සමානව වැවෙන අළු කෙසෙල් ඉදෙන්නට පෙර තමයි එළවළුවක් විදිහට භාවිතයට ගැනෙන්නේ.

අළු කෙසෙල් කියන්නෙත් වැල්මී වගේම ආමාශයේ ගැටළු බොහොමයකට ඉතාම ගුණදායක ආහාරයක්. තාවකාලිකව ආම්ලිකතාව ඉහළ යාම නිසා ඇති වන බඩේ දැවිල්ල සමනය කරගන්න අළු කෙසෙල් මාළුව සහිතව ආහාර ගැනීම ඉතාම සුදුසුයි. ඒ වගේම අළු කෙසෙල් නිතර ආහාර වේලට එකතු කර ගැනීම දිගු කාලීනව ගැස්ට්‍රයිටීස් ඇති වීමෙන් වැළකී ඉන්නත් හොඳ උපකාරයක් වෙනවා. මීට අමතරව ඉතාම පහසුවෙන් ජීර්ණයට ලක් වන, අජීර්ණ වළක්වන ආහාරයක් විදිහටත් අළු කෙසෙල් ඉතාම ප්‍රසිද්ධයි. විශේෂයෙන්ම අර්ශස් රෝගයෙන් පීඩා විඳින අයටත් අළු කෙසෙල් ආහාරයට ගැනීමෙන් වේදනාව සහ රුධිර වහනය අවම කරගන්න හැකියාව තියෙනවා. බොහෝ විට අළු කෙසෙල් පොත්ත ඉවත් කර ව්‍යංජන විදිහට සකස් කර ගැනුණත් අළු කෙසෙල් ඇසුරෙන් පිළියෙළ කරගන්න පුළුවන් වෙනත් රසවත් ආහාර වට්ටෝරු බොහොමයි.

වැල්මී සහ අළු කෙසෙල්වල සාරය කැටි කර ගත් බරකා ගැස්ට්‍රිකෙයා ස්වාභාවික, ගුණදායක දේවල් බොහොමයක් තිබුණත් අද වැඩි දෙනා පහසුව වෙනුවෙන් හුරු වෙලා තියෙන්නේ ඉක්මන් විසඳුමක් දෙන දේවල්වලට. විශේෂයෙන්ම ගැස්ට්‍රයිටීස් තියෙන, නිතර බඩේ දැවිල්ල ඇති වන බොහෝ දෙනෙක් උදරයේ ආම්ලිකතාව ඉක්මණින් අවම කරන පෙති වර්ග තමන් ගාවම තියාගෙන ඉන්න එක පුරුද්දක් කරගෙන ඉන්නවා. කොහොම නමුත් විවිධ රසායනික භාෂ්මික සංයෝග අඩංගු මේ පෙතිවලින් ඒ වෙලාවට ඇති වෙන සහනයට එහා ගිය දෙයක් සිදු වෙන්නේ නැහැ.

ගැස්ට්‍රයිටීස් සහ බඩේ දැවිල්ල සුව කරගන්න ඉක්මන්, පහසු විසඳුමක් වගේම දීර්ඝකාලීනව රෝගය සුව කරගන්නත් උදව් වෙන නිෂ්පාදනයක් විදිහට බරකා නිවසින් ගෙන එන ගැස්ට්‍රිකෙයා සුවිශේෂී වන්නේ මේ නිසායි. අපි කලින් කතා කරපු වැල්මී සහ අළු කෙසෙල්වල සාරය අපේ සිරුරට ඉතාම ඉක්මනින් උරා ගන්න පුළුවන් විදිහට කළු දුරු කුඩුත් එක්ක මුසු කිරීමෙනුයි ගැස්ට්‍රිකෙයා සකස් කෙරෙන්නේ. ආයුර්වේද නිෂ්පාදනවලින් ලෝකය පුරාම ඉහළ පිළිගැනීමක් හිමි කරගෙන තියෙන බයෝ එක්ස්ට්‍රෑක්ට්ස් ආයතනයේ බරකා නිෂ්පාදන පෙළ විවිධ කෂාය, ගුලි වර්ග තැම්බීම වගේ අපහසුතා නිසා අපෙන් ඈත් වෙන ආයුර්වේද වට්ටෝරුවල පවතින ස්වභාවික ගුණය ගෙන එන්නට විශාල දායකත්වයක් ලබා දෙනවා.

අවශ්‍ය වෙලාවට පහසුවෙන්ම බොන්න පුළුවන් විදිහට සකස් කරලා තියෙන ගැස්ට්‍රිකෙයා කරල් දෙකක් ගැනීමෙන් බඩේ දැවිල්ලට ඉක්මන් විසඳුමක් ලබා ගන්න පුළුවන්. ඒ වගේම දිනපතා උදේට සවසට ගැස්ට්‍රිකෙයා කරලක් ගැනීමෙන් බඩේ ආම්ලිකතාව ඉහළ යන්නත්, ගැස්ට්‍රයිටීස් ඇති වෙන්නත් තියෙන ඉඩකඩත් අවම වෙනවා. සෞඛ්‍ය අමාත්‍යංශයේ, ආයුර්වේද දෙපාර්තමේන්තුවේ අනුමැතිය වගේම SLS, ISO 22000 ඇතුළු තත්ත්ව සහතික ගණනාවකින්ම පිදුම් ලබා තිබෙන බරකා නිෂ්පාදන පෙළේ ජනප්‍රියම නිෂ්පාදනයක් වන ගැස්ට්‍රිකෙයා ඔබටත්, ගැස්ට්‍රයිටීස් රෝගයෙන් පෙළෙන ඔබේ මිතුරන්ට, වැඩිහිටියන්ටත් ඉතා හොඳ විසඳුමක් වේවි. දිවයින පුරාම ඕනෑම ආයුර්වේද වෙළඳසැලකින් ගැස්ට්‍රිකෙයා මිලදී ගන්න හැකියාව තියෙනවා.