Home

ඩයනා කුමරියගේ රාජකීය මඟුල් මුදුවේ නිල් මැණික ගෙනගියේ රත්නපුරයෙන්?

මීට අවුරුදු තිස් අටකට පෙර ගෙවුණ 1981 ඔක්තෝබර් මාසයේ අග ඉතා වැදගත් දිනයක් විය. එංගලන්තයේ දෙවැනි එළිසබත් රැජන දෙවැනි වරට ලංකාවට පැමිණි දින කිහිපය විය. එය තවත් පැත්තකින් ශ්‍රී ලංකාවේ ‘මැණික්’ පිළිබඳ ඉතිහාසයේ නොමැකෙන සිහිවටන තැබූ අවස්ථාවක් ද වීම එකී වැදගත්කමයි. චාල්ස් කුමරු සමග අතිනත ගත් ඩයනා කුමරියට විවාහ ගිවිස ගන්නා අවස්ථාවේ පැලඳි මුදුවේ ඔබ්බවා තිබුණේ රත්නපුරේ මැණික් ව්‍යාපාරිකයෙකු පරිත්‍යාග කළ ‘නිල් මැණිකක්’ වීමත් බ්‍රිතාන්‍ය රාජකීය පවුලේ උරුමයක් ලෙස පසුව ඩයනා කුමරියගේ ලේළිය වූ කේට් කුමරියට උරුම වීම ද සමග මේ ‘නිල් මැණිකේ’ අගය තවතවත් ඉහළ ගියේය.

‘නිමල් පතිරණ’ යනු මැණික් ලෝකයේ නිතර කතාබහ කෙරුණ නාමයක් විය. ගුවන් ගමන් බලපත්‍ර අසූහතක් අවසන් වෙන තෙක් විදෙස් සංචාරය කළ ඔහු ජාත්‍යන්තර මැණික් වෙළෙන්දෙකු විය. කපා ඔපදමා තිබූ මේ ‘නිල් මැණික’ දෙවැනි එළිසබත් රැජනට පරිත්‍යාග කළේ ඔහුය. අදවෙන විට ඔහුගේ නාමය මැණික් ලෝකයේ කතා නොකරයි. ඒ බුදු දහමේ පැහැදිලි කරන ජීවන යථාර්ථය නිමල් පතිරණ මහතාට ද බලපෑ නිසාවෙන් විය යුතුය. මේ ලිපියේ අරමුණ නිමල් පතිරණ මහතාගේ ජීවිත කතාවට එබී බැලීම නොවන බව සිහිපත් කළ යුතුය.

‘මැණික් ලෝකය’ තුළ විවිධ සිදුවීම් බහුලය. වරදාන වරප්‍රසාද, සම්මාන, අගය කිරීම්, නැගී සිටීම්, වැටීම්, ධනවතුන් වීම, ධනවතුන් වී දූප්පතුන් වීම, යටිමඩි ගැහීම්, වංචා, හොරකම්, චණ්ඩිකම්, පරිත්‍යාග, වැනි සංසිද්ධින් බහුල වූ සැබැවින්ම අපූරු කථාවලින් පිරි ලෝකයකි.
දෙවැනි එළිසබත් රැජන අභිෂේක ලැබූ පසු දෙවැනි වරට ලංකාවට පැමිණියේ 1981 ඔක්තෝබර් 21 දිනය. එකල රාජ්‍ය පාලකයා වූයේ ජේ.ආර්. ජයවර්ධන ලංකාවේ පළමු විධායක ජනාධිපතිවරයායි.

1977 දී බලයට පත් එක්සත් ජාතික පක්‍ෂය මැණික් කර්මාන්තයේ නියැළි සාමාන්‍ය ජනයා වෙනුවෙන් නියාමක මැණික් පතල් ක්‍රමයක් ඇරඹුවේය. රජයේ ඉඩම්, ඇළදොළ ආශ්‍රිතව ඇති මැණික් සම්පත ගොඩ ගෙන රජයට ආදායම් ලබාගැනීම මේ නියාමක මැණික් පතල් ක්‍රමයේ අරමුණ විය. නියාමක මැණික් පතල්වල වැඩි කොටස් හිමිවූයේ මැණික් සංස්ථාවටය. (අද ජාතික මැණික් හා ස්වර්ණාභරණ අධිකාරිය එදා හැඳින්වූයේ මැණික් සංස්ථාව ලෙසිනි) නියාමක පතල්වල වැඩ කළ අයට කොටස් හිමි විය.
නියාමක පතල් ඇති ප්‍රදේශයේ අවට පදිංචි මැණික් පතල් වැඩ දන්නා අයට වැඩකිරීමේ අවස්ථාව හිමි විය. ඒ අයට වැටුප් හෝ දීමනා නොලැබුණ අතර හවුල් හිමි විය. මැණික් සංස්ථාවෙන් නිලධාරියෙක් හෝ දෙන්නෙක් මේ එක නියාමක මැණික් පතලක අධීක්‍ෂණ කටයුතු කළේය. හවුල්කාරයෝ වෙනත් පතල්වල මෙන් සෑම රාජකාරියක්ම කළ අතර පතල් මුර කළ යුතු අවස්ථාවල ඒ මුර කටයුතු ද කළහ.

මැණික් පතල් කර්මාන්තයේ දී කිසිවෙකුත් විශ්වාස නොකිරීම සාමන්‍ය සිරිතයි. හැමකෙනා දිහාම බලන්නේ යම් සැකයක් තබාගෙනය. මැණික් පතල්වලින් ලැබෙන වටිනා මැණික් ගල් හොරකම් කිරීමේ සිද්ධි අතිමහත්ය. පොලීසි ගානේ ගොස් නීතිය ක්‍රියාත්මක කිරීමක් මෙහිදී සිදුවෙන්නේ ඉතාම අඩුවෙනි.
මැණික් ගලක් හොරකම්කර ඇති බව සැලවුවොත් එය සොයා ගැනීමට විවිධ පිළියම් මැණික් ලෝකයේ පවතී. මේ ලිපියෙන් ඒ ගැන කතා කරන්නේ නැත. ගොඩ පතල් තට්ටු පතල් ආදී මේ සෑම මැණික් පතල් ක්‍ෂේත්‍රවල ‘ගල් හොරකම්’ කිරීමේ අවදානම තිබේ.
අපි මුලින් කතා කළ බ්‍රිතාන්‍ය රජ පවුලේ උරුමයක් බවට පත් වූ ලංකාවේ ‘නිල් මැණික’ ගැන එය පරිත්‍යාග කළ ව්‍යාපාරික නිමල් පතිරණ මහතා සඳහන් කර තිබුණේ එය රක්වාන පොතුපිටිය ප්‍රදේශයෙන් හමුවූ එකක් බවටයි.

බේබිසිඤ්ඤෝ නමැත්තෙකු ප්‍රධානව සිව් දෙනෙක් විසින් 1980 දී නිමල් පතිරණ මහතාගේ රත්නපුර නගරයේ බණ්ඩාරනායක මාවතේ කාර්යාලයට ගෙනා මැණිකක් බව ඔහු පවසා තිබුණි. මේ රළු නිල් මැණිකේ බර කැරට් 3250ක් ව තිබුණි. ඔහු එය මිලදී ගෙන තිබුණේ රුපියල් ලක්‍ෂ හතළිහකයට (මිලියන හතරකට) බව ද පතිරණ මහතා සඳහන් කර තිබුණි. මැණික ගෙනා අයගේ ලංසුව රුපියල් කෝටියක් විය. අසූව දශකයේ ලක්‍ෂ හතළිහක් යනු අද කෝටි ගණනකි.

නිමල් පතිරණ මහතා මේ නිල් මැණික ගැන එසේ කිව්වද, එය සත්‍ය කතාව නොවන බවට කියන පිරිසක් ද සිටිති. එළිසබත් රැජනට පිරිනැමූ ඒ නිල් මැණික නියාමක පතලකින් ‘හොරකම්’ කළ එකක් බවට එකල කටකතාවක් වරින් වර පැතිර ගියේය. ‘රාජකීය නිල් මැණික’ ගැන මොනවා හෝ කතාවක් මතුවෙද්දී මේ කට කතාවද අළුයට ගිනි සේ මතුවෙයි.

දශක හතරකට පමණ පෙරවූ මේ කටකතාව ද දැන් වියපත් ය. වත්මන් තරුණ පරපුර ඒ ගැන අවධානයක් යොමු නොකරයි. නමුත් එදා මේ කතාව ගැන අසා දැන සිටි වැඩිහිටියෝ තවමත් ඒ ගැන සිහි කරති.
මැණික් පතල්වල හම්බවෙන මැණික්ගල් හොරකම් කිරීම් ගැන මුලින් කීවෙමි. ‘රාජකීය නිල් මැණික’ ගැන ඇති නිමල් පතිරණ මහතා නොකියන කතාව සොයා බැලුවෙමි.

සිද්ධියේ කතානායකයෝ තවමත් ජීවතුන් අතර සිටිති. එදා පොලීසිය ද පැමිණ පරීක්‍ෂණ කළ මේ මැණික් ‘හොරකම’ ගැන ඊට සම්බන්‍ධ කිසිවෙකුත් ප්‍රසිද්ධියේ එය හෙළිදරව් කරන්නට අකමැතිය. කතාව දන්නා අයද නමින් කියන්නට අකමැතිය. හේතුවක් ද ඊට ඇත. මේ සිද්ධිය වූයේ හතළිස් වසරකට පෙරදීය. එදා සිද්ධිය වෙන වකවානුවේ නූපන් පිරිස් මේ පවුල්වල අද විවිධ සමාජ මට්ටම් නියෝජනය කරන බැවින් ඔවුන්ට ද යම් විදියක ‘හොර නාමයක්’ පටබැඳේවි යන බිය අනන්‍යතාව හෙළි නොකිරීමට හේතුවයි.
කිසිවෙකුට අපහාසයක් හෝ කිසිවෙකු අපහසුවට ලක් කිරීම හෝ මේ ලිපියේ අරමුණ නොවේ. හුදෙක් අතීත සිදුවීමක් සිහි කිරීම සහ ජනතාව තුළ පවතින ඒවා දැන ගැනීමේ රුචිකත්වයට යමක් එකතු කිරීම මෙහි අරමුණයි.

ඒ නිසා මෙහි පුද්ගල නම් කිසිවක් සඳහන් නොකිරීමට මම වගබලා ගතිමි.
රත්නපුර කොළඹ ප්‍රධාන පාරේ කුරුවිට රත්නපුර පාර හරහා අමුතාගොඩදී ගලා යන ‘අමුතාගොඩ මහ ඇළ’ කාරණා කිහිපයක් නිසා ප්‍රසිද්ධය.

ඉන් එකක් 1948 අප්‍රේල් මාසයේ වයිට් හවුස් නම් බ්‍රිතාන්‍ය ජාතික වතු කළමනාකාරවරයෙකු සේවක වැටුප් රැගෙන එද්දී කොල්ලකරුවන්ගේ වෙඩි ප්‍රහාරයට ලක් වූයේ ද ‘අමුතාගොඩ මහ ඇළ’ මතින් තිබූ පැරැණි පාලම උඩදීය. එකළ ප්‍රසිද්ධ කොල්ලකරුවෙකු වූ පානදුරේ ‘ලෑතර බාස්’ මේ වැරදුණ කොල්ලයේ නායකයා විය. මෙහිදී වයිට් හවුස් මහතා මිය ගියේය. එකළ වයිට් හවුස් කොල්ලය නමින් මේ සිදුවීම රටපුරා ප්‍රසිද්ධ විය.
අනික් කාරණය නම් දෙවැනි එළිසබත් මහ රැජිනට දුන් නිල් මැණික හමුවූයේ ද ‘අමුතාගොඩ මහ ඇළ’ මැද නියාමක මැණික් පතලකින් යන කතාවය. ඒ අසූව දශකයේ මුල දීය.

කොළඹ සිටි රත්නපුර දෙසට කුරුවිට, පණුකැරෑපිටිය පසුකර ඉදිරියට යනවිට දකුණු පැත්තේ හමුවන ශාක්‍යසිංහ සමාධි බුදුපිළිමය පිහිටා ඇත්තේ ද ‘අමුතාගොඩ මහ ඇළ’ අසල ය.

‘අවුරුද්ද හරියටම මතක නෑ. එතකොට යූඇන්පී ආණ්ඩුව තිබුණේ. නියාමක මැණික් පතල් කියලා සංස්ථාවේ මැදිහත්වීමෙන් ආණ්ඩුවේ ඉඩම්වල පතල් කැපුවා. දැන් ඔය ශාක්‍යසිංහ සමාධි බුදුපිළිමයට අඩි දෙසීයක් විතර කුරුවිට පැත්තට වෙන්න තියන පාලම ‘අමුතාගොඩ මහ ඇළ’ හරහා දාලා තියෙන්නේ. රත්නපුර පැත්තට යනකොට පාලමේ දකුණු පැත්තේ ඇළ මැද මේ කියන ආකාරයේ නියාමක පතල් දෙකක් තිබුණා. අමුතාගොඩ ගමේ සහ උතුරු ගලුකාගම කියන ගම් දෙකේ අය තමයි වැඩ කළේ.’
‘මේ පතල් තට්ටු පහක් විතර ගැඹුරයි. ඒ කියන්නේ අඩි දහයක් විතර ඇති. ඇළ දෙපැත්තේ කුඹුරු තිබුණේ. ඇළ පහළ දෙසට යද්දී වම් පැත්තේ තිබුණේ අමුතාගොඩ ගලකැපියාව දෙණිය කියන කුඹුරු ඉඩම. ඒක අක්කර දහයක් පහළොවක් විතර ලොකු ඉඩමක්. ගමේ කෙනෙකුට අයිතිවෙලා එයාගේ දුවගේ මංගල්ලෙට උකස් කරලා ආටිගල පරම්පරාවට සින්න වූ ඉඩමක්.’

‘දකුණු පැත්තේ තිබුණේ දබරේ ලියැද්ද කියන ඉඩම. ඒක හවුල් කුඹුරක්. ඒකට හැමදාමත් හවුල්කාරයෝ දබර කරගත්තා. මේ ඉඩම් දෙක මැද්දේ තමයි ඔය කියන නියාමක පතල් දෙක තිබුණේ. ඇළේ වතුර පාර වෙන පැත්තකින් හරවලා තට්ටු බැහැලා ඉල්ලම ගන්නවා. ගොඩදාපු ඉල්ලම ගරනකං පතලේ කපන හවුල්කාරයෝ මුර කරනවා.’
‘නියාමක පතල්වල හම්බවෙන මැණික් ගල් පුද්ගලිකව විකුණන්නේ නෑ. සංස්ථාවෙන් වෙන්දේසි ක්‍රමයට විකුණන්නේ. ඒ හින්දා මැණික් වෙළෙන්දන්ට කේවල් කරලා මැණික්ගල් ගන්න බැරිවුණා. මේ කියන එක නියාමක පතලක ගලක් හොරකම් කළ රාවයක් ගම පුරා පැතිර ගියා. පොලීසියෙනුත් වරින්වර පතලේ වැඩකරපු අය හොයාගෙන ආවා. ඒ අයව අරං ගිහිං දවස් ගණං රඳවාගෙන ප්‍රශ්න කළා.’ අමුතාගොඩ ගමේ වැඩිහිටියෙක් අතීත සිද්ධිය සිහිපත් කළේය.

වැඩිහිටියන් කියන පරිදි මේ කියන නියාමක පතලේ ලොකු බාසුන්නැගේ සහෝදරයෙක්. නිමල් පතිරණ මහතා ළඟ සේවය කර තිබේ. ගල හොරකම් කළ කෙනා ඔහුගේ සහාය මත නිල් මැණික නිමල් පතිරණ මහතාට විකුණා ඇත. මැණික් ගල හොරකම් කර තිබුණේ ලොකු බාසුන්නැහේ නම් නොවේ. පතලේම වෙනත් කෙනෙකි. ඔවුන් දෙදෙනාම තවම ජීවත් වෙති. එහෙත් මැණික් ගල සඳහා නියම වටිනාකම ඊට ලැබී නැති බව වැඩිහිටියන්ගේ විශ්වාසයයි. නියාමන පතලෙන් මැණික්ගල හොරකම් කළ බව කියන කෙනා අත ඒ කාලේ හැටියට වැඩිපුර මුදල් ගැවසීමත් මත ඔහු එය කරන්නට ඇති බව ගම්මු විශ්වාස කළ බවද අද වැඩිහිටියන් ව සිටින මේ සිද්ධිය දන්නා අයගේ අදහසයි.
‘ඒ දවස්වල පොලිසිය නිතර දෙවේලේ ඇවිල්ලා ඔය කියන නියාමක පතලේ අයගෙන් ප්‍රශ්න කළා. අවසානයේ දී හෙරකම් කළ බවට සැකකරන කෙනා පතලෙන් ඉවත් කළා. පස්සෙ එයත් නිමල් පතිරණ මහත්තයා ළඟ තමයි වැඩ කළේ.’ වැඩිහිටියා කීවේය.

මැණික් ව්‍යාපාරයේ දී මැණික් වෙළෙන්දන් විශ්වාසය රකින්නෝ බවට පතල්වල වැඩ කරන අය අතර දැඩි විශ්වාසයක් පවතී. පතලකින් ගලක් හොරකම් කරලා මැණික් මුදලාලි කෙනෙකුට දීලා මේක හොරකම් කළ ගලක්, විශ්වාසය රකින්න කිව්වොත් ඒ අකුරටම කෙරෙනවා.’
ගමේ වැඩිහිටියන් කියන්නේ නිමල් පතිරණ මහතා ද එදා මේ රහස අකුරටම දේව රහසක් ලෙස රැක්ක බවයි. ඔවුන් එයට උදාහරණ ද පෙන්වයි.
‘ඔය නිල් මැණික අරගත්ත නිමල් පතිරණ මුදලාලිට එදා රාත්‍රී හීනෙන් කෙනෙක් පෙනිල තියනවා. සමන් දේවාලේ පූජාවක් තියන තුරු මැණික කපන්න එපා, කියලා පෙනුන කෙනා කියලා තියනවා. ඊට පස්සේ සතියක් මස් මාංශවලින් වැළකිලා කිව්ව විදියට පූජාව තියලා තමයි මැණික් ගල කපලා තියෙන්නේ.
‘කපපු නිල් මැණිකේ සමහර කෑලි විකුණලා ලොකු ලාභයක් අරගෙන තියනවා. මේ සිද්ධියත් එක්ක අපි විශ්වාස කරන්නේ මේ කියන ගල රක්වානේ එකක් නෙවෙයි. මේ අමුතාගොඩ මහ ඇළේ මැද තිබිලා හමුවුණ නිල් මැණික කියලා.’ එම වැඩිහිටියා තවත් පැහැදිලි කළේය.

රැජින ලංකාවට පැමිණි අවස්ථාවේ ජනාධිපති මන්දිරයේ මැණික් ප්‍රදර්ශනයක් පවත්වා තිබේ. ඒ 1981 ඔක්තෝබර් මාසයේ 22 හෝ 23 යන දිනවලින් එකකය. ලංකාවේ වටිනා සහ දුර්ලභ මැණික් ගල් එහි ප්‍රදර්ශනයට තබා තිබී ඇත. ප්‍රදර්ශනය දිනයේ උදේ 10.30ට එළිසබත් රැජන ජනපති මන්දිරයට පැමිණ මේ මැණික් ප්‍රදර්ශනය නරඹා ඇත. එහිදී මේ නිල් මැණිකට ඇගේ හිත ඇදී ගොස් එය අතට ගෙන බලා නැවත සවස එන බව පවසා ආපසු ගොස් තිබේ. යළි සවස 04.30ට පමණ නැවත පැමිණ මේ නිල් මැණික අතට ගෙන පරීක්‍ෂාකර තිබේ.

ඒ අවස්ථාවේ ජේ.ආර්. ජයවර්ධන ජනාධිපතිතුමා නිමල් පතිරණ මහතා අමතමින් මේ නිල් මැණික රැජනට තෑගි කරන්න කැමති නැද්දැයි කළ විමසුමකින් පසු එය රැජිනට පරිත්‍යාග කර තිබේ. සැප්තැම්බර් මාසයේ මැණිකක් ලෙස නිල් මැණික හඳුන්වනු ලබයි. ජේ.ආර්. ජයවර්ධන ජනාධිපතිතුමාද උපන්නේ සැප්තැම්බර් මාසයේ නිසා තමන් උපන් මාසයට අයත් මැණිකක් රටට ආ රාජකීය දූතිකාවට පරිත්‍යාග ලෙස දෙන්නට ලැබීම ගැන ජයවර්ධන ජනාධිපතිවරයා සතුටු වෙන්නට ඇත.

රැජින ආපසු යන්නට පෙර ජේ.ආර්. ජයවර්ධන ජනාධිපතිතුමා එළිසබත් රැජන වෙනුවෙන් පැවැත්වූ රාත්‍රී භෝජන සංග්‍රහයට නිමල් පතිරණ මහතා ද අමුත්තෙකු ලෙස ආරාධනා ලැබ තිබුණි.

අජිත්ලාල් ශාන්තඋදය

බාර්ලි වල ඔබ නොදත් ගුණ

රෝගියකු බැලීමට යන විට මෝල්ට් අඩංගු කිරි පැකැට්ටුවක් රැගෙන යාම සිරිතක් වශයෙන් සිදු කෙරෙන්නක්. සමහරු මෝල්ට් රසැති කිරි පානයක රස බලන්නේත් රෝගී වූ විටයි. එය එපමණටම ඉස්තරම් සුවිශේෂී පානයක් ලෙස සලකනවා. බාර්ලි එවැනි පානයක ප‍්‍රධාන සංඝටකයයි. බාර්ලි අපට නැතිවම බැරි තවත් අවස්ථාවක් වන්නේ මුත‍්‍රා පිට කිරීමේ අපහසුතාවයක් ඇති වූ විටයි. එවිට බාර්ලි ඇට තැම්බූ ජලය පානයෙන් ඉක්මන් සහනයක් ලබා ගන්න පුළුවන්. බාර්ලිවලින් තැනූ සුප්, පාන්, ලාංකික අපට ආගන්තුක වුවත් බටහිර රටවල නම් ඒවා ජනප්‍රිය ආහාර පානයි. බොහෝ ධාන්‍ය වර්ග මෙන්ම බාර්ලි ද පෝෂණ ගුණයෙන් අනූනයි. ඉතා දුලබ පෝෂක ගණනාවක්ම බාර්ලි මගින් ලබා ගන්න පුළුවන්. කෙඳී, සිලේනියම්, පොස්පරස්, තඹ, මැංගනීස් ඒ අතරින් ප‍්‍රධානයි. කෙඳීවල පෝෂණය බාර්ලිවල අඩංගු කෙඳී අහිතකර කොලෙස්ටරෝල් අඩු කරනවා. බඩවැල් ආරක්ෂා කරනවා.

බඩවැල් පිළිකා, අර්ශස් වැනි රෝග තත්ත්ව අවම කර ගැනීමට බාර්ලි ආහාරයට ගන්නා අයට පුළුවන්. මහබඩ වැලෙහි ජීවත් වන හිතකර බැක්ටීරියාවලට බාර්ලිවල අඩංගු කෙඳී හොඳ ආහාරයක්. හිතකර බැක්ටීරියා නිපදවන මේද අම්ල මහ බඩවැලේ සෛලවලට කදිම ඉන්ධනයක්. මෙමගින් මහ බඩවැලේ නීරෝගී බව වර්ධනය වෙනවා. ප‍්‍රයෝජනවත් බැක්ටීරියා නිපදවන මේද අම්ල අක්මාවේ හා මාංසපේශින්වල සෛලවලට ඉන්ධනයක්. බාර්ලිවල කෙඳී මගින් නිපදවෙන තවත් අම්ල වර්ගක් සතුව අහිතකර කොලෙස්ටරෝල් අඩු කිරීමේ හැකියාවක් තිබෙනවා. මීට අමතරව බාර්ලිවල අඩංගු කෙඳී බීටා ග්ලූකන්වලින් ඉහළයි. බීටා ග්ලූකන් අහිතකර කොලෙස්ටරෝල් අඩු කිරීමට උපකාරී වන්නේ ඒවා මළ සමඟ පිට වන්නට සැලැස්වීමෙනි. සිරුරේ අධිකව අහිතකර කොලෙස්ටරෝල් අඩංගු ගැහැනු, පිරිමි සියලු දෙනාටම බාර්ලි මගින් අහිතකර කොලෙස්ටරෝල් මට්ටම අඩු කර ගන්න පුළුවන්. විවිධාකාරයෙන් අහිතකර කොලෙස්ටරෝල් අඩු කරන නිසා බාර්ලි හදවත් රෝගවලින් බේරා ගන්නා හොඳ ආරක්ෂකයෙක්. කෙඳීවලට අමතරව නියැසින් නම් බී විටමිනය ද මෙහි හොඳින් අඩංගුයි.

නියැසින් හදවතෙහි නීරෝගී බව සුරකිනවා. රුධිර කැටි ගැසීම වැළැක්වීටමේ ගුණයක් ද බාර්ලි සතුයි. බාර්ලි කෝප්පයකින් දෛනික නියැසින් අවශ්‍යතාවයෙන් 14.2% ක් සපුරා ගන්න පුළුවන්. ආර්තවහරණය සිදු වු කාන්තාවකට සොබා දහමින් දී ඇති අපූරු දායායක් බාර්ලි එසේ කියන්නේ සතියකට අඩු වශයෙන් හයවරක් වත් බාර්ලි ආහාරයට එක් කර ගැනීමෙන් අධික රුධිර පීඩනය, අධික කොලොස්ටරෝල් මට්ටම වැඩිවීමේ අවදානමින් මිදෙන්න පුළුවන් නිසයි. අනෙකුත් ධාන්‍ය හා බාර්ලි සතුව දියවැඩියා අවදානම අඩු කිරීමේ ගුණයක් ද පවතිනවා. පිත්තාශයේ ගල්වලට විසඳුමක් බාර්ලි වැනි අධික ලෙස කෙඳී අඩංගු ආහාරවලින් කාන්තාවන්ගේ පිත්තාශයේ ගල් ඇතිවීම වළක්වනවා. පර්යේෂණවලින් හෙළි වී ඇති අන්දමට ළමා වියේ හට ගන්නා ඇදුම රෝගයෙන් බාර්ලි හා මාළු කෑමෙන් ආරක්‍ෂා වීමට පුළුවන්. අධ්‍යයනයකින් හෙළි වී ඇත්තේ එම ආහාරවලට 50% ක් ඇදුම වැළදීමේ අවදාම අඩු කළ හැකි බවයි.

කෙඳී, සිලේනියම් සංයෝගය හොඳ ශරීර සෞඛ්‍යයකට බාර්ලි සතු කෙඳී, සිලේනියම් සංයෝගය ප‍්‍රබල ආධාරකයක්. බඩවැලේ පිළිකා කාරක ද්‍රව්‍ය ඉවත් කිරීමට බාර්ලිවල අඩංගු කෙඳී උපකාරී වෙනවා. පිසූ බාර්ලි කෝප්පයකින් සිලේනියම් 52% ක් ලබාගන්න පුළුවන්. බොහෝ දෙනකුට නොලැබී යන එහෙත් අත්‍යාවශ්‍ය පෝෂකයක් ලෙස සිලේනියම් හඳුන්වන්න පුළුවන්. සිරුරේ බොහොමයක් කි‍්‍රයාවන්ට සිලේනියම් නැතිවම බැහැ. තයිරොයිඩ් හෝර්මෝන පරිවෘත්තිය විස නාශක පද්ධති පතිශක්තිකරණ පද්ධතිය හොඳීන් ක්‍රියාත්මක වීමට සිලේනියම් අවශ්‍යයි. පිළිකා ඇති වීමේ බලය බිඳ දැමීමේ අපූරු හැකියාවක් සිලේනියම් සතුව තිබෙනවා. පිළිකා පමණක් නොව හදවත් රෝග ද, ඇදුම හා ආතරයිටීස් ද සිලේනියම් මගින් වළක්වනවා. සමහර එළවළු, පලතුරුවලට ද වඩා සෞඛයට හිතකර පෝෂක බාර්ලිවල අඩංගුයි. ෆයිටොනියුට්‍රියන්ට්ස් ඒ අතරින් ප‍්‍රධානයි. පියයුරු පිළිකා වැළැක්වීමේ හැකියාව බාර්ලි වැනි යහමින් කෙඳි අඩංගු ධාන්‍ය ගැනීමෙන් 52 % න් පියයුරු පිළිකා ඇති වීමේ අවදානමින් මිදෙන්න පුළුවන්.

ආතරයිටීස් රෝගීන්ට මෙහි අඩංගු තඹ නම් ක්ෂුද්‍ර පෝෂකය රුමැටොයිඩ් ආතරයිටීස් රෝගීන්ට සහනයක් ගෙන දෙනවා. පිසූ බාර්ලි කෝප්පයකින් දෛනික තඹ අවශ්‍යතාවයෙන් 32 % ක් සපුරා ගන්න පුළුවන්. සිරුරේ අලුත් වැඩියාව පොස්පරස් බාර්ලිවල යහමින් අඩංගු පෝෂකයක්, සෑම සෛලයක්ම ගොඩ නැගීමට, අස්ථි සෑදීමට පොස්පරස් අත්‍යාවශ්‍යයි. බාර්ලිවල නිජ බිම ඉතියෝපියාව හා අග්නිදිග ආසියාවයි. මිලදී ගැනීම තෙතමනයකින් යුතු බාර්ලි කිසි වටිකත් මිලදී ගනු එපා බාර්ලි ඇසිරිය යුත්තේ වාතය නොයන පරිදි වැසූ වීදුරු භාජනයකයි. උණුසුම් කාල ගුණයක් පවතින විට බාර්ලි ශීතකරණයේ තැන්පත් කරන්න. බාර්ලිවල අඩංගු පෝෂ්‍ය පදාර්ථ පිසූ බාර්ලි කෝප්පයක – කෙඳි, සිලේනියම්, තඹ, මැංගනීස්, පොස්පරස්, ජලය, සීනි, කාබෝහයිඩ්‍රේට්, මේදය අඩංගුව තිබෙනවා

අංක එකේ ශල්‍යවෛද්‍යවරයා

වර්තමානයේ ලොව සිටින සාර්ථකම අක්මා බද්ධ කිරීමේ විශේෂඥ ශල්‍ය වෛද්‍යවරයා වන්නේ මහාචාර්ය මොහොමඞ් රෙලා මහතාය. ඔහු ශ‍්‍රී ලංකාවේ අසල්වාසී රාජ්‍ය වන ඉන්දියාවේ තමිල්නාඩු ප‍්‍රාන්තයේ උපත ලද, ගිනස්වාර්තා තැබූ නූතන ශල්‍ය වෛද්‍ය විද්‍යාවේ පතාකයෙකි. ඔහු විසින් මෙතෙක් සිදුකර ඇති සජීවී අක්මා බද්ධ කිරීමේ ශල්‍ය කර්ම සංඛ්‍යාව පන්දහසකට ආසන්න වේ. පසුගියදා මොහු ශ‍්‍රී ලංකාවේ සංචාරයක නිරත වුයේ, මෙරට අක්මා රෝග සම්බන්ධයෙන් කටයුතු කරන වෛද්‍යවරුන්ගේ හමුවකට හා ඔහු විසින් දස වසරක් තුළ අක්මා බද්ධ සැත්කම කළ මෙරට රෝගීන්ගේ සැමරුම් උත්සවයකට සහභාගී වීම සඳහා ය. කොළඹ shangri -LA හෝටලයේ පැවති මෙම වෛද්‍ය හමුව ශ‍්‍රී ලංකාවේ සජීවී අක්මා බද්ධ කිරීමේ ශල්‍යකර්ම සඳහා වන උත්සහයේ පළමු ප‍්‍රවේශය ලෙස හඳුනා ගත හැකිය. මෙම වෛද්‍ය හමුවේදී මහාචාර්ය මොහොමඞ් රෙලා මහතා සමග ද කෙටි පිළිසඳරක නිරත විය. පහත දැක්වෙන්නේ එහිදී ඔහු විසින් දැක්වූ අදහස්ය. ඇත්තටම මම ශ‍්‍රී ලංකාවට පැමිණියේ කාරණා කිහිපයක් පදනම් කරගෙන. විශේෂයෙන්ම අද ලෝකයේ දක්ෂතම අක්මා බද්ධ කිරීමේ වෛද්‍ය කණ්ඩායම සිටින්නේ මා සමඟ. අපි උත්සහ කරනවා ලංකාවේ වෛද්‍යවරු සමග ශ‍්‍රී ලංකාව තුළ අලූත් වැඩසටහනක් ක‍්‍රියාත්මක කරන්න. ඒ කියන්නෙ ලංකාවේ අක්මා රෝග සඳහා ප‍්‍රතිකාර කරන වෛද්‍යවරු සමග දැනුම හා තාක්ෂණය හුවමාරු කරගැනීමට මම ඉන්දියාවේ තමිල්නාඩු ප‍්‍රාන්තයේ මයිලදුතිරිය, ප‍්‍රදේශයේ කිළිනූර් කියන අතිදුෂ්කර ගම්මානයේ ඉපදුනේ. චෙන්නායි බෙයන්ට් තියෝෆිකල් උසස් පාසලේ මූලික අධ්‍යාපනය හැදෑරුව. ඊට පසු stanly Medical university එකට ඇතුළත් වෙලා මූලික වෛද්‍ය විද්‍යා උපාධිය ලබා ගත්තා.

වැඩිදුරට අධ්‍යාපනය සඳහා මට 1985 වසරේ මහා බි‍්‍රතාන්‍යයට, යාමට අවස්ථාව උදාවෙනවා. ඒක මගේ ජීවිතයේ පරිවර්තනීය අවස්ථාවක්. බි‍්‍රතාන්‍යයේ එඩින්බරෝ විශ්වවිද්‍යාලයට ඇතුළත් වෙලා උපාධිය ලබා ගෙන, ලන්ඩනයේ කිංග්ස් කොලේජ් හොස්පිටල් රෝහලේ සේවය කළා. මගේ ජීවිතයේ හැරවුම් ලක්ෂය වන්නේ කිංග්ස් යුනිවර්සිටි කොලේජ් රෝහලේ සාමාජිකත්වය ලබා ගැනීම. එහිදී, පර්යේෂණ මට්ටමේ තිබුණ අක්මා බද්ධ කිරීමේ ශල්‍යකර්මය සඳහා මා නිරන්තරයෙන් සහභාගි වුණා. 1985, දී මම එංගලන්තයට යන විට, නැවත මව්බිමට එන්න අවශ්‍ය වෙයි කියල කොහෙත්ම හිතුවෙ නැහැ. අපි වගේ රටවල බොහෝ තරුණයින්ගේ හීනයක් තියෙනවා යුරෝපය හෝ බටහිර සමාජයට අවතීර්ණ වෙන්න. මටත් එදා ඒ වගේ හීනයක් තිබුණ. කිංග්ස් යුනිවර්සිටි එක කියන්නෙ අක්මා රෝග සම්බන්ධයෙන්, දිගින් දිගටම පර්යේෂණ පවත්වපු තැනක්. ඒ සෑම අවස්ථාවකටම මම සහභාගි වුණා. අවසානයේ දී අක්මා බද්ධ කිරීමේ ශල්‍යකර්මය සිදුකිරීමේ අති සංකීර්ණ ක‍්‍රියාවලිය මා වෙත පැවරුණ. ඒක හරි පුදුම සහගත සිද්ධියක්. යුරෝපය හා බටහිර වෛද්‍යවරු සමග මා වැඩ කළේ ගොඩාක් සතුටින්. ඒ හැමෝම මට සහාය වුණා. ඒ අය දැන ගත්ත, අක්මාව බද්ධ කිරීමේ රිදීමය, මගේ ඇෙඟ් තියෙන දෙයක් කියල. කොහොම වුණත් මම වසර 22ක් කිංග්ස් යුනිවර්සිටි කොලේජ් රෝහලේ වැඩ කළා. ඒ කාලය තුළ සජීවී අක්මා බද්ධ කිරීමේ ශල්‍යකර්ම හයදහසක් රෝහල තුළ සිදු කෙරිල තිබුණ. ඒ ශල්‍යකර්ම වලින් දෙදහසක් සිදුකළේ මමයි.

එහිදී මා දුටුවා මේ ශල්‍යකර්මය සඳහා පැමිණෙන රෝගීන්, මුහුණ දෙන අභියෝග. ප‍්‍රධාන වශයෙන් මුදල්, සාමාන්‍යයෙන් යුරෝපයේ හෝ බටහිර රටක, පිළිගත් රෝහලක අක්මා බද්ධ ශල්‍යකර්මයක් සිදුකිරීමට අඩුම තරමින් ඩොලර් ලක්ෂ තුනක්වත් අවශ්‍ය වෙනව. ඒක අපි වගේ රටක රෝගියෙකුට කෙසේවත් දරාගන්න බැහැ. සමහර රෝගීන් මරණය අභියස විශාල සිත් තැවුලකින් පසුවන අවස්ථා මගේ ඇස් දෙකට දැක්ක. මම සාමාන්‍ය පවුලකින් පැවත එන කෙනෙක් විදිහට මේව ගැන යළි යළිත් හිතන්න පටන් ගත්ත. බොහෝ අවස්ථාවලදී මම කල්පනා කළා, මගේ සේවය යුරෝපයට හෝ බටහිරට පමණක් සීමා වෙලා තිබෙන්නෙ ඇයි කියල. එවැනි සිතුවිලි අතරේ මම තීරණයක් ගන්නව, සුදු අධිරාජ්‍ය හැර දමා මව්බිමට එන්න. ඒ අනුව මම ඉන්දියාවට පැමිණීමට හිතුව, ඒකට හිත හදා ගැනීමට මට මහා පරිශ‍්‍රමයක් දරන්න වුණා. මොකද කිංග්ස් විශ්වවිද්‍යාලයේ මගේ සමකාලීන වෛද්‍යවරු දිගින් දිගටම කිව්වා ඔයා ඉන්දියාවට යන්න එපා, යුරෝපය තුළ තිබෙන ස්ථාවරය හොඳයි කියල. ඉන්දියාවේ අක්මා බද්ධ කිරීමේ ශල්‍යකර්මය මීට පෙර බොහෝ දෙනෙක් ආරම්භ කරන්න උත්සහ කළද ඒව අසාර්ථකයි කියල ඔවුන් කිව්වා. ඒ නිසා කිංග්ස් යුනිවර්සිටිය හැර දමා ඉන්දියාවට පැමිණීම නොකළ යුතු තීරණයක් බව පවසමින් ඔවුන් දිගින් දිගටම මාව අධෛර්යමත් කළා. මේ මේ නිසා මව්බිමට පැමිණීම ගැන මම දෙපාරක් හිතන්න පටන් ගත්ත. ඒ අනුව කිංග්ස් විශ්වවිද්‍යාලය මුළුමනින්ම අත්නොහැර ඉන්දියාවට පැමිණියා. දැනටමත් මම කිංග්ස් විශ්වවිද්‍යාලයේ අක්මා බද්ධ කිරීමේ ඒකකයේ මහාචාර්යවරයා ලෙස කටයුතු කරනවා.

මට අවශ්‍ය වුණේ සිරෝසිස් වැළඳීමෙන් මරණ මංචකයේ සිටින ජීවිත වලට යළි පණ දෙන්න. ඒක අද සාර්ථක වෙලා තියෙනවා. බොහෝ දෙනෙක් මගෙන් අහන ප‍්‍රශ්නයක් තමයි අක්මා බද්ධ කිරීමකින් පසුව රෝගියෙකුට මොන තරම් කාලයක් ජීවත් වීමට වරම් තියෙනවද කියල. ඒක සාධාරණ ප‍්‍රශ්න කිරීමක්, මොකද විශාල මුදලක් වැය කරල, ජීවිත අවදානම් අභියෝගයකට මුහුණ දීල, මේ අක්මාව බද්ධ කර මාස හයක් හෝ අවුරුද්දක් ජීවත් වෙලා ඵලක් නැහැ. 1997 දී, කිංග්ස් යුනිවර්සිටි කොලේජ් රෝහලේ මා විසින් අති සංකීර්ණ අක්මා බද්ධ කිරීමේ ශල්‍යකර්මයක් සිදුකළා. අයර්ලන්ත කුඩා දැරියක්, ඉපදිලා දින 5 ක්, වෙනව. අක්මාව මුළුමනින්ම වගේ විනාශ වෙලා තිබුණේ. පැය 25 කට අධික කාලයක් තුළ, සිදුකළ දීර්ඝ සජිවී අක්මා බද්ධ ශල්‍ය කර්මයෙන් පසුව, ඒ දැරිය ජීවත් කරන්න හැකිවුණා. අද ඇය අයර්ලන්තයේ නීතිඥ වරියක් ලෙස කටයුතු කරනවා. අක්මාව බද්ධ කිරීමෙන් පසුව ජීවත් වීමේ කාලය ගැන කිසිවෙක් මගෙන් විමසුවහොත් මම දෙන පිළිතුර ඒක සහ මේ වගේ අත්දැකීම් බොහෝ තියෙනවා. ඇත්තටම මේ සිද්ධිය ගිනස් වාර්තාවටත් ඇතුළත් කෙරුණා. ඉන්දියාවේ සජීවී අක්මාව බද්ධ කිරීමේ ශල්‍යකර්මය සඳහා කිසිදු අදහසක් නොතිබුණු මොහොතක තමා මම මේ ව්‍යායාමය ඉන්දියාව කේන්ද්‍ර කර ගෙන ආරම්භ කළේ. ඉන්දියාවේ දී මම රෝහල් කිහිපයක සේවය කළා.

ආසන්නතම රෝහල ලෙස ග්ලෝබල් රෝහලේ අක්මා බද්ධ ශල්‍යකර්මය විශාල වශයෙන් සිදු කළා. එතැන දී, මට හිතුනා මගේම, රෝහලක් ආරම්භ කරන්න, එතකොට තවත් මේ, ශල්‍යකර්මය සඳහා වැය වන, අධික මුදල් අවම කර ගන්න පුළුවන්, ඒක අද සිරෝසිස් රෝගීන්ට, මහත් පිටිවහලක් වෙලා තියෙනවා. ඒ අනුව 2018 වසරේ රෙලා ඉන්ස්ටිටිව්ට් ඇන්ඞ් මෙඩිකල් සෙන්ටර් රෝහල පටන් ගත්ත. අද මෙම රෝහල ලෝකයේ උසස්ම තාක්ෂණය භාවිතා කරන ආසියාවේ විශාලතම අවයව බද්ධ කිරීමේ රෝහල. අධි තාක්ෂණික ශල්‍යාගාර 14 ක්, ඇඳන් 130 කින්, සමන්විත දැඩි සත්කාර ඒකකයක්, අවයව බද්ධ රෝගීන් සඳහාම වෙන් වූ, රෝහල් කාමර 450 කින්, මෙය සමන්විතයි. එමෙන්ම සම්පූර්ණයෙන්ම, අක්මා බද්ධ කිරීමේ ශල්‍යකර්මය සඳහා, එංගලන්තයේ කිංග්ස් යුනිවර්සිටි කොලේජ් රෝහලේ පුහුණුවලත් විශේෂඥ වෛද්‍ය කණ්ඩායමක් කටයුතු කරනවා. වර්තමානයේ සජීවී අක්මා බද්ධ කිරීමේ ශල්‍යකර්මය සඳහා ලංකාවේ හෝ ඉන්දියාවේ, විතරක් නොවේ ආසියානු කලාපයේ කිසිවෙක් යුරෝපයට හෝ බටහිරට, යා යුතු නැහැ. යුරෝපයට හෝ බටහිර රටවලට, වඩා අපේ සේවය ඉහළ ගුණාත්මක තත්ත්වයක තියෙනවා.

මේ වන විට මා විසින් සජීවී අක්මා බද්ධ කිරීමේ ශල්‍යකර්ම 5000 කට, ආසන්නව සිදුකර තිබෙනවා. ලංකාවේ 100 කට වඩා පිරිසක් ඒ අතර වනවා. ඇත්තටම ලංකාවේ වෛද්‍යවරු මා සමග වසර දහයක පමණ කාලයක සිට කටයුතු කරනවා, මා විසින් සිදුකරන සජීවී අක්මා බද්ධ කිරීම් සිදුකළ රෝගීන්, වැඩිදුරටත් බලාගැනීම ලංකාවේ වෛද්‍යවරු විසින් සිදුකරනවා. මගේ අරමුණ වන්නේ මගේ වෛද්‍ය කණ්ඩායම සමඟ ලංකාවේ වෛද්‍යවරු සම්බන්ධ කරගන්න. ඒවගේම අපට හැකියාව තියෙනවා ශ‍්‍රී ලංකා රජය නිසි පදනමක් යටතේ අපට ආරාධනා කළහොත්, ලංකාවට පැමිණ සජිවී අක්මා බද්ධ කිරීමේ ශල්‍යකර්මය සිදුකරන්න. ඒක ලංකාවට හොඳ අවස්ථාක්. එවිට ඒ සඳහා යන අධික වියදම, සැලකිය යුතු ලෙස අඩුකරගන්න පුළුවන්. මම මේ යෝජනාව ශ‍්‍රී ලංකාවේ සෞඛ්‍ය ඇමැතිවරයාට පෙන්වා දුන්නා. මම හිතන්නෙ එතුමා ඒ ගැන හිතල බලාවි. අපි සූදානම් හැම මොහොතකම ශ‍්‍රී ලංකාවට උපරිම සහාය වෙන්න, ඒක තාක්ෂණය වෙන්න පුළුවන්, දැනුම අතින් වෙන්න පුළුවන්. ඒකට අපේ කණ්ඩායමට, නිසි සැලැස්මක් යටතේ නිල ආරාධනාවක් තිබිය යුතුයි.

අද සජීවී අක්මා බද්ධ කිරීමේ දී, ඊට පවුලේ සාමාජිකයෙක් ඉදිරිපත් වීම වැදගත්. ඒත් බොහෝ දෙනෙක් හිතනවා, අක්මාවෙන් කොටසක් ලබාදීම තුළින් ඒ දායකයාට කිසියම් හානියක් වෙයි කියල. ඒක මිත්‍යා මතයක්, මොකද අක්මාව කියන්නෙ, නැවත ලියලන අවයවයක්. සති තුනක් හතරක් ඇතුළත අක්මාව ලියලනවා. එම නිසා නිරෝගී පුද්ගලයකු, තමන්ගේ පවුලේ, අක්මාව බද්ධ කිරීමට අපේක්ෂාවෙන් සිටින සාමාජිකයකු සඳහා අක්මාවෙන් කොටසක් පරිත්‍යාග කිරීමට කිසි සේත්ම බියට පත් විය යුතු නැහැ. අනෙක් කාරණාව ඔහුගෙන්, හෝ ඇයගෙන්, අක්මාවේ කොටසක් ලබාගැනීමට පෙර, පූර්ණ පර්යේෂණ ක‍්‍රියාවලියකට භාජනය කෙරෙනවා. එම පර්යේෂණ (100%) සියයට සියයක්ම, ගුණාත්මක මට්ටමක තිබෙනවා නම් පමණයි, පරිත්‍යාග කරන්නාගේ අක්මාවෙන් කොටසක් ලබාගන්නෙ. ඔහු හෝ ඇය මාසයක් ඇතුළත සාමාන්‍ය තත්ත්වයකට පත්වෙනවා. මා විශේෂයෙන් කියන්න අවශ්‍යයි මේ විෂයේදී, ශ‍්‍රී ලංකාවේත් සිටිනවා දක්ෂ වෛද්‍යවරු, ඔවුන් ඉන්දියාවේ වෛද්‍යවරු වගේම දක්ෂයි. අනාගතයේදී, ඔවුන්ට අවකාශ ලැබේවි සජීවී අක්මා බද්ධ කිරීම පටන්ගන්න. මම ඒ සඳහා පූර්ණ සහය දෙනව, ඒක මගේ අසල්වැසි, රට වෙනුවෙන් කරන ගෞරවාන්විත හා ආදරණීය පරිත්‍යාගයක්.” සිසිර විජේසිංහ – දිවයින

මුහුදු වතුර මුහුදු ජීවින් බොන්නේ කොහොමද

ලෝකයේ විවිධ ස්වභාවික සංසිද්ධීන් පිළිබඳ අපට විවිධ ප‍්‍රශ්න මතු වෙනවා. සමහර අවස්ථාවල එම ප‍්‍රශ්න නිරාකරණය කරගැනීම පහසු වෙන්නේ නැහැ.ඒක එහෙම වෙන්නෙ කොහොමද, ඇයි මේක මෙහෙම වුණේ වැනි ප‍්‍රශ්නවලට විසඳුම් ලබාගැනීමට නම් පර්යේෂණ කරන්නටම සිදුවෙනවා. අපට නැඟෙන සමහර ප‍්‍රශ්න ඒ ඒ ක්ෂේත‍්‍රවල නිපුණත්වයක් ඇති අයට නැගුණොත් ඒ අය ඒ පිළිබඳ පර්යේෂණ කර විසඳුම් සොයාගන්නවා. ඇමෙරිකාවේ රෝඞ් අයිලන්ඞ් විශ්වවිද්‍යාලයේ සමුද්‍ර ජීව විද්‍යාඥයෙකු වූ රොබර්ට් කෙනී විසින් අපට කටටවත් ගන්නට බැරි ලූණු වතුර මුහුදු ජීවීන් මුළු ජීවිත කාලය පුරාම බොන්නෙ කොහොමද ?යන ප‍්‍රශ්නයට පිළිතුරු සොයා ගෙන තිබෙනවා. අපිට ලුණු මිශ‍්‍ර ජලය වැඩිපුර පානය කළහොත් ජල පිපාසය තව තවත් වැඩි වන බවට අත්දැකීමෙන් දන්නවා. එයට ප‍්‍රධාන හේතුව වන්නේ අප පානය කරන ලුණු මිශ‍්‍ර ජලයේ ඇති ලුණුවල සාන්ද්‍රණය අඩු කිරීම සඳහා සිරුරේ සෛල තුළින් පිරිසිදු ජලය වැඩි වැඩියෙන් අවශ්‍ය වීමයි. මේ නිසා අපේ සිරුරේ ද්‍රවමය පටක සහ සෛලවල ඇති ජලය වැඩි වැඩියෙන් අවශෝෂණය කරගනිමින් ලුණු සාන්ද්‍රණය අඩු කිරීම පරිවෘත්තීය ක‍්‍රියාවේදී සිදු වෙනවා. එහිදී සිදු වෙන්නේ පටක සහ සෛල ජලයෙන් විශූන වීමයි.

එනම් සෛලවල ඇති ජලය පිටතට ඇදී යාමයි. සෛල ජලයෙන් විශූන වීම නිසා අපට පිපාසයක් ඇතිවෙනවා. ඒ අයුරින් සාන්ද්‍රණය අඩු කර ගත් ලුණු අපේ මුත‍්‍රා සමඟ පිට වී යනවා. නමුත් මුහුදු ජීවීන්ගේ ක‍්‍රියාකාරිත්වය මෙයට වඩා බොහෝ සෙයින් වෙනස්. මුහුදු ජීවීන්ට මුහුදු ආහාර ගන්නා විට ඒ සමඟ විශාල ධාරිතාවකින් මුහුදු ජලය පෙවෙනවා. මුහුදු ජීවීන් කොපමණ මුහුදු ජලය පානය කළත් එහි ඇති ලුණු සාන්ද්‍රණය අඩු කරන්නට පිටතින් පිරිසිදු ජලය අවශ්‍ය වෙන්නෙ නැහැ. ඔවුන් මුත‍්‍රා සමඟ අධික ලුණු සාන්ද්‍රණයක් පිට කරනවා. ඔවුන්ගේ මුත‍්‍රා සමඟ ලුණු පිටවීම භූමියේ ජීවත්වන සතුන්ට වඩා අට ගුණයකින් පමණ වැඩි බවයි සමුද්‍ර ජීව විද්‍යාඥයන් පවසන්නේ. තල්මසුන්, ඩොල්ෆින් වැනි ජීවීන් අධික ලෙස මුහුදු ජලය පානය කරනවා. එසේම ඔවුන්ගේ වකුගඩු ප‍්‍රමාණයෙන් ඉතාම විශාලව හැඩ ගැසී තිබෙනවා. මෙම අති දැවැන්ත වකුගඩුවලට පිරිසිදු ජලය පාවිච්චි නොකර ලුණුවල සාන්ද්‍රණය අඩු කිරීමේ විශ්මිත හැකියාවක් තිබෙනවා. ඒ නිසා ඔවුන් කොපමණ ලුණු මිශ‍්‍ර වතුර බිව්වත් මිනිසාට වගේ එම සතුන්ට ප‍්‍රශ්නයක් ඇති වෙන්නේ නැහැ.

මිනිස් සිරුරෙන් ලවණ මිශ‍්‍ර ජලය පිටවන අවස්ථා කීපයක්ම තිබෙනවා. මුත‍්‍රා ලෙස පිටවීම හැරුණු කොට දහදිය ලෙසත් ප‍්‍රාශ්වාස වාතය ලෙසත් ශරීරයෙන් ලවණ මිශ‍්‍ර ජලය පිටවෙනවා. ප‍්‍රාශ්වාසයේ දී අප පිටකරන වාතයේ කාබන්ඩයොක්සයිඞ් අණු මෙන්ම ජල අණු ද තිබෙනවා. නමුත් මුහුදු ජීවීන් දහදිය ලෙස හෝ ප‍්‍රාශ්වාසයේ දි හෝ ලවණ මිශ‍්‍ර ජලය පිට කරන්නේ නැහැ. ඔවුන්ගේ සිරුරෙන් ලවණ මිශ‍්‍ර ජලය බැහැර වෙන්නේ මුත‍්‍රා විදිහට විතරයි.එසේ බැහැර වෙන මුත‍්‍රා සමග අධික ලුණු සාන්ද්‍රණයක් පිටවීම පුදුමයට කරුණක් නොවෙයි. සමහර මුහුදු ජීවීන් මුළු ජීවිත කාලය පුරාම ලුණු වතුර පානය කළත් සමහර මුහුදු ජීවීන් පිරිසිදු ජලය සොයාගෙන ධ‍්‍රැවීය ප‍්‍රදේශවලට පිහිනා යන අවස්ථාත් තිබෙනවා. ඔවුන් එසේ ධ‍්‍රැවීය ප‍්‍රදේශවලට ගියත් ඇත්ත වශයෙන්ම ධ‍්‍රැවීය ප‍්‍රදේශවල පිරිසිදු ජලය ඇත්තේ නැහැ. නමුත් එම ප‍්‍රදේශවල ඕනෑතරම් හිම මිදෙනවා. මෙම හිම ආහාරයට ගැනීමෙන් ලුණු රහිත පිරිසිදු ජලය ලබාගන්න පුළුවන්. මේ නිසා සීල් මත්ස්‍යයින් අවුරුද්දේ එක් කාලයකට ධ‍්‍රැවීය ප‍්‍රදේශවලට ගමන් කරනවා. නමුත් මේ ගමන ඉතාම දුෂ්කර ගමනක්. ඒ නිසා සීල් මසුන් හැරුණු විට බොහොමයක් මුහුදු ජීවීන්ට එය ඒ තරම් පහසු ගමනක් නෙවෙයි. නමුත් මේ ගමනේ දුෂ්කර බව නිසාම එසේ ගමන් ගන්නා මුහුදු ජීවීන්ට ධ‍්‍රැවීය ප‍්‍රදේශවලට ළං වන්නට මත්තෙන් ජීවිතයෙන් සමුගන්නට සිදුවීම හෝ ආපසු එන ගමනේ දී ජීවිතයෙන් සමුගන්නට සිදුවීම සාමාන්‍ය සංසිද්ධියක් බවට මේ වන විට පත්ව තිබෙනවා.

ආසියාවේ විශාලම මුඩුක්කුව

ඉන්දියාවේ මුම්බායි නුවර ‘ධරාවි’ පැල්පත් නිවාස නැරඹීමට ගිය සංචාරකයකු තම අත්දැකීම පිළිබව තැබූ සටහනක එසේ ලියා තිබුණි. එම සටහන අවසන් කර තිබුණේ මෙසේය. හැම කෙනෙක්‌ම මිත්‍රශීලියි. කිසිවකු හිඟමන් යදින්නේ නැත. ‘ධරාවි’ ආසියාවේ විශාලතම මුඩුක්‌කුවයි. ඉහත සටහන තැබූ සංචාරකයා ‘ධරාවි’ නැරඹීමට ලොව දසතින් පැමිණෙන දහස්‌ සංඛ්‍යාත සංචාරකයන් අතරින් එක්‌ අයකු පමණි. සංචාරක ව්‍යාපාරය තුළ මෙම නව නැඹුරුතාව විදහාපාන්න වන නමුත් දරිද්‍රතාවයේ සැබෑ තත්ත්වය සියැසින් දැකබලා ගැනීමට සංචාරකයෝ මුඩුක්‌කු කරා ඇදී එති. ‘ධරාවි’ මුඩුක්‌කු අතර වැටී ඇති පටු මාවත් ඔස්‌සේ සංචාරකයන් රැගෙන යැම සංවිධානය කරන එක්‌ සංචාරක වෙබ් අඩවියක සටහන් කර තිබුණේ මෙය ඉන්දියාවේ ජනප්‍රියම සංචාරක අත්දැකීම වන අතර ටාඡ් මහලටත් වඩා ජනප්‍රිය බවය. ඔවුන් එම සටහන තබා ඇත්තේ ට්‍රිප් ඇඩ්වයිසර් වෙබ් අඩවිය උපුටා දක්‌වමිනි. වැඩිම සංචාරකයන් පිරිසක්‌ එන්නේ එක්‌සත් ජනපදය, එක්‌සත් රාජධානිය සහ ඕස්ට්‍රේලියාවේ ක්‍රිෂ්ණා පූජාරි පවසයි. ඔහු විදෙස්‌ සංචාරකයන් සඳහා ගමන් සංවිධානය කරන සංචාරක සමාගමක්‌ පවත්වාගෙන යන්නෙකි.

‘ධරාවි’ මුඩුක්‌කු සංචාරය සඳහා මෙම සමාගම විශාල ප්‍රසිද්ධියක්‌ උසුලයි. මගේ සමාගමේ සම අයිතිකරු බ්‍රිතාන්‍ය ජාතිකයෙක්‌. අපි මුඩුක්‌කු සංචාර හඳුන්වා දෙමු කියල ඔහු මුලින්ම යෝජනා කළ විට මට තේරුම් ගන්න බැරි වුණා. මුඩුක්‌කුවක සංචාරකයන්ට බලන්න තියෙන්නේ මොනවද? කියල. පස්‌සේ මම තේරුම් ගත්ත එහි බලන්නත් ඉගෙන ගන්නත් බොහෝ දේ තියෙනවා කියලා. ක්‍රිෂ්ණා පැවසීය. ‘ධරාවි’ මුඩුක්‌කුව පැතිරී ඇත්තේ ‘මුම්බායි’ නුවර මධ්‍යයේ පවතින ඉහළ වටිනාකමක්‌ සහිත බිම් ප්‍රදේශයක්‌ මතය. එහි නිමක්‌ කොනක්‌ නොමැති පටු මං එමටය. පැල්පත් නිවාස පමණක්‌ නොව අනේක විධ වැඩපොළ ද රැසකි. දස ලක්‍ෂයකට ආසන්න මිනිස්‌ ගහනයක්‌ ඒ තුළ දිවි ගෙවති. වැසිකිළි සහ ජල කරාම ඇති බව සැබවි. නමුත් සනීපාරක්‍ෂාව ඉතා පහළ මට්‌ටමකය. වැසිකිළිවලින් පිටවන මළාපවහනය දොරකඩ අද්දරින් ගලා යන්නේ පටු මං දෙපසිනි. මේ පැල්පත්වාසීන් බොහෝ දෙනෙක්‌ මුඩුක්‌කුව තුළම සරුවට කුඩා ව්‍යාපාර කරගෙන යති. එම්බ්‍රොයිඩර් ඇඳුම් ආයිත්තම්, අපනයන තත්ත්වයේ සම් භාණ්‌ඩ, මැටි භාණ්‌ඩ, ප්ලාස්‌ටික්‌ භාණ්‌ඩ මේ මුඩුක්‌කු තුළ නිමැවෙයි. ඉන් ජනිත වන වාර්ෂික ආදායම ඩොලර් මිලියන 650 කට අධික බවට ඇස්‌තමේන්තු සාක්‍ෂි දරයි.

නමුත් මේ මුඩුක්‌කුව තුළ කසළ ශෝධකයෝ ද බොහෝ වෙති. මුම්බායි නගරය පිරිසිදු වන්නේ ඔවුන්ගේ දැතිනි. කම්කරුවන්, කුලී රථ රියෑදුරන් එමටය. මුම්බායි නුවර පැවැත්මට ඔවුන්ගෙන් වන සේවය අති මහත්ය. ඔවුහූ කිසිදා ඇගයීමකට ලක්‌ නොවෙති. විවේකයකින් තොරව ඔවුන්ගේ දෛනික දිවි පෙවෙත ඔහේ ගෙවී යයි. එවන් ජීවන වටපිටාවක්‌ සහිත මුඩුක්‌කුවක්‌ තුළ සංචාරකයකුට වැදගත් විය හැකි අත්දැකීම කුමක්‌ද? අතේ ඇති මුදල අනුව තෝරා ගත හැකි ‘පැකේජ’ වලින් සමන්විත මෙම මුඩුක්‌කු සංචාර ඉතා සංවිධානාත්මකය. අවැසි නම් වායු සමනය කළ ප්‍රවාහන පහසුකම් ද සැපයෙනු ඇත. “අගනා සංස්‌කෘතික හුවමාරුවක්‌” අත්විඳීම සඳහා මුඩුක්‌කු නිවාසයක්‌ තුළ ආහාර වේළක රස බැලීමේ අවස්‌ථාව ද ලබාගත හැකි සංචාරක ‘පැකේජ’ පවතී. ඇත්ත වශයෙන්ම මෙම මුඩුක්‌කු සංචාර බ්‍රසීලයේ සහ දකුණු අප්‍රිකාවේ කලක පටන් පවතින ව්‍යාපාරයකි. එම රටවලට සාපේක්‍ෂව ඉන්දියාවට මෙම සංචාරක පැතිකඩ පැමිණියේ මෑතකදීය. අනෙක්‌ සංචාරකයන් වගේම මමත් ‘ධරාවි’ බලන්න ගියේ මුඩුක්‌කු ජීවිතයේ සැබෑ තත්ත්වය ගැන වැඩි අවබෝධයක්‌ ලබාගන්න. ‘ධරාවි’ තුළ පැය හයක සංචාරයක්‌ කළ මෙලිසා ලිස්‌බෙට්‌ පැවසුවාය. ඇය එම සංචාරයට එක්‌වූයේ 2016 දීය. නමුත් එහිදී අසන්නට දකින්නට ලැබුණු දැ ඇයට ප්‍රශ්නකාරී විය. මුඩුක්‌කු කියන්නේ ප්‍රශ්නයක්‌ නැති දෙයක්‌ ලෙස ඉදිරිපත් කෙරුණා. දුප්පත්කම සාමාන්‍ය දෙයක්‌ නැත්නම් ස්‌වභාවික දෙයක්‌ ලෙස පෙන්නුම් කෙරුණා. ඇතැම් විට එය සත්‍යයට වඩා අලංකාරයට බර කොට හුවා දැක්‌වූවා” ඇය ප්‍රකාශ කළාය

KFC චිකන්,පීසා හදාගන්න මෙන්න රෙසිපිය

KFC, Pizza Hut කිව්වම ඉතින් අපේ කට්ටියගෙ රස නහර පිනා යනවනෙ. වීක් එන්ඩ් එකේ වෙනසකටත් එක්ක කෑමක් කන්න යන හිතෙන්නෙ ඔය වගේ තැනකටනෙ. කන ගමන් නිකමට හිතුවද මේ කෑම වර්ග අපිට ගෙදරදිම හදාගන්න තිබ්බ නම් කියල? හිතෙන්න ඇති නේද? රසට, වෙනසකට කෑවට ඕක පොකට් එකට දැනෙන ගාණක්නෙ. අද අපි මේ අරන් ආවෙ ගෙදරදීම KFC, Pizza Hut වල තියෙන රස කෑම වර්ග කීපයක් හදාගන්න හැටි ගැනයි. හැබැයි මේ තැන් වල මේ ඩිශස් හදන්නෙ මේ විදියටම නම් නෙවෙයි. මේ උත්සහය ඒ ඩිශස් වල රසයට සමානව ගෙදරදීම පහසුවෙන් සහ වියදම අඩුවෙන් හදාගන්න රෙසිපි කියල දෙන්නයි.

1. KFC චිකන් අවශ්‍ය ද්‍රව්‍ය – සීසනින් එකට අවශ්‍ය ද්‍රව්‍ය, කටු ඉවත් කරගත් චිකන් බ්‍රෙස්ට් එකක්, සෝයා සෝස් මේස හැන්දක්, ලුණු තේ හැඳි 3/4, සීනි තේ හැන්දක්, වතුර – බැටර් එකට අවශ්‍ය ද්‍රව්‍ය, පාන් පිටි කප් 2, කහ තේ හැඳි 1/4, මිරිස් කුඩු තේ හැඳි 2, ගම්මිරිස් කුඩු තේ හැඳි 1 1/2, ලුණු තේ හැඳි 1,චිකන් ස්ටොක් පව්ඩර් තේ හැඳි 1,ගාලික් පව්ඩර් තේ හැඳි 1,අනියන් පව්ඩර් තේ හැඳි 1,තරමක් කෑලි හිටින්න කුඩු කරගත් ඕට්ස් ටිකක්, බිත්තරයක් (ගාලික් පවුඩර් වෙනුවට හොඳින් කෑලි නොහිටින්න තලාගත් සුදුළූණුත්, චිකන් ස්ටොක් සහ අනියන් පවුඩර් වෙනුවට චිකන් සුප් කැටයකුත් ගන්න පුළුවන්.)

චිකන් එක වැහෙන තරම් වතුර ප්‍රමාණෙකට සෝයා සෝස්, ලුණු, සීනි කලවම් කරගෙන චිකන් බ්‍රෙස්ට් එක සෝදල ඒ වතුර එකට දාන්න. ලන්ච් ශීට් එකකින් කවර් කරල අවම පැය දෙකක් හෝ උපරිම රැයක් ශීතකරණයේ තියාගන්න. බිත්තරය හැර බැටර් එකට අවශ්‍ය ද්‍රව්‍ය ටික සේරම එකට මිශ්‍ර කරගන්න. මේකට වතුර එක් නොකර වියලි පිටි මිශ්‍රණයක් විදියට හදාගන්න. සීසන් කරගත්ත චිකන් එක අරගෙන පිරිසිදු රෙද්දකින් හරි කිචන් ටවල් එකකින් හරි තෙත ගතිය පිහිදන්න. කැමති විදියකට කපාගෙන චිකන් කෑලි ටික පිටි මිශ්‍රණයේ එක පාරක් දවට ගන්න. බිත්තරය පොඩ්ඩක් බීට් කරල පිටි තවර ගත්තු චිකන් බිත්තර වල දවට ගෙන ආපහු පිටි මිශ්‍රණ​යට දාගන්න. වැඩි පුර පිටි ගසල රන්වන් පාට වෙනකම් බැදගන්න.

2. චොකලට් ලාවා කේක් අවශ්‍ය ද්‍රව්‍ය – කුකින් චොකලට් 100g, බටර් 100g, කුඩු කරගත් සීනි 50g කොකෝවා පව්ඩර් තේ හැඳි 1 1/2
බිත්තර 2 ලුණු පින්ච් එකක් පිටි කප් 40g, කුකින් චොකලට් ස​හ බටර් භාජනේකට දාගෙන ඩබල් බොයිල් කරන ගමන් හෑන්ඩ් විස්ක් එකකින් මික්ස් කරගන්න. චොකලට් හොඳින් දිය වුනාම ඒකට කොකෝවා පව්ඩර්, සීනි එකතු කරල සීනි දිය වෙනකම් හොඳින් විස්ක් කරගන්න. ඊට පස්සෙ බිත්තර දෙක එකතු කරන් නැවත පොඩ්ඩක් වේගෙන් මික්ස් කරන්න. ලුණු සහ පිටි ටිකත් එකතු කරන් හොඳටම මික්ස් කරගෙන හොඳින් බටර් තවර ගත්තු මෝල්ඩ් වලට දාගන්න. මේ සේරම මික්ස් කරන්නෙ ඩබල් බොයිල් කරන ගමන් මිසක ලිපේ තියල නම් නෙවෙයි. අවන් එක සෙල්සියස් 180ට ප්‍රීහීට් කරල ලාවා කේක් ටික දාලා විනාඩි 6-9ත් අතර වෙලාවක් බේක් කරගන්න. අවන් එකෙන් අවන් එකට උෂ්​ණත්වය වෙනස් නිසා විනාඩි 5ක් පැන්නම බලන් ඉඳලම අරගන්න. යන්තම් උඩ තෙත පෙනුනට නිවුනම හරි යනව ඒක. උණුවෙන්ම පිළිගන්වන්න.

3. මැකරෝනි චීස් – අවශ්‍ය ද්‍රව්‍ය – පාස්ටා හෝ මැකරෝනි පැකට් එකක් මොසරැල්ලා චීස් පොඩි පැකට් එකක් චීස් වෙජස් 8ක් ෆ්‍රෙශ් මිල්ක් 180ml පැකට් 2ක් ගොඩක්ම පොඩියට කපාගත්තු චිකන් බ්‍රෙස්ට් එකක් කෑලි නොහිටින්න තලාගත්තු සුදුළූණු බික් 5ක් බටර් මේස හැඳි 5ක්, තෙල් තේ හැන්දක්අළුතෙන් කුඩු කරගත්තු ගම්මිරිස් චුට්ටක් රස අනුව, ලුණු, චොප් කරගත් පාස්ලි උතුරන වතුරට ලුණු ටිකක්, තෙල් ටිකක් දාල ඒකට පාස්ටා ටික දාල විනාඩි 7ක් 8ක් තම්බ ගන්න. තැම්බුනාම වතුර පෙරල ඇල් වතුරෙන් සෝදල වතුර බේරෙන්න තියාගන්න. බටර් ටික තෙල් එක්ක රත් වෙන්න තියල ඒකට ලුණු ටිකක් අත ගා ගත්තු චිකන් ටික දාගන්න. ඒකට සුදුළූණු එකතු කරන් අඩු ගින්දරේ චිකන් තැම්බෙනකම් කලවම් කර කර තෙම්පරාදු කරගන්න. වෙනම භාජනේකට කිරි ටික දාගන්න. ඒකට චීස් වෙජස් ටික දාල චීස් ටික දිය වෙනකම් සාමාන්‍ය ගින්දරේ දිගටම හැඳි ගාන ගමන් තියාගන්න. චීස් ටික දිය උනාම කිරි ටික අර චිකන් එකට දාල කලවම් කරගන්න. රස බලල ලුණු දාගන්න. තම්බගත්තු පාස්ටා ටික බටර් ගාපු බේකින් ට්‍රේ එකකට දාගෙන ඒකට උඩින් හදාගත්තු චිකන් වයිට් සෝස් එක දාගන්න. උඩින් ගම්මිරිස් කුඩු, පාස්ලි ඉහගන්න. මොසරැල්ලා පොඩියට කපල උඩින් දාගෙන සෙල්සියස් 180ට ප්‍රීහීට් කරපු අවන් එකක විනාඩි 15ක් බේක් කරගන්න.

4. ලසඥ්ඥා – අවශ්‍ය ද්‍රව්‍ය – ලසඥ්ඥා ශීට් පැකට් එකක්, අඹරාගත් මස් කප් 3 චොප් කරගත් ළූණු ගෙඩියක් සුදුළූණු බික් 2ක් ටොමැටො පේස්ට් කප් 3 ටොමැටො සෝස් කප් 1/4 සීනි මේස හැඳි 1 1/2 ගම්මිරිස් රස අනුව මහදුරු කුඩු තේ හැඳි 1/4 වතුර කප් 1/2 ඔරිගානො කුඩු තේ හැඳි 1/4 මොසරැල්ල චීස් ලුණු රස අනුව ලසඥ්ඥා ශීට්ස් ටික පැකට්ටුවේ සඳහන් පරිදි තම්බා ගන්න. තෙල් ටිකක් රත් වෙන්න හැර ඒකට අඹරාගත් මස්, ලුණු ටිකක් එක් කර මදක් තෙම්පරාදු කරගන්න. එයටම ළූණු සහ සුදුළූණු එක් කර මිශ්‍ර කරගන්න. මොසරැල්ලා චීස් සහ ලසඥ්ඥා ශීට්ස් හැර ඉතිරි ද්‍රව්‍ය සියල්ලම තෙම්පරාදු කරගත් මස් එකට මිශ්‍ර කරගෙන හොඳින් කලවම් කර මද ගින්නේ උකු වනතුරු පිසෙන්න හරින්න. බේක් කරගත හැකි තැටියක අඩියට බටර් තවරා එයට උඩින් සාදාගත් මස් මිශ්‍රණයෙන් තට්ටුවක් දමාගන්න. එයට උඩින් ලසඥ්ඥා ශීට්ස් අතුරා නැවත මස් මිශ්‍රණය එක් කර එයට උඩින් ගාගත් මොසරැල්ලා චීස් අතුරා ගන්න. මේ විදියට තට්ටු කීපයක් දමාගෙන අවසානයට ලසඥ්ඥා ශීට් එක උඩට මොසරැල්ලා අතුරා සෙල්සියස් 180ට විනාඩි 15-20ක් බේක් කරගන්න.

5. පීසා මෝලියට අවශ්‍ය ද්‍රව්‍ය – පාන් පිටි 500g ඊස්ට් තේ හැඳි 1 සීනි තේ හැඳි 1 ලුණු තේ හැඳි 3/4 මද රස්නෙ වතුර 275ml හෝ 300ml (අත දාන්න පුළුවන් තරම් ලා රස්නෙන් ගන්න) ඔලිව් ඔයිල් මේස හැඳි 3 හෝ බටර් හවායන් පීසා ටොපින් එකට අවශ්‍ය ද්‍රව්‍ය මොසරැල්ලා චීස් පොඩියට කපාගත් අන්නසි පොඩියට කපාගත් මාළු මිරිස් පොඩියට කපාගත් චිකන් හැම් ටොමැටො පේස්ට් ඔරිගානො ලුණු ඔලිව් ඔයිල් ඊස්ට් ටික මද රස්නෙ වතුර වලින් ටිකක් දිය කරගෙන විනාඩි 10ක් පැත්තකින් තියාගන්න. පිටි වලට අනිත් ද්‍රව්‍ය මික්ස් කරන් කන්දක් විදියට හදන් මැද වලක් හාරල එකට අර ඊස්ට් දාපු වතුර සහ ඉතිරි වතුර ටික දගන්න. මුලින් 275ml දාගන්න. මදි උනොත් විතරක් තව 25ml දාගෙන සොෆ්ට් ඩෝ එකක් එනතුරු විනාඩි 10-15ක් පමණ විතර පිටි ​ඉස ගත්ත ලෑල්ලක අනාගන්න. මේ ඩෝ එක ලන්ච් ශීට් එකකින් වහල පැය 2ක් තියන්න. මේ ප්‍රමාණෙන් මීඩියම් පීසා 2ක් හදන්න පුළුවන්. පිටි තවරගත්ත රවුම් තැටියකට ඩෝ එකෙන් බාගයක් දාල වටේට පොඩි ගැට්ටක් හිටින විදියට තුනී කරගන්න. මේකට උඩින් ඔරිගානෝ මිශ්‍ර කරගත් ටොමැටො පේස්ට් එක තවරගෙන ඊට උඩින් මොසරැල්ලා චීස් අතුරා විනාඩි 10ක් සෙල්සියස් 170ට ප්‍රී හීට් කරගත් අවන් එකක විනාඩි 10ක් බේක් කරගන්න. අවන් එකෙන් එලියට අරගෙන ටොපින් එකට අවශ්‍ය ද්‍රව්‍ය ටික ලේයර් එකක් අතුරාගෙන ඊට උඩින් ඔලිව් ඔයිල් ටිකක් ඉසගෙන නැවත විනාඩි 10ක් බේක් කරගන්න. අවන් එකෙන් එලියට අරගෙන මොසරැල්ලා චීස් උඩින් අතුරා නැවත විනාඩි 6ක් පම​ණ බේක් කරගන්න.

මේ විදියට මාළු උයලා බලන්න

තෝර මළු පෙති 6ක්, ලොකු ළූණූ ගෙඩි 2ක්, අඹරාගත්ත තක්කාලි ගෙඩි 2ක්, තලාගත්ත සුදු ළූණූ බික් 6ක්, තලාගත්ත ඉගුරු කෑල්ලක් සියඹලා ඉස්ම තේ හැදි 1ක්, වතුර කෝප්ප 1/2ක්, ගම්මිරිස් ඇට තේ හැදි 1/2ක්, ලුණු පදමට, තුනපහ කුඩු තේ හැදි 2ක්, මිරිස් කුඩු තේ හැදි 3ක්, කහකුඩු තේ හැදි 1/2ක්, අබ ඇට තේ හැදි 1/2ක්, උළු හාල් තේ හැදි 1/4ක්, සූදුරු තේ හැදි 1/4ක්, අමු මිරිස් කරල් 2ක්, කරපිංචා ඉත්තක්, රම්පේ කොළ කෑල්ලක් ,තෙල් මේස හැදි 2ක්

මුලින්ම මාලු වලට මිරිස් කුඩු හැදි 2ක්, කහ ස්වල්පයක්, ලුණු පදමට දමා හොදින් අතගාගෙන විනාඩි 30ක් පමන තියන්න. ඒ අතර සුදු ළූණූ තලා ගද්දි ඒකටම ගම්මිරිසුත් දාගන්න. පසුව තෙල් රත්කරලා මාළු ටික දෙපැත්තම හොදින් රන්වන් පැහැවනතුරු බැදගන්න. ඒ සදහා non stick pan එකක් භාවිතාකරන්න. තෙල් මේස හැදි 2ක් ප්‍රමාණවත්.

මීලගට ඒ තෙල් වලටම අබ ඇට දාගෙන පුපුරන විට උළුහාල්, සූදුරු, ළූණූ, ඉගුරු, රම්පේ, කරපිංචා, අමු මිරිස් එකතු කර හොදින් තෙම්පරාදු කරගන්න. මද වේලාවකින් සුදු ළූණූ හා ඉතුරු වු සියළුම කුලුබඩු දමා කවලම් කරන්න. දැන් තක්කාලි සහ සියබලා ඉස්ම දාලා ආවරනය කරාලා විනාඩි 2ක් විතර තියලා වතුර දාන්න. පසුව හොදින් නටාගෙන එන විට මාළු දාලා මද ගින්නේ විනාඩි 10ක් විතර පිසගන්න.

කොලොස්ටරෝල් ඉවත් කරන ඔසු 6ක්

අපගේ ශරීරයේ රුධිරය ගෙන යන රුධිර නාලවල අනවශ්‍ය ලෙස මේද කොටස් තැන්පත් වීම නිසා රුධිර ගමනාගමනය අවහිර වීම ගැනයි අපි අද කතා කරන්නේ. මේ ආකාරයෙන් රුධිර වාහිනී අවහිර වීම නිසා ශරීරයේ සමහර අවයව වලට නිසි පරිදි ඔක්සිජන් සහ අනෙකුත් අත්‍යවශ්‍ය පෝෂ්‍ය කොටස් නොලැබී යනවා. එහි ප‍්‍රතිඵලයක් ලෙස එම අවයවවල ක‍්‍රියාකාරීත්වය අඩපණ වෙනවා. මේක දරුණු තත්වයක්. ඒ වගේම මේකට හේතුව මොකක්ද කියලා තවමත් හරියටම අනාවරණය කරගෙන නැහැ. කොහොම උනත් විශේෂඥයන් විස්වාස කරන්නේ රුධිර නාල වල අභ්‍යන්තර ස්තරයට සිදුවන හානියක් හෝ තුවාලයක් සමග තමයි මේක ආරම්භ වෙන්නේ කියල.

අධික දුම් පානය, අධික තෙල් සහිත ආහාර ගැනීම, ශාරීරික ව්‍යායාම අඩුකම, ස්ථුලතාවය, දියවැඩියාව, අධි රුධිර පීඩනය, කොලෙස්ටරෝල් යනාදී තත්වයන් මේ තත්වය තවදුරටත් නරක අතට හරවනවා. ආතරයිටීස්, දද වගේ දේවල් නිසාත් මේ තත්වය ඇති වෙන්න පුළුවන්. මේ විදියට රුධිර නාල අවහිර වීම නිසා කිරීටක ධමනියේ ආබාධ, ශ‍්‍රීර්ෂපෝෂී ධමනියේ ආබාධ (බෙල්ලේ ඇති ප‍්‍රධාන ලේ නහරය), හෘධයාබාධ, ආඝාත වැනි දරුණු රෝගී තත්වයන් ඇතිවෙන්න පුළුවන්.

ගොඩක් වෙලාවට, මේ තත්වය ඉතාමත් දරුණු මට්ටමට පත්වෙනකන් කිසිම රෝග ලක්ෂණයක් පිටතට පෙන්වන්නේ නැහැ. මෙහි රෝග ලක්ෂණ තමයි පපුවේ වේදනාව, කෙටි හුස්ම ගැනීම, හෘද ස්පන්දනය දුර්වල වීම, කරකැවිල්ල, කෑම අරුචිය වගේ දේවල්. මේ හැරුණම විවිධාකාරයේ වේදනාවන් ඇති වෙන්න පුළුවන්. කකුල්වල වේදනාව, උන, ශරීරයේ පැත්තක් හිරිවැටීම, අතක් හෝ කකුලක් සොලවන විට ඇතිවන වේදනාව, එක ඇසක පෙනීම අඩුවීම වගේ තත්වයන් ඇතිවෙන්නෙත් මෙහි ප‍්‍රතිපලයක් විදියට. ඉතින් අපේ සිරුරේ රුධිර නාල අවහිර වීම වර්ධනය වෙන්නේ බොහොම හිමින්. ඒ නිසා වරින් වර පරීක්ෂා කිරීම ඉතා වැදගත්. නවීන ඖෂධ සහ ස්වභාවික ප‍්‍රතිකර්ම වලින් මේ තත්වය පාලනය කරන්න පුළුවන්. අපි අද කියල දෙන්නේ රුධිර නාල අවහිරවීම පාලනය කරන ස්වභාවික ප‍්‍රතිකාර කිහිපයක් ගැන

1. සුදු ළූණු සුදු ළූණු කියන්නේ රුධිර නාල අවහිර වීම වැලැක්වීමට කියාපු බෙහෙතක්. ඒවා රුධිර නාල පුළුල් කර රුධිර සංසරණය ක‍්‍රමවත් කිරීමට මහගු දායකත්වයක් සපයනවා. සුදු ළූණු බික් තුනක් කිරි වීදුරුවකට දාලා උණු කරල නිවෙන්න තියල නින්දට යන්න කලින් බොන්න. මේක දිනපතාම කරන්න. මේ හැරුනම දිනපතා ඔයාගේ ආහාරයට සුදු ළූණු එකතු කරගන්න එක ඉතා හොදයි.

02. වියළි කහ අවහිර වුනු රුධිර නාලිකා පිරිසිදු කරන තවත් වැදගත් කුළුබඩු වර්ගයක් තමයි කහ කියන්නේ.උණුසුම් කිරි වීදුරුවකට කහ තේ හැන්දක් සහ මී පැණි පොඞ්ඩක් එකතු කරල දවසට දෙපාරක් බොන්න. ඊට අමතරව දිනපතා ඔයාගේ ආහාරයට කහ එකතු කරගන්න. 03. ලෙමන් ලෙමන් වල අඩංගු විටමින් ක්‍ නිසා රුධිර පීඩනය නිසි ලෙස පවත්වාගෙන යන්නත් රුධිර වාහිනී වල ආසාදනයන් ඇතිවීම අවම කරගන්නත් පුළුවන්. ඒ වගේම ලෙමන් වලට රුධිරයේ ඇති කොලොස්ටෝරෝල් ප‍්‍රමානය අවම කරන්නත් ධමනි පිරිසුදු කර රුධිර සන්සරණය ක‍්‍රමවත් කරන්නත් පුළුවන්. ගම්මිරිස් සහ මී පැණි ලෙමන් වීදුරුවකට එක් කර දිනකට වරක් හෝ දෙවරක් සති කිහිපයක් පානය කරන්න. ඔයාට අවශ්‍යනම් ලෙමන් ලෙලි ටිකක් අරගෙන වතුර කෝප්ප හතරකට දමා විනාඩි 20ක් පමණ තම්බා ගන්න. ඉන් පසුව එම වතුර ටික පෙරාගෙන මී පැණි ටිකක් එකතු කරගන්න. මෙයින් කෝප්පයක් දවසට තුන් වරක් හෝ හතරවරක් සති කිහිපයක් යනකම් පාවිච්චි කරන්න.

04. ඉගුරු ඉගුරු මගින් රුධිරවාහිනී වල මේද කොටස් තැන්පත්වීම අවම කරනවා වගේම ශරීරයේ කොලෙස්ටරෝල් ප‍්‍රමාණයත් අවම කරනවා. ගාගත් ඉගුරු තේ හැන්දක් දාල තේ එක හදන්න. ඉගුරු ටික හොඳින් පෙගෙනකන් විනාඩි පහක් විතර තියෙන්න හරින්න. ඊට පස්සේ එක පෙරලා අරන් මී පැණි පොඞ්ඩක් එකතු කරලා බොන්න ගන්න. හිස් බඩට ඉගුරු කෑල්ලක් කන එකත් හොඳයි. නමුත් ඔයාට ගැස්ට‍්‍රයිටීස් හෝ පිත්තාශයේ ආබාධ තියෙනවා නම් ඉගුරු ප‍්‍රතිකාර ඒ තරම් සුදුසු වෙන්නේ නැහැ.

05. උළුහාල් උළුහාල් තේ හැන්දක් වතුර වීදුරුවකට දාල පැයක් තියෙන්න හරින්න. ඊළග දවසේ උදේ මේ පෙගුණු උළුහාල් ඇට වතුර ටිකත් එක්කම ආහාරයට ගන්න. මතක තියාගන්න. මේක කරන්න ඕන හිස්බඩට තවත් ක‍්‍රමයක් තමයි උළුහාල් තේ හැන්දක් වතුර කෝප්පයකට දාල නටන තුරු උණු කරන්න. ඊට පස්සේ වතුර ටික පෙරලා අරන් මී පැණි පොඞ්ඩක් එකතු කරලා දවසට දෙපාරක් බොන්න.

6 රතු නිවුඩු හාල් ඇහිරුණු රුධිර නාලිකා පිරිසිදු කර හෘදයාබාධ ඇති වීමේ අවධානමෙන් ඔබව මුදවා ගැනීමේ හැකියාව රතු නිවුඩු හාල් වලට තියෙනවා. ශරීරයේ ඛෘඛ කොලොස්ටරෝල් අඩු කිරීමේ මොනොකොලින්ස් මේ වර්ගයේ සහල් වල අඩංගු වෙනවා. ඒ වගේම රතු නිවුඩු හාල් වල ඇති PHYTOSTEROLS, BETA-SITOSTEROL, CAMPESTEROL, STIGMASTEROL, ISOFLAVONES වැනි පෝෂණ සංගටක නිසා කොලොස්ටරෝල් නාශනය කරලා හදවතේ නිරෝගී බව පවත්වා ගෙන යන්න විශාල රුකුලක් සපයනවා

නවසීලන්ත පාර්ලිමේන්තුවේ මන්ත්‍රීවරයා

පසුගියදා නවසීලන්ත පාර්ලිමේන්තුවට අලුත් අමුත්තෙකු පැමිණියේය. ඒ ටුටන්කායි ස්මිත් කොෆී නම් කුඩා බිළිදාය. ස්මිත්ගේ පියා වන තිමති කොෆී සමග ඔහු පාර්ලිමේන්තුවට පැමිණ සිටියේය. තිමති කොෆී නවසීලන්ත පාර්ලිමේන්තුවේ තරුණ මන්ත්‍රීවරයකු ලෙස කටයුතු කරයි. කුඩා ස්මිත්ගේ මව නීතිඥවරියක් බැවින් ඇයට නඩු කටයුත්තකට සහභාගි වීම සඳහා ක්‍රයිස්චර්ච් නුවරට යාමට සිදුවී තිබුණි. එහෙයින් කුඩා ස්මිත්ගේ වගකීම් පැවරුණේ ඔහුගේ පියා වන තිමති කොෆී හටයි. එදින පාර්ලිමේන්තුවේ පැවති විවාදයක් සඳහා අනිවාර්‍යෙන් සහභාගි විය යුතු වූ බැවින් තිමති එයට සහභාගි වූයේ තම බිළිඳු පුත් ස්මිත් ද සමගයි.

තිමති සහ කුඩා ස්මිත් දුටු නවසීලන්ත කතානායකවරයා වන ට්‍රෙවර් මලාඩ් විවාදයට පෙරම පාර්ලිමේන්තුව අමතා ප්‍රකාශ කළේ කුඩා ස්මිත් සමග වුවද විවාදයට සහභාගි වීම සඳහා පැමිණ තිමති මන්ත්‍රීවරයාට තමා ඇතුළු මුලු නවසීලන්ත පාර්ලිමේන්තුවේම ගෞරවය පිරිනමන බවයි. එසේම කුඩා ස්මිත්ට අපහසු සහ බාධාකාරී වන ලෙස කිසිඳු ඝෝෂාකාරී බවකින් තොරව විවාදය ඉදිරියට ගෙනයන ලෙස තමා සියල්ලන්ගෙන්ම ඉල්ලා සිටින බවත් කතානායකවරයා ප්‍රකාශ කළේය.

මේ අතරතුර මන්ත්‍රී තිමති හට විවාදයට සහභාගි වීමේ අවස්තාව උදාවිය. කුඩා පුතු සමග ඔහුට අදහස් දැක්වීමට අපහසු බව දුටු කතානායකවරයා තිමතිගෙන් පුත්‍රයාව ඉල්ලා ගත්තේය. තිමති විවාදයේ අදහස් දක්වන අතරතුර කුඩා ස්මිත් සිටියේ කතානායකවරයා සමග කතානායක පුටුවේය. ඔබ මේ දකින්නේ කතානායක ට්‍රෙවර් මලාඩ් මහතා එලෙස ස්මිත්ව බලාගන්නා ආකාරයයි.

ඉදිරියේදී කුඩා දරුවන්ට අවශ්‍ය පහසුකම් පාර්ලිමේන්තව තුළ ස්ථාපිත කරන බවද කතානායකවරයා පසුව පවසා තිබේ. සාමාන්‍යයෙන් කතානායක පුටුව යොදාගන්නේ මන්ත්‍රීවරුන් මෙහෙයවීමට බවත් අද දින තමා සමග VIP පුදගලයෙකු එහි අසුන්ගත් බවත් ඔහුගේ අනාගතයට සුභ පතන බවත් කතානායකවරයා ට්විටර් පණිවිඩයක සඳහන් කර තිබේ. පසුගිය දිනවල නවසීලන්ත අගමැතිනිය වන ජසින්ඩා ආඩ්න් මහත්මිද මේ හා සමාන ප්‍රවෘත්තියක් නිසා අවධානයට පාත්‍ර විය. ඇය අගමැතිධූර දරන අතරතුර මාතෲ පදවියද ලබා ගත්තාය. මේ වන විට ඇගේ ස්වාමිපුරුෂයා රැකියාවෙන් ඉවත්ව නිවසට වී දරුවන් බලාගන්නා බව ද වාර්තා වේ

කාන්තාවන් ගත යුතු ආහාර

යෝනි ප්‍රදේශය යනු ඉතා ඉක්මනින් ආසාදනවලට ලක්විය හැකි ප්‍රදේශයක්. එයින් කිහිපයක් වන යීස්ට් හා බැක්ටීරියා ආසාදන, මුත්‍රා කරන විට ඇති වන අපහසුතා, යෝනි දාහය, බිබිලි හා එම ප්‍රදේශය දැඩි ලෙස වියළි ස්වභාවයක් ගැනීම, කැසීම, දුගඳ හැමීම කාන්තාවකට ඉතාම පීඩාකාරීවන බව අමුතුවෙන් කිවයුතු නැහැ. එදිනෙදා කටයුතු වලට පමණක් නොව යහපත් ලි1ගික ජීවිතයක් ගත කිරීමටද එයින් බාධා පැමිණෙනවා.අනාරක්ෂිත ලි1ගික සබඳතා, ශරීරයේ හෝර්මෝනවල ඇතිවන අසමතුලිතතා, විවිධ මානසික පීඩාවන්, උපත් පාලන ක්‍රම නිසා ඇතිවන අතුරු ප්‍රතිඵල, වෙළෙඳපොලේ ඇති කාන්තා සනීපාරක්ෂාව සඳහා වූ නිෂ්පාදන භාවිතය ද යෝනි ප්‍රදේශය අවට ආසාදන ඇති වීමට හේතුවන බව කිව යුතුයි.මේ ලිපියෙන් කියවෙන්නේ යෝනි ප්‍රදේශයේ සෞඛ්‍යාරක්ෂාව වෙනුවෙන් ඔබට ගතහැකි ආහාර වර්ග කිහිපයක් ගැනයි.

ක්‍රාන්බෙරි යුෂ ක්‍රාන්බෙරිවල බැක්ටීරියා නාශක ගුණය පවතිනවා. මුත්‍ර ප්‍රදේශයේ ඇතිවන ආසාදන සමනය කිරීමට ක්රාන්බෙරි ඉතා හොඳ පිළියමක්.මේ සඳහා වෙළෙඳපොලේ ඇති සැකසූ යුෂ පානය කිරීම එතරම් සුදුසු නෑ. ඒ එම සැකසූ යුෂවල අධික ලෙස සීනි අඩංගුවන නිසා. එම නිසා වෙළෙඳපොළෙන් මිලදී ගන්නවානම් සීනි රහිත යුෂ මිලදී ගැනීම තමා සුදුසු වන්නේ. එසේ නැතිනම් ඒ වෙනුවට පළතුරු මිලදීගෙන ඔබටම යුෂ සකස්කරගෙන පානය කිරීමට හැකිනම් අගෙයි.යෝගට් යෝනි ප්‍රදේශයේ pH අගය සමතුලිතව තබා ගැනීමට යෝගට් උපකාරී වෙනවා. ඒ එහි අඩංගු ප්‍රෝබයෝටික් නිසා.අර්තාපල් අර්තාපල්වල විටමින් A බහුලව අඩංගු වනවා. විටමින් A යනු ගර්භාෂ බිත්තිවල හා යෝනි මාර්ගයේ සෞඛ්‍ය සම්පන්න බව කෙරෙහි සැලකිය යුතු බලපෑමක් කෙරෙන සංඝටකයක්.

එමෙන්ම හෝර්මෝන නිෂ්පාදනය සඳහාද විටමින් A උපකාරී වෙනවා.සුදු ළූණු යීස්ට් ආසාදන සමනය කිරීමට සුදු ළූණු යනු මහඟු ඔසුවක්.අලි ගැට පේර, ඇපල් යෝනි ප්‍රදේශයේ වියළි බව නැතිකර යහපත් තෙතමන තත්වයෙන් එම ප්‍රදේශයේ රඳවා ගැනීමට මේවාට හැකියි.නැවුම් එළවලු සහ පළතුරු Dark Chocolate කොට්ටම්බා සහ වට්ටක්කා වැනි ඇට වර්ගමේවායේ සින්ක් අඩංගුවන නිසා ඔසප් චක්‍රයේ සිදුවන අක්‍රමිකතා හෝර්මෝනවල ඇතිවන අසමතුලිතා තත්වයන් මග හැරවීමට උපකාරී වනවා. ප්‍රතිශක්තීකරණ පද්ධතියේ ක්රියාකාරිතවයටද සින්ක් යනු අත්‍යාවශ්‍ය මූල ද්‍රව්‍යයක්.පේර, දොඩම් හා මාළු මිරිස් වැනි විටමින් C බහුල ආහාර වර්ග.ජලය ප්‍රමාණවත් ලෙස ජලය පානය කිරීමද ඔබ විසින් කළ යුතුමයිදේසිය වෛද්‍ය වරුන්ට .වටිනා අදහස් දැක්වීම ට .ආරාධනා කරමි .දේශීය වෙදකමේ .මීට වඩා .පෝෂණ ගුණයෙන් ඉහළ .ආහාර හා ජීවන රටා .ඇති බව .විශ්වාස කරමි .එම නිසා .අදහස් දැක්වීම ට .ගෞරවයෙන් ආරාධනා කරමි.